O Val do Ulla está situado entre as provincias da Coruña e Pontevedra. Hai varios concellos que pertencen a estes lugares, como por exemplo, a Estrada, Teo, Vedra e Boqueixón e ten unha poboación de 1.221 (2024).

Na comarca do Ulla hai moitas cousas para ver. No río Ulla, hai troitas e salmóns, montes como Pico Sacro, que é o máis lendario de Galicia. Ademais, en Santiago tamén hai figuras históricas, xardíns e fermosos monumentos como os pazos de Santa Cruz (máis destacado de España).

En 2013 foi declarada festa de interese turístico e o modo de celebración desta festa é a seguinte:

Os correos (persoas que van disfrazadas con gravatas e camisas) avisan os veciños de que chegan os xenerais montados a cabalo facendo burlas e sátiras de temas da actualidade. Tras eles van os coros de bonitos (nenos e nenas) e os coros de vellos (adultos).

Os Xenerais do Ulla visten cunha camisa branca e unha chaqueta de veludo negro, aínda que pode ser azulado ou vermello. O pantalón é branco cunha banda vermella ao lado e levan un sombreiro con plumas de avestruz coloridas.

Para os máis larpeiros, este Entroido sabe a gloria. Un non sabe por onde comezar: filloas doces ou salgadas, soas ou cun toque de mel, chocolate, castañas... Tamén orellas, flores, bica, copos de anís, chulas de cabaza, torta de roxóns... E imprescindibles, uns bos groliños de xastré e de licor café. Finalmente, para facer unha boa dixestión: música, baile, comparsas e moita moita diversión. Aquí, no Entroido de Antas do Ulla non falta de nada!