Ես

anushabelyan95 — 2020-07-20 19:15:58 UTC

Ծնվել եմ 25.11.1978 թվականին Երևան քաղաքում:
1985 – 1995 թթ. ավարտել եմ Երևանի թիվ 103 դպրոցը:
1995 – 2000 թթ-ին սովորել եմ Խ. Աբովյանի անվան պետական մանկավարժական համալսարանի <<Հայոց լեզու և հայ գրականություն>> ֆակուլտետում:
2000 թ-ին մասնակցել եմ ՀՊՄՀ-ի «Սփյուռք» գիտաուսումնական կենտրոնի հատուկ դասընթացներին:
2001 – 2004 թթ-ին սովորել եմ ՀՀ ԳԱԱ Մ. Աբեղյանի անվան գրականության ինստիտուտի ասպիրանտուրայում:
2007 թվականին պաշտպանել եմ «Լևոն Շանթի գեղարվեստական արձակը» թեմայով գիտական ատենախոսությունը՝ ստանալով բանասիրական գիտությունների թեկնածուի գիտական աստիճան։
2000 – 2007 թթ. Աշխատել եմ Երևանի թիվ 85 և թիվ 136 դպրոցներում՝ որպես հայոց լեզվի և հայ գրականության ուսուցչուհի:
2000 – 2002 թթ. աշխատել եմ Հայ-ամերիկյան «Արեգ-Բելլա» դպրոցում՝ որպես հայոց լեզվի եւ գրականության ուսուցչուհի:
2005 թվականին աշխատել եմ Երևանի «Հայբուսակ» համալսարանում՝ որպես հայոց լեզվի եւ գրականության դասախոս:
2007 թվականից աշխատել եմ Երևանի Մեսրոպ Մաշտոցի անվան համալսարանում՝ որպես հայ, սփյուռքահայ եւ արտասահմանյան գրականության դասախոս:
2009 թվականին նշանակվել եմ Երևանի Մեսրոպ Մաշտոցի անվան համալսարանի Կրեդիտային համակարգի ներմուծման բաժնի պատասխանատու:
2011- 2012 թթ. Երևանի Վ. Բրյուսովի անվան լեզվաբանական համալսարանում դասավանդել եմ Հայ և սփյուռքահայ գրականություն:
2014 թվականից նշանակվել եմ Երևանի Մ. Մաշտոցի անվան համալսարանի Օտար լեզուների եւ հումանիտար ֆակուլտետների ամբիոնի վարիչ:
2014 թվականին մասնակցել եմ ՀՀ ԿԳՆ հանրակրթական ուսումնական հաստատությունների ղեկավարման իրավունքի համար նախատեսված դասընթացներին, հանձնել քննություն և ստացել հանրակրթական ուսումնական հաստատության ղեկավարման իրավունքի Հավաստագիր։
2016 թվականի հոկտեմբերի 20 - ից նշանակվել եմ <<Երևանի հ. 100 հիմնական դպրոցի>> ՊՈԱԿ- ի տնօրենի ժամանակավոր պաշտոնակատար:
2016 թ. դեկտեմբերի 21 - ին մրցութային կարգով մրցույթի արդյունքնում ընտրվել եմ այդ դպրոցի տնօրեն :

Իմ սիրելի դպրոցը

anushabelyan95 — 2020-07-20 19:20:41 UTC

Հալաբյան և Մարգարյան փողոցների հատվածում գողտրիկ մի անկյուն կա` սլացիկ եղևնիներով շրջապատված։ Այդ գողտրիկ անկյունում շուրջ 51 տարի իր ուսումնական գործունեությունն է ծավալում արտաքին տեսքով մի շատ սովորական, բայց ներքուստ հարուստ, բովանդակ կյանքով ապրող մի դպրոց` հ.100 հիմնական դպրոցը։ Մեր քարե երկրում 1964 թվականին քարը քարի վրա դրվեց ու կառուցվեց այդ դպրոցը, որը գործում է երկու մասնաշենքով, 25 դասասենյակով՝ լաբորատոր դասասենյակներ իրենց սարքավորումներով։ Մենք կրթում ու դաստիարակում ենք երեխաներին ոգով ու եռանդով՝ սերմանելով երեխաներին այն հավատամքը, թե գիտելիքն է մեծագույն ուժը:.

anushabelyan95 — 2021-06-17 13:48:10 UTC

Իմ և իմ դպրոցի պատմությունը by Anush Abelyan

Ես

Իմ սիրելի դպրոցը