https://padlet.com/arcadecosme09/o07oefrvzaw8d2w1 Made with good vibes en-us 2020-05-23 07:02:43 UTC 2020-10-09 03:55:39 UTC hello@padlet.com arcadecosme09 https://padlet.com/arcadecosme09/o07oefrvzaw8d2w1/wish/590049946

Kalikasan,

Kalikasan na dapat ay pangalagaan,

Dapat ingatan at pahalagahan,

Ngunit ngayon bakit tila’y nagbago na,

Ang dating maganda nating kalikasan ay tuluyan ng nawala.

Noong una makikita mo pa,

Ang mga namumutiktik na puno’t halamang kay ganda,

Na nagbibigay ng hanging kay sariwa,

At kagalakan sa ating mga mata.

Kung dati atin pang masisilayan,

Ang mga ibong nagsisiliparan sa kalangitan,

Ang luntian nating kapaligiran,

Pati na rin ang kulay asul na karagatan.

Hindi rin mawawala,

Ang araw na kay ganda sa balat tuwing umaga,

Ang hangin na sariwa tuwing ang hapon ay sasapit na,

At mga nagkikislapang bituin sa gabi pag tayo’y tumingala.

Ang ganda pa ng ating kapaligiran noong una,

Makikita mo pa ang mga batang masayang naglalaro sa kalsada,

Mga huni ng ibon na tila kay sarap pakinggan sa tenga,

At mga taong namumuhay pa ng payapa at masaya.

Ngunit ngayon ay naglaho nalang bigla,

Ang dating malinis na kapaligiran ay punong-puno na ng mga basura,

Ang mga puno sa kabundukan ay tila nakalbo na,

Pati na rin ang mga isda sa karagatan ay unti-unti nang nawawala.

Nakakalungkot lang isipin,

Na kaya nagkaganito ang ating kalikasan dahil sa mga mali nating gawain,

Na walang dapat sisihin kundi tayo-tayo lang din,

At ang dapat lang nating gawin ay ang baguhin at ayusin.

Atin ng simulan ang paglilinis sa kapaligiran,

Magtanim ng mga puno’t halaman,

At magpulot ng mga basura sa daan,

Para sa ikakaganda ng ating kalikasan.

]]> 2020-05-23 07:04:33 UTC https://padlet.com/arcadecosme09/o07oefrvzaw8d2w1/wish/590049946