Nemendur kynnast akrýlmálningu, læra að vinna verk með mismunandi tækni og læra að blanda liti. Nemendur læra að byggja upp myndir og kynnast lögmálum myndlistar. 

Leir

Í leirsmiðjunni fá unglingar að prófa sig áfram með leir og skapa eigin listaverk með höndunum. Kenndar eru einfaldar aðferðir og lögð áhersla á hugmyndir þátttakenda, sköpun og sjálfstæða vinnu. Engin fyrri reynsla er nauðsynleg – hér má leika sér, læra og njóta í rólegu og hvetjandi umhverfi.

Námsmat: Virkni, áhugi, frumkvæði og þátttaka. 

Boltaíþróttir

Farið verður yfir allar helstu boltagreinar sem spilaðar eru hér á landi. Reglum og grunnatriðum greinanna verða gerð góð skil svo nemendur öðlist dýpri skilning á íþróttinni og geti beitt sér rétt í leik.

Golf
Nemendur kynnast og læra í gegnum leiki helstu grunnatriði golfíþróttarinnar. Kennslan mun fara fram ýmist á æfingasvæði golfklúbbsins, á útisvæði grunnskólans eða innandyra í skóla eða íþróttahúsi.

Námsmat: Virkni, áhugi, frumkvæði og þátttaka.  

Styrktarþjálfun er mikilvægur þáttur í íþróttum og annarri líkamlegri hreyfingu fyrir ungt fólk. Sýnt hefur verið fram á að ávinningur styrktarþjálfunar hjá börnum og unglingum er mikill og má þar nefna jákvæð áhrif á hjarta- og æðarkerfi, beinþéttni, andlega þætti og góð langtímaáhrif á heilsu. Valgreinin gagnast öllum nemendum, m.a. þeim sem langar að taka þátt í Skólahreysti.

Mikilvægt er að nemendur sem velja styrktarþjálfun hafi áhuga á því að læra og stunda styrktaræfingar, því námskeiðið er kennt allan veturinn.

Námsmat: Virkni, áhugi, frumkvæði og þátttaka. 

Nemendur fá tækifæri til að kynnast starfi yngri nemenda í frístund með því að dvelja þar við leik og störf. Nemendur fá hvatningu og aðstoð við að skipuleggja 1-2 klst. starf. 

Námsmat: Virkni, áhugi, frumkvæði og þátttaka.   

Leikskóli 

Nemendur fá tækifæri til að kynnast starfi leikskólakennara og leikskólabarna með því að heimsækja Bergheima og/eða Hraunheima klukkustund í senn í níu vikur. Nemendur fá hvatningu og aðstoð við að skipuleggja 1-2 klst. starf. 

Námsmat: Virkni, áhugi, frumkvæði og þátttaka.  

 Í dansi verður lögð áhersla á sköpun og freestyle dans. Nemendur læra grunnspor, semja dansa saman og koma fram á danssýningu skólans að vori. Zumba er skemmtileg hreyfing þar sem dönsuð eru einföld spor við skemmtilega tónlist. Styrking og mikil brennsla.

Námsmat: Virkni, áhugi, frumkvæði og þátttaka.

Heilsa er öllum mikilvæg, regluleg hreyfing, svefn og næringarríkt mataræði eru taldir mikilvægir þættir þegar kemur að heilsu. Reglulega hreyfingu er hægt að stunda á margskonar vegu og fá nemendur að kynnast nokkrum aðferðum í þessum áfanga. 

Skólahreysti

Skólahreysti er liðakeppni á milli grunnskóla sem okkar skóli hefur tekið þátt í. Valgreinin gagnast öllum nemendum en sérstaklega þeim sem langar að taka þátt í liði skólans þegar kemur að keppninni Skólahreysti.

Námsmat: Virkni, áhug, frumkvæði og þátttaka.

Skák
Nemendur læra mannganginn og æfa sig í að tefla. Lögð er áhersla á rökhugsun, einbeitingu, þolinmæði og heilbrigða keppni í jákvæðu og uppbyggilegu umhverfi. Skáksmiðjan hentar bæði byrjendum og þeim sem hafa einhverja reynslu og býður upp á samveru, áskoranir og skemmtun.

Námsmat: Virkni, áhugi og þátttaka.

Aðstoðarþjálfun
Nemandi kynnist starfi þjálfara í íþróttagrein sem nemandinn hefur æft og þekkir vel. Nemandi starfar sem aðstoðarþjálfari reynds þjálfara. Valgreinin er því stunduð á þeim tímum sem æfingar fara fram. Reynt verður að koma til móts við alla þá nemendur sem vilja kynnast þjálfun í sinni íþróttagrein.

Námsmat: Virkni, áhugi, frumkvæði og þátttaka.

Félagsmiðstöðvarval
Nemendur taka þátt í félagsmiðstöðvarstarfi og sækja þá fræðslu og uppákomur sem boðið er uppá. Gert er ráð fyrir þátttöku í að minnsta kosti klukkustund í hverri viku. Opið er í Svítunni mánudaga, miðvikudaga og fimmtudaga kl. 19:00 - 21:30. Dagskrá má sjá á Instagram síðu Svítunnar svitan815 og á veggjum skólans. 

Námsmat: Virkni, áhugi, frumkvæði og þátttaka.

Útilega og útivist

Farið verður í skemmtilega helgarútilegu að Úlfljótsvatni þar sem lögð verður áhersla á samveru, útiveru og jákvæða upplifun af náttúrunni. Helgin mun einkennast af fjölbreyttri útivist, meðal annars gönguferðum, þrautabrautum, hópefli og leikjum sem styrkja samvinnu og sjálfstraust. Útilegan gefur nemendum tækifæri til að njóta náttúrunnar, prófa nýja hluti og eiga notalega stund með jafningjum og kennurum í öruggu og stuðningsríku umhverfi.

Athugið að foreldrar þurfa að aðstoða við að útvega viðeigandi útilegubúnað og skipuleggja akstur. Fjölskyldur nemenda eru jafnframt velkomnar með. Gert er ráð fyrir að farið verði í ferðina eina helgi í ágúst eða byrjun september.

Námsmat: Virkni, áhugi, frumkvæði og þátttaka.

Markmið námsins er fyrst og fremst að gera nemendur sjálfstæða í verki, stuðla að vinnugleði og virðingu fyrir vinnu, þjálfa einbeitingu, iðjusemi og verkfærni. Lögð megináhersla á smíði nytsamlegra húsgagna, s.s. stóla, náttborða o.fl. Nemendur koma með hugmyndir eða finna þær á t.d. Pinterest og teikna, hanna og smíða með aðstoð kennara.

Málmsmíði og silfursmíði

Nemendur hanna og smíða einfalda skart- og nytjahluti úr málmi. Lögð er áhersla á skapandi og sjálfstæða vinnu nemenda.

Tálgun og útskurður

Kennd eru grunnatriði við útskurð og tálgun í tré, beiting útskurðarjárna, tálgunarhnífa og viðhald bits í þeim. Kynnt eru efni og áhöld, farið í mikilvægi teikninga og kennt hvernig færa á mynstur af teikningu yfir á tré. Farið verður í annarsvegar tálgun á nokkrum hlutum s.s. smjörhnífum, bátum og dýrum. Í útskurði verður farið í að skera og höggva út stafi og mynstur í tré.

Námsmat: Virkni, áhugi, frumkvæði og þátttaka.

Peysuprjón

Nemendur læra grunnatriði peysuprjóns og helstu prjónatækni. Unnið er með einfaldar uppskriftir, litaval og mynstur og nemendur prjóna peysu eða hluta úr peysu. Áhersla er lögð á skapandi vinnu, handlagni og kynningu á íslenskum prjónamenningararfi.

Naglalist

Nemendur fá innsýn í naglalist, læra að snyrta eigin neglur, nota gervineglur og búa til skapandi naglaskreytingar. Mikil listsköpun felst í þessari vinnu þar sem áhersla er lögð á hreinlæti, form, litaval og persónulega tjáningu í naglahönnun.

Hekl

Nemendur læra grunnatriði í heklun og hanna eigin hluti úr garni. Áhersla er lögð á persónulegan stíl, sköpun og hönnun með einföldum aðferðum og fjölbreyttum útfærslum.

Námsmat: Virkni, áhugi, frumkvæði og þátttaka.

Markmiðasetning
Nemendur læra að setja sér markmið og vinna skipulega að því að ná þeim. Áhersla er lögð á sjálfsþekkingu og hvatningu og til að styðja við jákvæða þróun í námi og lífi.

Fjármálafræðsla
Nemendur fá innsýn í helstu hugtök fjármála, svo sem sparnað, neyslu og lán. Áhersla er lögð á að tengja viðfangsefnin við daglegt líf.

Framhaldsnám
Nemendur skoða námsmöguleika eftir grunnskóla og kynnast mismunandi brautum, skólum og störfum. Unnið verður með styrkleika og áhugasvið hvers og eins með framtíðina í huga.

Námsmat: Virkni, áhugi, frumkvæði og þátttaka.

Námsmat: Virkni, áhugi, frumkvæði og þátttaka.

Skólablað

Nemendur afla og vinna skemmtilegt og fjölbreytt efni í skólablað.

Yndislestur

Nemendur velja sér bækur að eigin áhuga og sinna lestri í ró og næði. Þeir fjalla um bækur sínar á fjölbreyttan hátt með hópfélögum og kennara, t.d. í umræðum, með myndrænni úrvinnslu eða munnlegri kynningu.

Árbókarskrif

Nemendur hanna skemmtilega árbók með myndum og textum um nemendur (nemendur 10. bekkjar). Árbókin verður svo gefin öllum nemendum sem útskrifast úr 10. bekk.

Námsmat: Virkni, áhugi, frumkvæði og þátttaka.

Nemendur velja fimm smiðjur nema þeir hafi óskað eftir undanþágu, þá velja þeir fjórar smiðjur. 

Í Skjálfta/leiklist er enginn látinn gera eitthvað sem hann/hún/hán vill ekki heldur er unnið með styrkleika hvers og eins. Markmiðið með þátttöku í valinu er að bjóða nemendum upp á verkefni sem eflir sköpunargáfu, þjálfar þau í markvissu langvinnu hópastarfi sem styrkir sjálfsmynd einstaklinga og hefur jákvæð áhrif á skólamenningu. 

Athugið að breytt fyrirkomulag er á þessari valgrein þar sem búið er að sameina tvær smiðjur í eina sem er þó ígildi tveggja smiðja og verða því 2 klst. á viku fastar í töflu. Þegar nær dregur sýningum er möguleiki á að bæta þurfi við æfingum utan skólatíma.

Námsmat: Virkni, áhugi, frumkvæði og þátttaka.

Samspil/hljómsveit

Nemendur velja sér hljóðfæri (eða söng) og vinna saman að því að finna, æfa og flytja lög saman.

Tónlistarforrit

Nemendur fá tækifæri til að vinna með tónlistarforrit, til dæmis GarageBand eða sambærileg forrit. Þar geta þau þróað tónlistarhugmyndir áfram, búið til coverútgáfur, kvikmyndatónlist, eigin lagasmíðar, takta eða undirspil fyrir rapptexta.

Tónsköpun

Nemendur vinna með eigin tónlistarhugmyndir, einir eða í hópum eftir áhuga. Þau geta samið lag, texta, beat og rapptexta, instrumental verk eða annað. Áhersla er lögð á sköpunarferlið, tilraunir, úrvinnslu hugmynda og að nemendur fái að þróa eigin tónlist.

Upptökur og miðlun

Nemendur fá að prófa sig áfram með einfaldar upptökur á tónlist. Það getur til dæmis verið upptaka á eigin lagi, coverlagi, söng, hljóðfæraleik eða tónlist sem unnin er í tónlistarforriti. Einnig geta nemendur búið til einfalt tónlistarmyndband, lyric video eða aðra skapandi framsetningu á tónlistarverkefni sínu.

Námsmat: Virkni, áhugi, frumkvæði og þátttaka.

Í sögusmiðjunni verður grúskað í sögu mannkynsins síðan í ,,gamla daga”. Hvað gerir söguna okkar áhugaverða? Hvenær gerðist hitt og þetta? Hefur sagan okkar haft mikil áhrif á það hvernig við lifum í dag? Hvað gerði fólk eiginlega áður en Netflix var fundið upp? Er saga okkar hér á Íslandi mjög frábrugðin sögu annarra landa í heiminum? Hvað veit ég eiginlega um heiminn? Hver skrifar söguna?

Landafræðismiðja

Í landafræðismiðjunni förum við út um víðan völl og sjáum hvernig heimurinn hefur landfræðilega breyst síðustu aldirnar. Hvar eru hin og þessi lönd í heiminum? Skipta landamæri eins miklu máli í dag? Eru landamæri landa að stoppa okkur í að fara þangað sem okkur langar? Getum við farið hvert sem við viljum, hvenær sem er? Hver ræður þessu eiginlega?

Námsmat: Virkni, áhugi, frumkvæði og þátttaka.

Áhersla er lögð á stuðning, hvatningu og jákvæð samskipti. Nemendur læra að axla ábyrgð, efla samskiptahæfni og styrkja sjálfstraust sitt um leið og þeir leggja sitt af mörkum til skólasamfélagsins. Þá er vel þekkt innan kennslufræðinnar að ein besta leiðin til að auka eigin skilning og þekkingu á viðfangsefni er að kenna og útskýra fyrir öðrum.

Valsmiðjan hentar nemendum sem hafa áhuga á að hjálpa öðrum og taka virkan þátt í uppbyggilegu samstarfi.

Námsmat: Virkni, áhugi, frumkvæði og þátttaka.