1. Kabesang Tales - Maresponsable
2. Isagani - Tahimik at suporta sa hangaring magkaroon ng sariling akademya.
3. Basilio - Mapagkakatiwalaan
4. Juli - Matiisin at Mapagmahal
5. Simoun - Matalino

1. Kabesang Tales - nagustuhan ko siya dahil isa siyang maresponsableng ama, nagsusumikap din siya para mamuhay ng maayos ang kanyang pamilya at siya ay may prinsipyo.
2. Isigani - Siya ay aking nagustuhan sapagkat kahit siya ay tahimik at malungkutin, suporta naman siya sa hangaring magkaroon ng sariling akademya sa wikang Kastila.
3. Basilio - Nagustuhan ko siya sapagkat isa siyang matalino at matiyagang estudyante na nag-aaral ng medisina. Siya rin ay tapat at mapagkakatiwalaan.
4. Juli - Siya ay aking nagustuhan sapagkat siya ay magandang binibini, madasalin at mabait dahil tinulungan niya ang kanyang pamilya. Hindi rin siya sumusuko kahit mahirap ang kanyang sinapit.
5. Simoun - Nagustuhan ko siya dahil siya ay magaling na negosyante at may matalas na isipan.

1. Kabesang Tales - Naghangad at matapang na lumaban para sa karapatan na pagmamayari na lupa na inaangkin ng mga prayle.
2. Isagani - Susuporta para magkaroon ng sariling Akademya  sa wikang Kastila ang bansang Pilipinas.
3. Basilio - Tinubos niya si Juli sa pagiging pagpapakaalila nito dahil ayaw niya nakikitang nahihirapan ang kanyang iniibig.
4. Juli - Malakas at hindi sumusuko kahit siya ay may sinapit na masaklap na kapalaran.
5. Simoun - Nais makaganti sa mga Prayle kaya`t naghanap siya ng mga taong sasamahan siya sa pakikibaka. 

Nagtungo ang mag-aalahas na si Simoun sa bahay ni Kabesang Tales. Mabuting tinanggap niya pa rin ang pagbisita ni Simoun sa kabila ng kanyang sinapit. Ganoon pa man, may dalang sariling pagkain at utusan si Simoun.

Nagtanong si Simoun tungkol sa kalsada at kung sapat na ba ang rebolber na hawak niya panlaban sa mga tulisan. Wala sa sariling tumugon si Tales habang sinusubukan ni Simoun ang kanyang dalang baril sa may bunga ng puno. Nasilayan ni Tales ang pagbagsak ng bunga ngunit nanatili itong tahimik at tila may malalim na iniisip. 

Nagsidatingan ang mga nakabalita kay Simoun. Dahil kilala ang mag-aalahas na kaibigan ng Kapitan Heneral, agad itong nakipagkaibigan at handa silang gugulin ang kanilang ipon sa mga dalang bato ni Simoun buhat sa Europa. 

Dumating si Kapitan Basilio na handang gumugol ng tatlong libong piso. Naroon din si Hermana Penchang upang bumili ng diyamanteng singsing na naipangako sa Birhen ng Antipolo. Tinanong naman ni Simoun ang tahimik na si Tales kung wala itong ipinagbibiling alahas ngunit sinagot niya ito na naipagbili nang lahat ng anak na si Huli ang alahas maliban sa agnos o locket na kaloob ng kasintahang si Basilio. Ayon kay Tales sasabihin niya muna ito kay Huli nang tinawaran ito ni Simoun. 

Nang magtakipsilim, pinuntahan ni Tales si Huli sa bahay ni Hermana Penchang. Naraanan niya ang dating bukid at sa kalayuan, natanaw niya ang administrador ng mga prayle at ang bagong nagsasaka ng kaniyang bukirin. Pilit siyang nagpipigil sa sarili dahil pakiramdam niya'y pagtatawanan siya, nang hindi na makapigil, dagli siyang bumalik ng kanyang bahay.

Naghinatay sa wala si  Simoun nang gabing iyon. Kinabukasan, nagising siyang wala na ang kaniyang rebolber. At sa halip, isang sulat ang iniwan kasama ang agnos. Ayon sa sulat, kinuha ito ni Kabesang Tales upang manulisan at sadyang iniwan ang agnos bilang kabayaran. Tinitigan ni Simoun ang agnos na ang tunay at pinakaunang nagmay-ari nito ay ang yumaong kasintahang si Maria Clara.

Ikinatuwa ni Simoun ang nangyari at naibulong sa sarili, "Sa wakas ay mayroon na akong tauhan." Agad nitong inutusan ang kanyang mga tauhan na ligpitin ang mga alahas tsaka sila pinauna sa San Diego at nagbiling susunod na lamang. Samantala, dumating ang mga guwardiya sibil upang dakpin si Kabesang Tales. Nang hindi siya matagpuan ay dinala nila ang ama nitong si Tandang Selo. 

Nang sinundang gabi, ang administrador ng mga prayle, ang bagong nagsasaka ng lupain ni Tales ay napabalitang patay. Isa rin ang asawa nitong natagpuang patay noong madaling araw. Lahat sila ay namatay nang puno ng lupa ang mga bibig. Sa tabi nila ay may natagpuang papel na may nakasulat sa dugo na "Tales".