Nokkuð hefur verið skrifað um bókina og má meðal annars finna 1.931 dóm um hana á Goodreads hér: https://www.goodreads.com/book/show/1000751.Pollyanna. 

Að tveimur vikum liðnum horfum við með þeim á myndina og nýtum til þess samliggjandi tíma í stundatöflu. Það eru flest allar stofur í skólum með skjávarpa og hátalara og krakkarnir geta legið á gólfinu og setið á borðum eða jafnvel í sumum skólum setið í sófa og grjónapúðum. 

Eftir umræður á hver hópur að finna að minnsta kosti 8 atriði sem þau sjálf geta nýtt til að breyta sinni hugsun til betri vegar þegar kemur að jákvæðni. Hver hópur býr til stutta kynningu á sínu verkefni og má hún vera í formi veggspjalds eða glærusýningar með munnlegri kynningu, leikrits eða myndbands. Kynningar munu fara fram í lífsleiknitíma hjá umsjónarkennara og eftir að allir hópar hafa kynnt sín verkefni verða umræður.

Pollýanna sem saga, hvort heldur sem er í bóka- eða bíómyndaformi, er svo innilega einlæg og kennir þeim sem henni kynnast einmitt þetta sem upp á vantar. Hún sér ávalt góða punkta í öllu og er þakklát fyrir það sem að henni er rétt, jafnvel þó það sé ekki alltaf það sem hana vantaði eða hún óskaði sér. 

Bergþóra, Guðrún Edda og Pollýannan í þeim báðum.