Interbentzioa: Ikastoletan lan inpaktua by Mikel Egibar

Jaiak komunikazio tresna da

megibar1 — 2024-12-06 09:18:19 UTC

Ikastola mugimenduak euskal gizartean gure proiektuaren berezitasuna ageri utzi behar du. Lan pedagogioaz gain, gure proiektua izaera propioarekin lotura daukala erakutsi behar dugu gure jaietan.

Auzolana

megibar1 — 2024-12-06 09:19:51 UTC

Lankidetza boluntarioa krisian dago gure gizarte indibidualista honetan. Ikastolen proiektua elkarekintzan oinarritzen da. Gure jaiak auzolana sustatzeko benetako motorra dira.

Jaiak badira eskola hezitzailea

megibar1 — 2024-12-06 09:34:44 UTC

Ikastolak kooperatibak dira, Antolaketa enpresala baino haratago, kooperatibismoa komunitatearen izaeran garatu behar da. Gure jaiak adin guztietan (bereziki nerabeekin) izaera kooperatiboa lantzeko eskola izan daitezke.

EHI eta ikastolak batzen duen proiektua

megibar1 — 2024-12-06 09:36:39 UTC

Ikastola proiektu nazionala da. Ikastolak bakarrik ikastetxeak besterik ez dira. Ikastolak batzen duen egitura EHI da. Jaiak antolatzeko unean EHIk duen balioa barneratu eta horrekin bat egin behar dute.

Auzolana

2024-12-09 15:32:08 UTC

Auzotar, herritar, lagun eta bizikideen artean lankidetzan zereginak egiteko sistema da, Euskal Herrian oso sustraitua. Auzo eta herrientzako mesedea izanik, lan honek partaidetza bultzatzen du eta herriarenganako edo auzoarenganako sentipenak ere indartzen ditu. Ikastolen jaiek gero eta indibidualistagoa den gizartean kontzentzio lanak egiten dituzte. Barrura begira egiten dugun lana balioan jarri behar dugu.

Kooperatibismoa

2024-12-09 16:02:32 UTC

Kooperatibismoak ikastoletan funtzio erabakigarria izan beharko luke familiak eginkizun komun batean batzen dituelako. Jaiak, kooperatibismoarekiko kontzientzia hartzeko balia daitezke. Ildo beretik, langileekin pedagogia egiteko aukera eskaintzen dute jaiek.

Ikastolen sarea

2024-12-09 16:26:42 UTC

Jaiek ikastola antolatzaileei sarearen ikuspegia ematen diote, lurraldeko ikastolek jaia antolatzerakoan egiten duten ekarpena balioan jartzeko parada eskainiz. Jaiak ikastolen arteko hurbiltasuna eta harremana sendotzeko baliatu behar dira eta, ahal delarik, ikastola antolatzaileen arteko ezagutza.

Jaien dimentsioa eta funtzioak

2024-12-09 18:14:46 UTC

Egun jaiek duten dimentsioarekin ohartarazi behar dugu ikastola komunitatea, duela hogei urte ospatzen zirenekin aldea dagoela erakutsiz eta gizartearekin batera, modu naturalean, gertatu den bilakaera dela ikustaraziz. Beharrezkoa da sarritan suertatzen den frustrazio sentimenduari aurrea hartzea eta jaiek, arlo ekonomikoaz gain, betetzen dituzten funtzioak ikustaraztea, jaiak euskara, euskal kultura eta Euskal Herriarekiko ezinbesteko direla aldarrikatuz.