Ég heiti Elsa Herjolfsdóttir Skogland og er umsjónakennari í 7. bekk Fossvogsskóla en við erum með nemendur frá 1. - 7. bekk. Síðustu ár hef ég verið að kenna frá 4.- 7. bekk. 
Í vetur er ég í teymi með tveimur öðrum kennurum en við í Fossvogsskóla reynum að blanda nemendum eins mikið og hægt er innan árgangs, þannig að nemendur eru í raun ekki í ákveðnum "hópi" heldur í einum árgangi. 

Skólaárið 2018-2019 var ég á leiðtoganámskeiði fyrir stærðfræðikennara á miðstigi (þar sem efnið tengsl og breytingar var tekið fyrir) og síðasta skólaár var ég í námsleyfi og lauk diplómu á námsbrautinni Starfstengd leiðsögn og kennsluráðgjöf hjá HÍ. Mér finnst stærðfræðikennsla sérlega áhugaverð og efling kennara sem stærðfræðikennara mjög mikilvæg. Það efni af kynningu sem mér þætti mest áhugavert væri: talnaskilningur og reikningur, algebra, rúmfræði og mælingar og þrautalausnir.

Þetta skólaár starfa ég sem verkefnastjóri í stærðfræði og eitt af störfum mínum sem slíkur er að leiða þá þróunarvinnu sem verið er að ræða og læra hér á þessu námskeiði. 
Kennarar á yngra- og miðstigi munu taka þátt í þróunarstarfinu en um er að ræða tvo til þrjá kennara í hverjum árgangi. Verkefnið er því frekar umfangsmikið hjá okkur. Ég hlakka verulega til verkefnisins, bæði samstarfsins með ykkur og innan skólans míns með mínu fólki :)


p.s. einhverra hluta vegna gat ég ekki breytt prufunni sem ég byrjaði á í fyrsta tíma þannig að ég gerði bara nýja. Kennari má gjarnan eyða færslunni ef hann getur.