Norðlingaskóli hefur undanfarin misseri verið að innleiða samfellu á öllum skólastigum á hæfnimiðaðri verkefnavinnu, leiðsagnarnámi og námsmati með þá megináherslu að tilgangur námsins sé öllum skýr. Í þeirri vegferð hefur verið leitast við að kennarar í 1. - 10. bekk öðlist sameiginlegan skilning og tækifæri til að þjálfa sig í framkvæmd hæfnimiðaðrar verkefnavinnu sem hefur skýra tengingu við leiðsagnarnám.

Í þessari málstofu munu Edda Ósk Smáradóttir umsjónarkennari á yngsta stigi og Ólafur Hilmarsson verk- og listgreinakennari, sem jafnframt sitja í skólaþróunarteymi Norðlingaskóla, fara yfir innleiðingarferlið ásamt ávinningi og áskorunum í þessari skólaþróun.

Þá munu fjórir kennarar við skólann sýna verkefni sem varpa ljósi á skólaþróunarvinnunna:

• Ásdís Elva Pétursdóttir list- og verkgreinakennari

• Hafdís Helgadóttir stærðfræðikennari á unglingastigi

• Ylfa Guðný Sigurðardóttir umsjónarkennari á miðstigi

• Þórey Gylfadóttir umsjónarkennari á yngsta stigi