Conclusión: existen certas características a nivel biolóxico que poden influír no rendemento deportivo segundo o sexo, mais, cómpre ter en conta outro tipo de factores ambientais (historia do deporte feminino, sistema hetero-patriarcal, falta de apoio por parte de axentes de socialización, etc.). Cabe destacar que existen deportes nos que compiten na mesma categoría e, incluso, xuntos, indistintamente do sexo.

Conclusión: unha persoa non pode curarse nin controlar as súas propias células ou o seu sistema inmunolóxico coa mente pois, en primeiro lugar, este proceso é automático e non consciente e, en segundo lugar, durante dito procedemento a intervención do noso cerebro permanece ausente, o que vén a significar que non ten vinculación algunha co sistema inmune, sendo imposible a súa capacidade de control sobre o mesmo. 

Conclusión: o feito de nacer varón, non implica ser un varón en potencia, senón que depende dun conxunto de factores entre os que sobresae a educación no seo familiar e o sistema hetero-patriarcal que domina a sociedade (Velasco, s.d.).

Conclusión: unha persoa con discapacidade non limita o desenvolvemento do resto do alumnado na aula; todo o contrario, a educación inclusiva supón beneficios tanto dentro como fóra do centro escolar. O problema está nos retos, en conseguir verdadeiramente este tipo de educación, nunha sociedade caracterizada pola diversidade.

Conclusión: froito da especulación e unha persoal interpretación de datos, Iván Espinosa de los Monteros (deputado do partido de VOX), afirma que os estranxeiros presentan unha tendencia 3 veces maior que os españois a cometer delitos de natureza sexual. Este político só ten en consideración á poboación total española, desbotando calquera outro factor influínte como poden ser a idade ou a situación de marxinalidade.