Сыныбы: 3-сынып

Тақырыбы: Тәуелсіз Қазақстан

Сабақ түрі: Жаңа білімді меңгерту сабағы (ынтымақтастық технологиясы негізінде).

Білімдік: Тәуелсіз Қазақстан туралы түсінік беру, мемлекеттік рәміздер мен ұлттық валюта туралы білімін бекіту.

Дамытушылық: Оқушылардың сөйлеу, сұрақ қою және жауап беру дағдыларын дамыту, топта жұмыс істеуге үйрету.

Бірлескен топтық жұмыс арқылы өзара ынтымақтастық пен көмек көрсету дағдыларын дамыту. Оқушылардың ортақ мақсатқа жету, бір-бірінің пікірін тыңдау және сыйлау мәдениетін қалыптастыру.

Тәрбиелік: Еліне, жеріне деген сүйіспеншілікті арттыру, Тәуелсіздікке құрмет сезімін тәрбиелеу.

Күтілетін нәтижелер:

Сабақ соңында оқушылар⬇️

- Тәуелсіз Қазақстан туралы негізгі мәліметтерді біледі;

- Өзара диалог құрып, сұрақтар қоюды үйренеді;

- Топта бірлесе отырып кластер немесе коллаж жасайды;

- Тәуелсіз елдің белгілерін ажырата алады.

- Топ мүшелерімен ынтымақтаса отырып, ортақ қорытынды шығарады.

- Оқулық (63–64-бет), суреттер;

- А3 қағаз, түрлі-түсті маркерлер, жапсырмалар;

- Мемлекеттік рәміздердің суреттері;

- Бағалау белгілері (смайликтер мен эмоция әдісіне байланысты ұл мен қыздың эмоция парағы)

Топқа бөлу:
“Ту”, “Елтаңба”, “Әнұран”, “Ата Заң” топтары.

- Біз қай мемлекетте тұрамыз, білесіңдерме?

-Қалай ойлайсыңдар біздің мемлекет тәуелсізбе?

– Балалар сендер «Тәуелсіз мемлекет» деген сөзді естігенде сендерге ең бірінші қандай ой келеді?

Мұғалім оқушылардың жауаптарын тыңдап, тақырыпты ашады.

Мұғалім:

“Бүгін біз Тәуелсіз Қазақстан туралы оқып, бірге ой бөлісеміз.”

Тапсырма:

- Топ ішінде әр оқушы бір бөлікті дауыстап оқиды.

- Басқалары мәтін бойынша бір-біріне сұрақ қояды.

Мысалы:

- Қазақстан тәуелсіздігін қашан алды?

- Тәуелсіз елдің белгілерін ата.

- Қазақстанның ұлттық валютасы қашан енгізілді?

Әр топ “Тәуелсіз Қазақстан” тақырыбына кластер жасайды.

Ортаға “Тәуелсіз Қазақстан” деп жазып, айналасына күн сәулесі тәрізді тармақтарға өз ойларын, яғни Тәуелсіз Қазақстан деген сөзді естігенде көз алдыларына не келеді соны күн шуақтарына әдемілеп жазады.

Мысалы:

• Мемлекеттік рәміздер

• Ұлттық валюта

• Астана

• Президенттер

• Ата Заң

Топ мүшелері бірігіп сурет салып, сөз жазып, безендіреді.

2-тапсырма: “Коллаж жасау” әдісін орындайды:

(Әр топ суреттер мен жазбалардан елдік белгілерге арналған шағын коллаж жасайды.)

Басқа топтар тыңдап, 1 жақсы пікір айтады.

Мысалы:

“Біздің топқа ұнады, себебі олар Туды әдемі бейнеледі.”

• Біз не үйрендік?

• Тәуелсіз ел болу деген не?

• Неліктен өз еліңмен мақтанасың?

Оқушылармен бірге осы сұрақтарды талқылайды.

Мұғалімнің түйіні:

“Біздің ең басты байлығымыз – Тәуелсіздік!

Бірлік пен ынтымақ болса, еліміз мәңгі жасайды!”