Mig langaði til að sýna hvernig maður getur stundum verið fastur á milli tveggja heima, annars vegar vilja halda í barnæskuna og ímyndunaraflið, en sömuleiðis þurfa að takast á við framtíðina og fullorðinslífið. Ég notaði andstæður í litum og stemningu til að sýna muninn á þessum tveimur heimum.

Verkið tengist að sjálfsögðu einkunnarorðum skólans, frumkvæði, sköpun og áræði. Ég vann út frá eigin hugsunum og tilfinningum, notaði sköpun til að búa til minn eigin fantasíuheim og sýndi áræði með því að gera persónulegt verk um eitthvað sem margir upplifa við að eldast.

40 x 50 cm

Verkið mitt sýnir stórt tré í dimmum skógi sem inniheldur portal inn í annan fantasíuheim. Inni í portalnum sést bjartur og töfrandi heimur með ljósum, litum og náttúru sem skapar mikla andstæðu við dimma skóginn fyrir utan. Ég vildi skapa mystíska og draumkennda stemningu þar sem tréð virkar eins og leið milli tveggja heima.

Hugmyndin kom þegar ég var að hugsa um fantasíuheima og hvernig venjulegir hlutir í náttúrunni gætu falið eitthvað ótrúlegt. Ég fékk innblástur úr fantasíu myndum, ævintýrum og leikjum þar sem persónur ferðast á milli heima í gegnum galdra eða portal.

Í vinnuferlinu byrjaði ég á að skissa upp stórt tré í miðjunni og málaði síðan dökkan skóg í bakgrunninn. Eftir það bætti ég portalnum inn í stofn trésins og notaði bjarta liti til að láta hann skera sig úr. Mér fannst skemmtilegast að vinna með ljósið og litina inni í portalnum því það lét verkið líta meira út eins og fantasíuheimur.

Verkið tengist námsefninu fantasíu vegna þess að það sýnir töfrandi heim sem er ekki raunverulegur og inniheldur yfirnáttúrulega portal á milli heima. Ég tengdi verkefnið einnig við einkunnarorð skólans með því að nota frumkvæði til að þróa mína eigin hugmynd, sköpun við að hanna fantasíu heiminn og áræði til að prófa nýjan stíl í málun.

Video: https://youtu.be/O6HoPXiJ4jM?is=IclawrPx2tzrGcMu

Hugmyndin varð til út frá því sem við höfum verið að læra um fantasíuheima og hvernig fantasía getur sýnt mannlegar tilfinningar á myndrænan hátt. Mér fannst áhugavert hvernig heimurinn í Avatar er bæði fallegur og hættulegur á sama tíma. Ég vildi nota það til að sýna að fólk getur líka verið með mismunandi hliðar innra með sér, bæði ljós og myrkur.

Það gekk ágætlega að vinna verkið þó það hafi stundum verið erfitt að ná réttu hlutföllunum og blöndunum í litunum. Ég þurfti að sýna frumkvæði með því að þróa mína eigin hugmynd og ákveða hvernig ég vildi láta persónurnar líta út. Sköpun kemur fram í því hvernig ég notaði fantasíuheim Avatar til að búa til táknrænt verk með eigin merkingu. Áræði tengist því að þora að prófa nýja hluti, vinna með sterka liti og gera verk sem sýnir tilfinningar og dýpri merkingu.

Verkið tengist námsefninu vel vegna þess að Avatar er skýrt dæmi um fantasíu og secondary world. Heimurinn Pandora hefur sín eigin lögmál, verur og menningu sem eru mjög ólík okkar heimi. Með verkinu mínu vildi ég sýna hvernig fantasía getur verið leið til að tjá tilfinningar, hugmyndir og innri átök á listrænan hátt.

Stærð á verki : 70 x 100 cm

Verkið mitt er plakat fyrir kvikmyndina ,,Ævintýri á milli heima’’ sem er fantasíu kvikmynd með áhrifum úr horror, útópíu og dystópíu. Í myndinni mætast tveir ólíkir heimar, annar vegar bjartur og friðsæll ævintýraheimur og hinsvegar dimmur og hrikalegur heimur ævintýraheimur. Í myndinni stendur aðalpersónan frammi fyrir vali sem getur breytt örlögum þessa beggja heima.

Hugmyndin varð til við lestur og áhorf á goðsögum, ævintýrum og dramatískum fantasíuheimum. Markmiðið var að skapa plakat fyrir ímyndaða kvikmynd sem lítur út eins og alvöru kvikmyndaplakat með sterkri stemningu, miklum andstæðum og dulúðlegri tilfinningu til að ná til áhorfenda og vekja upp tilfinningar um átök góðs og ills og vonar og ótta.

Verkið tengist námsefninu um fantasíubókmenntir og inniheldur goðsagnaverur, ævintýraheim,dularfulla krafta og hetjuferð aðalpersónunnar. Í kvikmyndinni má sjá dreka, myrkrar verur og töfrakennda heima sem eru einkenni fantasíu sagna. 

Verkið tengist einkunnarorðum skólans:

• Frumkvæði - ,,Úr einni hugmynd fæðist ævintýri,, Hugmyndin byrjaði sem einföld skissa en þróaðist í stórt og dramatískt kvikmyndaplakat.

• Sköpun - Verkið byggir á ímyndunarafli og skapandi vinnu þar sem nýr fantasíuheimur verður til.

• Áræði - Það þurfti áræði til að blanda saman ólíkum stílum eins og horror, útópíu og dystópíu til að skapa áhrifamikinn fantasíu heim.

Markmiðið með verkinu var að vekja forvitni áhorfandans og láta hann upplifa tilfinningu um spennu, hættu og mikil ævintýri.

Stærð verks: A4 - 21 x 29,7cm

Myndbandskynning: https://www.youtube.com/watch?v=FQVZC21EGSw