Decidida a descubrir dunha vez por todas a súa identidade, Lola Vendetta regresa disposta a cortar polo san, coa axuda da súa catana, o cordón umbilical e a emprender pola súa conta o camiño da revolución Feminina.

De nena só viu homes valentes, aleccionadores, violentos ou con ánimo de salvala, pero se algo sabe é que non necesita que ninguén a rescate. Agora desprégase ante ela un variado panorama de homes, e moitos, para sobrevivir en sociedade, parecen negarse gran parte de si mesmos: a vulnerabilidade, a identidade sexual, as emocións, o medo... Talvez chegase a hora de gardar a catana e tentar comprenderse. 

Tras librarse dunha relación aburrida e  monótona, Lola ten que afrontar a súa nova vida como solteira e atopar dentro de si mesma o que buscara no outro: a aceptación e o amor propio. Durante este proceso de coñecemento, a afiada e contundente Lola Vendetta ofrecerá aos lector momentos tanto para a risa como para a reflexión.

Empezando por Eva, a primeira que mordeu a mazá, esta é unha historia sobre tódalas mulleres. Porque Leticia Dolera convídanos a abrazar unha causa, que é a de tódalas persoas que soñamos cunha sociedade xusta.  Por moito que nos repetiran que Eva pecou ao morder a mazá, nós sabemos que aquilo foi precisamente o que a fixo sabia. Unha obra de empoderamento feminista para tódalas idades. 

Empezando por Eva, a primeira que mordeu a mazá, esta é unha historia sobre tódalas mulleres. Porque Leticia Dolera convídanos a abrazar unha causa, que é a de tódalas persoas que soñamos cunha sociedade xusta.  Por moito que nos repetiran que Eva pecou ao morder a mazá, nós sabemos que aquilo foi precisamente o que a fixo sabia. Unha obra de empoderamento feminista para tódalas idades. 

A partir dunha marabillosa rede de conexións entre experiencias femininas, Cristina Oñoro conta outra historia do mundo, empregando para iso unha infinidade de detalles memorables e anécdotas curiosas, así como os últimos avances da investigación especializada sobre os seus protagonistas. As que faltaban percorre con rigor algúns momentos históricos cargados de significado, desde a escuridade das cavernas prehistóricas ata a Guerra de Afganistán, pero tamén da literatura, a arte, a filosofía e a ciencia para tratar de iluminar, con notables doses de ironía e erudición, as zonas de sombra nas que se relegou ás mulleres. O resultado é unha nova épica, atrevida e poderosa, que desmitifica a construción heroica e violenta do pasado en favor dunha visión do mundo profundamente relacional e aberta ao posible. 

Esta obra finalmente saca á luz a historia destas incribles mulleres cuxas fazañas foron eclipsadas polo tempo.  Judy Batalion, neta de sobreviventes polacos, lévanos de regreso a 1939 e preséntanos á moza Renia  Kukielka, unha  contrabandista de armas e mensaxeira que se xoga a vida ao cruzar a Polonia ocupada a pé e en tren, e a tantas outras mulleres que puxeron as súas vidas en perigo para levar a cabo as súas misións.

Aínda que non existen cifras oficiais en España, estímase que hai unha prevalencia de 1 caso de  TEA por cada 100 nacementos . Algúns dos trazos típicos deste trastorno fan imprescindible que as persoas que presentan este trastorno conten coas ferramentas necesarias para que poidan mellorar a súa calidade de vida.  A literatura é, sen dúbida, unha das ferramentas máis valiosas das que dispoñemos na comunidade educativa.

O seu autor, aínda que sen formación en psicoloxía ou terapias, traballou durante un tempo con persoas con necesidades especiais e esta aprendizaxe xunto a eles foi o que lle empuxou a plasmar dunha forma tan brillante as peculiaridades do autismo xuvenil. A historia, narrada en primeira persoa por  Christopher, é un remuíño de experiencias cotiás, de intereses propios e da súa fuxida cara a adiante nunha sociedade que non lle acolle demasiado ben.