MEMM verkefnið - Ágústráðstefna Samtaka áhugafólks um skólaþróun 14. ágúst 2025 by Ingvar Sigurgeirsson

Fríða Jónsdóttir: Viltu vera MEMM? Samstarf um menntun og móttöku barna með fjölbreyttan tungumála og menningarbakgrunn á Íslandi.

ingvarsigurgeirsson — 2025-03-28 10:13:53 UTC

MEMM er þróunarverkefni sem miðar að því að styðja við menntun og inngildingu barna með fjölbreyttan tungumála- og menningarbakgrunn í íslensku skóla- og frístundastarfi. Verkefnið er unnið í nánu samstarfi við sveitarfélög, menntastofnanir og fagfólk á landsvísu til að þróa árangursríka nálgun í móttöku, kennslu og stuðningi fyrir börn og ungmenni með fjölbreyttan tungumála- og menningarbakgrunn. Verkefnið er leitt af Mennta- og barnamálaráðuneyti og er samhæfingarstjóri þess Fríða B. Jónsdóttir. Hluti verkefnisins felst í að Miðja máls- og læsis, þekkingarteymi um mál og læsi leik- og grunnskólabarna, gengur til liðs við Miðstöð menntunar- og skólaþjónustu auk þess sem búið er að fjölga kennsluráðgjöfum og brúarsmiðjum hjá MMS. Einnig er framhaldsskólateymi MEMM starfandi.

Sjá nánar hér!

Fríða Bjarney Jónsdóttir

ingvarsigurgeirsson — 2025-03-28 10:13:53 UTC

Fríða Bjarney Jónsdóttir er leikskólakennari og með sérhæfingu í menntunarfræðum með áherslu á fjölmenningu og inngildandi skólastarf. Hún hefur starfað um árabil hjá Reykjavíkurborg meðal annars sem leikskólakennari, verkefnastjóri fjölmenningar og deildarstýra Nýsköpunarmiðju menntamála ásamt því að koma að rannsóknum og kennslu á Menntavísindasviði HÍ. Hún starfar sem samhæfingarstjóri þróunarverkefnisins MEMM, menntun, móttaka, menning hjá Mennta- og barnamálaráðuneyti sem unnið er í nánu samstarfi við Miðstöð menntunar og skólaþjónustu og Reykjavíkurborg.

Fríða lauk doktorsgráðu árið 2032 en rannsókn hennar bar heitið „Veitum röddum vængi Leikskóli sem inngildandi námsrými til samskipta og skilnings“ . Liður í hagnýtingu niðurstaðna rannsóknarinnar var útgáfa verkfærisins „Gefðu10“ sem hefur verið nýtt í leikskólum um allt land sem og mörgum grunnskólum og frístundaheimilum.

Aftur á ráðstefnusíðuna

ingvarsigurgeirsson — 2025-03-28 10:13:53 UTC