Lumaki ako sa mahirap na pamilya kahit ganon ay masaya at kontento na ako. Baba ng bundok at kagubatan ang tirahan namin. Vera ang pangalan ko, labing walong taong gulang. Wala na kaming nanay, pumanaw ito noong nakaraang taon, nakidlatan ito dahil sa lakas ng bagyo noong araw na iyon, kaya ako ang nagsilbing nanay sa mga bata kong kapatid. Si tatay naman ay kasali sa isang organisasyon kung saan ay nagpuputol sila ng punong kahoy ngunit illegal. Tag-ulan noon, madalas binabaha ang lugar namin siguro dahil kalbong kalbo na ang mga puno sa kagubatan. Naapektuhan din ang pag aaral naming magkakapatid, hindi kami makapasok sa paaralan dahil may baha, lagi akong nahuhuli sa klase. May truck naman si tatay ngunit hindi sa kanya iyon at ginagamit lamang kapag nagdedeliver ng kahoy sa bayan, mahigpit ang boss nila. Ilang beses ko na syang kinausap tungkol dito pero nagalit lamang sya at para rin naman daw sa amin ang perang kinikita nya. Hingil sa kaalaman nya ay sumali ako program ng school namin pagtatanim ng puno ang mga iyon. Gusto ko lang namang maiwasan ang pagbabaha sa lugar namin at makapagtanim ng mga puno pamalit sa mga punong kahoy na pinuputol ng mga tao.