ГАZА. 2025 жылғы 16 қазан. Qazinform / Reuters / Al Jazeera.

Израиль мен Хамас қозғалысы арасындағы ұзаққа созылған қақтығысты тоқтату мақсатында тараптар уақытша бітім туралы келісімге келді.

Халықаралық ақпарат агенттіктерінің хабарлауынша, бітім 10 қазаннан бастап күшіне енген. Келісім аясында тұтқындар алмасу мен гуманитарлық көмекті арттыру шаралары қарастырылған.

Хамас ұйымы 20 тірі тұтқынды және бірнеше адамның мәйітін қайтаруға уәде берді. Өз кезегінде Израиль шамамен 2 мың палестиналық тұтқынды босатуды жоспарлап отыр.

БҰҰ мен Қызыл Крест ұйымдары аймаққа азық-түлік, су және дәрі-дәрмек жеткізуді ұлғайтуға дайын екендерін мәлімдеді. Алайда Израиль тарапының шекаралық бақылауы гуманитарлық көмектің кіруін тежеп отыр.

Израиль премьер-министрі Биньямин Нетаньяху бұл бітімді «тұрақты бейбітшілік емес, уақытша шешім» деп атап, Хамастың толық қарусыздануы және биліктен кетуі қажет екенін айтты.

Хамас қозғалысы, керісінше, Израиль әскерінің Газадан толық шығуын және аймаққа жасалған блокаданы алып тастауды талап етуде.

Аймақтағы жағдай әзірге тұрақсыз күйінде қалып отыр. Египет, Катар және Түркия мемлекеттері тараптарды бітімді ұзартуға және бейбіт келіссөздерді жалғастыруға шақырып отыр