Nemendur fá tvær vikur til að lesa bókina áður en verkefnavinnan hefst. Þegar lestarvikunum er lokið þá kynnir kennari verkefnið fyrir nemendunum. 
Nemendur velja sig í þriggja til fjögurra manna hópa. Kennari býður svo nemendum að velja sér viðfangsefni sem þeir vilja helst vinna með. Viðfangsefnin eru kynntar til leiks hér fyrir neðan

Nemendur fá þrjár kennslustundir til þess að vinna verkefnið. Fyrstu tvær kennslustundirnar eru fyrir nemendur til að vinna með viðfangsefnin og síðasta kennslustundin verður nýtt í kynningar á hverju viðfangsefni fyrir sig. 
Með því að kynna verkefnin þá eflast nemendur í framsögn og geta þar með nýtt fjölbreyttar aðferðir við að miðla þekkingu sinni, skoðunum og hugsunum á skipulegan og skýran hátt sem við á hverju sinni.

Nemendur hafa frjálsar hendur um hvernig þau vilja útfæra sín verkefni. Verkefnin geta verið allt frá plakatgerð til stuttmynda. 

Á meðan nemendur vinna að verkefnum dregur kennari sig í hlé en labbar á milli hópa og býður fram aðstoð ef þörf er á. 

Nemandi og sjálfstæði nemanda er í brennidepli.

Höfundur: Hér má einn hópur vinna. Nemendur afla sér upplýsinga á netinu um höfund bókar. Hægt er að skoða önnur verk, verðlaun og tilnefningar og jafnvel sturlaðar staðreyndir um höfund. Í þessu verkefni öðlast nemendur hæfni í upplýsingatækni þar sem þeir geta nýtt upplýsingaverið á fjölbreyttan hátt til þekkingaröflunar og miðlunar. 

Bókmenntafræðileg hugtök: Hér má einn hópur vinna. Nemendur fjalla form bókarinnar. Í hvaða persónu er bókin? Frá hvaða sjónarhorni gerist bókin? Hver er sögumaður? Hver talar? Er sögumaður alvitur? Hvert er sögusvið? Hver er innri og ytri tími bókar?  Í þessu verkefni æfast nemendur í því að geta beitt nokkrum grunnhugtökum í bókmenntafræði samkvæmt hæfniviðmiðum í íslensku.

Framhaldsögur: Hér mega vera nokkrir hópar þar sem skemmtilegt er að fá mismunandi sjónarhorn og spádóm nemenda. Nemendur ákveða hvað gerist næst í sögunni. Þau eiga að semja framhald á bókina og leysa úr þeim spurningum sem sitja eftir lestur hennar. Nemendur hafa frjálsar hendur um hvernig þau vilja hafa framhaldið sitt og eiga að leyfa ímyndunaraflinu leika lausum hala. Í þessu verkefni átta nemendur sig á sköpunarmætti tungumálsins og geta nýtt sér hann til skáldskapar í ritun. Þessi hæfni tilheyrir hæfniviðmiðum í málfræði.

Svartidauði: Hér má einn hópur vinna. Nemendur geta fjallað um svartadauða og afleiðingar hans. Það er hægt að skoða hvernig hann byrjaði, hvernig hann smitaðist á milli manna, hvaða áhrif hann hafði á íslenskt samfélag, hvernig hann dó út og hvort að það sé hægt að finna hann í dag. Hérna eiga nemendur að geta nýtt fjölbreytta miðla og hjálpartæki á ábyrgan hátt við að leita upplýsinga og til stuðnings í námi sínu, og styrkjast þar með í hæfniviðmiðum sem eiga við nýtingu miðla og upplýsingar.

Bókin er í sjálfu sér listaverk. Hún er þannig skrifuð að lesendur hreinlega sökkva í hana og gleyma sér algerlega. Sögusvið og persónur eru mjög framandi og maður heillast í fyrstu köflum bókar. Uppbygging bókar er mjög þægileg og svo má ekki gleyma spennandi fléttu sem gerir góða bók ennþá betri.