Menntunarfræði yngri barna by Svava Pétursdóttir

Svava Pétursdóttir

svavap — 2016-08-18 15:29:57 UTC

Hæ, ég hef verið kennslukona frá 1989, fyrst í Sandgerði og svo Heiðarskóla Keflavík. Ég er lektor í kennslufræði yngri barna, sérsviðin mín eru notkun upplýsingatækni í kennslu og náttúrufræðimenntun.Ég á tvo stráka, þrjár stjúpdætur, tvö barnabörn og eitt á leiðinni í næsta mánuði. Ég hangi of mikið á Facebook, rækta garðinn minn og syng í tveim kórum.https://svavap.wordpress.com/

Hrönn Harðardóttir

2016-08-21 17:48:17 UTC

Hæ hæ. Ég útskrifaðist frá Kennarahákólanum vorið 2000 með B.ed. gráðu í leikskólafræðum og hef unnið sem leikskólakennari síðan, bæði hér á landi sem og í Finnlandi. Maðurinn minn er finnskur og við höfum svolítið flakkað á milli landa. Við erum búsett í Mosfellsbæ og eigum einn strák á fimmta ári. Ég er að vinna á leikskóla hér í Mosfellsbæ en langar að bæta við mig mastersgráðunni og valdi því að prófa fjarnámið. Ég er ein af fáum íslendingum sem ekki er á facebook og er bara almennt mjög léleg við að hanga í tölvunni þannig að þetta fjarnám er mikil áskorun fyrir mig. Mín helstu áhugamál eru kórsöngur og söngur almennt, barnabókmenntir og sögugerð.

Auður Lilja Harðardóttir

2016-08-22 10:30:41 UTC

Hæ hæ. Ég útskrifaðist vorið 2013 með B.Ed. í kennslu á yngra barna sviði. Eftir útskrift kláraði ég fæðingarorlofið og hef unnið í 3 ár, þar af 2 ár sem umsjónarkennari. Ég er að klára M.Ed í kennslu yngri barna og er skráð sem fjarnemi. Ég er búsett í Kópavogi og á tvíburadrengi fædda 2012. Mér finnst eintaklega gaman að ferðast, horfa á þætti eða bíómyndir (geri líklega of mikið af því). Er hæfilega mikið á facebook :)

Sigurbaldur P. Frímannsson

2016-08-22 20:13:30 UTC

Komiði sæl. Ég er 31 árs Grindvíkingur búsettur í Reykjavík og vinn á leikskólanum Laugasól. Ég hef samtals unnið 3 ár á leikskóla og er að hefja mitt annað ár í menntunarfræði ungra barna. Ég sinni því einnig að vera körfuboltadómari og er því lítið heima hjá mér til að dóla mér, en þegar ég get það og þarf ekki að læra kíki ég á þætti og bíómyndir.

Fríða Rún Guðjónsdóttir

2016-08-23 11:39:35 UTC

Sæl verið þið!
Ég útskrifaðist sem grunnskólakennari frá HÍ í júní 2014 og fór í kjölfarið að vinna á leikskóla á Akureyri. Ég skráði mig svo aftur í nám haustið 2015 í menntunarfræði leikskóla til þess að bæta við mig leikskólakennaranum líka og stefni á að klára það nám núna um jólin.
Ég er 27 ára, búsett á Akureyri og því kem ég til með að vera í fjarnámi í námskeiðinu. Áhugamál mín eru af ýmsum toga en þar má helst nefna útiveru og hvers konar handavinnu.

Daníel Steingrímsson

2016-08-23 13:02:21 UTC

Ég er þrítugur Vesturbæingur. Ég er á seinna árinu í Menntunarfræði leikskóla, M.Ed. Er búinn að vinna í leikskóla í tvö ár. Ég er giftur og eigum við eina eins árs stelpu. Eins og er þá er aðaláhugamálið að sinna henni. Annars eru það hvers kyns bækur, tónlist og félagslíf sem vekur áhuga minn.
Ég er í staðnámi í þessu námskeiði.

María Ösp Ómarsdóttir

2016-08-23 13:07:03 UTC

Góðan og blessaðan. Ég er næstum þrítug kona frá Reykjavík en bý á Skagaströnd og hef búið hér síðustu 6 árin.
Ég útskrifaðist sem stúdent af málabraut við Menntaskólann að Laugarvatni árið 2006 og bjó svo í eitt ár á Rifi á Snæfellsnesi með frumburðinum. Þaðan fluttist ég búferlum erlendis til Noregs. Þar gekk ég í Háskólan í Telemark í 3 ár og lærði listgreinakennarann. Eftir útskrift þar (B.a.) 2010 fékk ég vinnu á Skagaströnd við Höfðaskóla og fluttum við mæðgur þá heim og kenndi ég þar í 5 ár, bæði sem listgreinakennari og umsjónakennari, þar til ég færði mig yfir á leikskólastigið árið 2015. Nú starfa ég sem daglegur stjórnandi og matráður á Hjallastefnuleikskólanum Barnabóli. Stefnan er tekin á að klára Menntunarfræði leikskóla á næstu tveim árum. Mér þykir gaman að syngja og lesa bækur. Ég er skipulags-sjúk, sem er ágætis kostur þegar börnin eru orðin 6 talsins og vinna, nám og heimilið þurfa að snúast í takt.

Nói Kristinsson

2016-08-23 20:19:15 UTC

Daginn, ég heiti Nói Kristinsson (35 ára). Ég er með BA í myndlist (2010), MA í mannfræði (2012) og MA í uppeldis- og menntunarfræði (2015).

Ég er að hefja þetta nám í Menntunarfræði leikskóla samhliða starfi því mér leiðist að vera ekki í skóla ætla að sjá hvort ég nái að troða þessu öllu á eitt ár.
Ég er verkefnastjóri á Leikskóla og hef verið það seinasta árið.

Ég á einn 2 og hálfs árs strák og eina 2 mánaða stúlku. Áhugamál mín eru of mörg til að ég hafi tíma til að fylgja þeim eftir en undanfarið hafa stjórnmál tekið upp mestan tíma enda kosningar að nálgast en ég er í stjórn Pírata í Reykjavík.

Annars nýt ég þess bara í frítímum að vera með fjölskyldunni.

Hulda Kristín Harðardóttir

2016-08-23 20:27:37 UTC

Sæl öll, ég heiti Hulda og er 25 ára. Ég bý í Reykjavík en er frá Akureyri. Ég er með B.Ed í leikskólakennarafræðum og er að byrja í meistaranámi í leikskólakennarafræði með mál og læsi sem kjörsvið. Ég er að vinna á leikskóla í Kópavogi og mun halda áfram að vinna með námi en ætla að vera í staðnámi.

Tinna Finnsdóttir

2016-08-23 21:51:53 UTC

Hæ hæ

Tinna heiti ég og er 33 ára gömul. Bý í Kópavogi og á 2 börn, 2 ára stelpu og 5 ára strák.

Ég útskrifaðist með bs í viðskiptafræði af vörustjórnunarsviði árið 2008 og hef verið að vinna sem tengist þeirri menntun en síðustu 2 ár hef ég verið heima með dóttir mina. Áhuginn minn kviknaði á þessu námi fyrir 3 árum, þegar strákurinn minn byrjaði í leiksóla.

Ég er mjög spennt og kvíðinn fyrir að byrja í þessu námi, er svolítið að fara út fyrir þægindarammann.

Ég er að hefja nám í menntunarfræði leikskóla, staðnám.

Mín helstu áhugmál er hreyfing hvort sem það er inn í líkamsræktarstöð eða úti í náttúrinn og auðvitað að vera með fjölskyldu og vinum.

Valdís Ýr Vigfúsdóttir

2016-08-23 21:51:56 UTC

Sæl öll, ég heiti Valdís og er 26 ára gömul. Ég bý í Kópavogi með manninum mínum og dóttir sem er að verða 4 ára. Ég útskrifaðist með B.Ed. úr grunnskólakennarafræðum 2015 og fór að vinna aftur í leikskóla eftir útskrift, hef unnið þar í 3 ár samanlagt. Þar fann ég að áhuginn liggur meira í leikskólastarfi og ætla ég því að klára leikskólakennarann og er að byrja fyrra árið í Menntunarfræði leikskóla, M.Ed. Ég tek námið í fjarnámi með vinnu.
Áhugamálin mín eru handavinna, hreyfing, horfa á þætti og njóta tímans með fjölskyldunni

Súsanna Gestsdóttr

2016-08-24 11:05:38 UTC

Ég er 32 ára Reykvíkingur og er að hefja MA nám í menntunarfræði leikskóla. Ég er með BA í listfræði. Ég er fjarnemi og vinn meðfram námi. Ég á dóttur sem verður 2ja ára á árinu. Ég hef mestan áhuga á skapandi starfi barna. Ég starfaði á tveimur mismunandi leikskólum þegar ég var í kringum tvítugt. Ég er prjónafanatík og raunveruleikasjónvarpsfíkill.

Sigurrós Jóns Bragadóttir

2016-08-24 18:17:53 UTC

Sæl, öll ég heiti Sigurrós, er 44 ára og bý í Hafnarfirði ásamt eiginmanni og 2 sonum okkar. Ég starfaði á leikskóla í 3 ára fyrir meir en 20 árum. Eftir það lærði ég tækniteiknun og síðar viðskiptafræði og vann í þeim geira í næstum 2 áratugi. Fyrir ári síðan ákvað ég að taka algjöra u-beygju og fór að vinna á leikskóla hér í Hafnarfirði. Á síðustu önn ég svo að taka einn kúrs í Menntunarfræði leikskóla og líkaði svo vel að nú er ég komin í fullt nám. Áhugamál mín eru mörg, allt frá hreyfingu og útiveru til hönnunar, ferðalaga,jóga og að sjálfsögðu að vera með skemmtilegu fólki. Ég er í blöndu af fjar og staðnámi en ég geri ráð fyrir að dýpka skilning minn á starfinu.

Særún Hlín Laufeyjardóttir

SaerunHlin — 2016-08-25 09:00:24 UTC

Ég er 32 ára og bý á Siglufirði (nýflutt) ásamt unnusta mínum, 3 dætrum (8 ára, 5 ára og 2ja mánaða) og 2 köttum.
Ég vann á leikskóla 2009-2010 en það hentaði mér ekki alveg á þeim tíma þó að mér hafi líkað starfið. Ég útskrifaðist með B.Ed. í Grunnskólakennslu frá HÍ í júní 2015. Eftir að ég útskrifaðist langaði mig að prófa leikskólastarfið aftur. Í þetta sinn hentaði það mér mun betur og ég fékk síðan deildarstjórastöðu þar sem ég hreinlega fann mig. Ég ákvað því að skrá mig í M.Ed. í menntunarfræðum leikskóla núna í haust þrátt fyrir að vera á leið í fæðingarorlof. Þar sem ég bý á Siglufirði þá skráði ég mig í fjarnám.
Áhugamál mín eru allt of mörg en ég hef meðal annars áhuga á Zumba, útiveru, ferðalögum, ævintýrabókmenntum og að skrifa mínar eigin bækur.

Lieselot Simoen

2016-08-26 23:26:11 UTC

Komið þið sæl,
Ég heiti Lieselot, er 27 ára og nýorðin mamma þessarar frábæru þriggja mánaða stelpu. Ég útskrifaðist í 2014 með B.A. í „Early childhood education“ frá Artevelde University í Belgíu. Í júlí 2014 flutti ég til Íslands (Selfoss) og byrjaði að vinna á leikskóla í ágúst það ár. Ég hóf nám í M.ed. í Menntunarfræði leikskóla í janúar 2016 og er að halda áfram núna sem fjarnemi á meðan ég er í fæðingarorlofi.

Ingunn Heiða Kjartansdóttir

2016-08-27 21:41:17 UTC

Sæl öll.
Ég heiti Ingunn og er 32 ára gömul. Ég bý í Reykjavík með manninum mínum, 5 ára dóttur, 2ja ára syni og 11 ára gömlum ketti. Ég kláraði BA í Uppeldis- og menntunarfræði vorið 2009 og hef unnið á leikskólanum Rauðhól í Norðlingaholti síðan þá. Ég er að hefja nám í M.Ed í Menntunarfræði leikskóla og stefni á að fá leyfisbréf leikskólakennara. Ég er skráð í fjarnám og verð að vinna í sérkennslu á leikskólanum í vetur samhliða náminu. Annars nýt ég tímans best með vinum og fjölskyldu, góðri bók eða prjónum.

Sólveig Björg Pálsdóttir

sollabogga — 2016-08-28 10:16:44 UTC

Ég er 29 ára Reykvíkingur og er að hefja nám í viðbótardiplóma og stefni síðan á að klára MA í Menntunarfræði leikskólakennara . Ég kláraði BA í Sagnfræði vorið 2013 en ef alltaf verið með hugan við leikskólann og skrifaði lokaritgeriðina t.d um það. Ég Vinn á leikskólanum laugasól ásamt því að vera hér í fjarnámi. Áhugamálin eru tíska, samvera með mínum nánusu, tónlist og ferðalög.

Ásdís Reykdal Jónsdóttir

arj46_1_1 — 2016-08-28 10:26:08 UTC

Heil og sæl, ég heiti Ásdís, bý í Hafnarfirði ásamt eigimanni og 2 sonum okkar. Ég starfaði á leikskóla fyrir mörgum árum. Eftir það útskrifaðist ég B.Sc. úr umhverfisskipulagi 2011,síðan fór ég í MSc. HR í skipulagsfræði, eftir að hafa unnið í ár var ég ekki að finna mig í starfi, ákvað að fara aftur í leikskólakennslu og fann þá að ræturnar mína væru komnar heima. Ég starfa sem kjarnastjóri á leikskólanum Hjalla í Hafnarfirði í dag og er að byrja minn 4 vetur.

Áhugamál mín eru mörg, allt frá reiðhjólum og útivera til föndurs, eiga góðan dag með fjölskyldu eða vinnum, hjóla um bæinn eða á fjöll...bara gaman. Ég tek námið í fjarnámi með vinnu.

Ásta Möller Sívertsen

astamoller — 2016-08-28 15:01:28 UTC

Ég heiti Ásta Möller (30) og er búsett í Hafnarfirði ásamt sambýlismanni mínum og þremur strákum. Ég er fjarnemi í Menntunarfræði yngri barna M.Ed. og er hálfnuð með námið sem ég stunda meðfram fullu starfi á leikskólanum Stekkjarási. Ég hef unnið á Stekkjarási frá haustinu 2012, eða allt frá því að ég útskrifaðist með BA í þýsku frá HÍ. Mín helstu áhugamál eru lestur góðra bóka, útivist, handavinna og samvera með fjölskyldu og vinum.

Guðrún Guðfinnsdóttir

2016-08-28 18:39:45 UTC

Ég heiti Guðrún og er 50 ára búsett í Bolungarvík ásamt eiginmanni og fimm börnum. Ég útskrifaðist með B.Ed í Leikskólafræðum 2009. Fyrst eftir útskrift starfaði ég í leikskólanum Lækjarbrekku á Hólmavík, en hef starfað í leikskólanum Glaðheimum í Bolungarvík síðan 2013.
Ég er í fjarnámi í Náms-og kennslufræði með fullri vinnu. Áhugamálin eru að eiga stund með fjölskyldunni, grípa í prjóna og vinna í garðinum.

Sara Tosti

2016-08-28 22:16:35 UTC

Ég heiti Sara (31) og bý í Hafnarfirði ásamt 4 ára gömlum syni mínum. Ég er fjarnemi í Menntunarfræði leikskóla M.Ed. og er tæplega hálfnuð. Ég er með BS og MS í sálfræði og útskrifaðist úr því í febrúar 2013. Frá janúar 2013 hef ég unnið við sérkennslu í leikskólanum Vesturkoti í Hafnarfirði.

Marzena Glodkowska

2016-08-28 22:29:29 UTC

Ég heiti Marzena og er 40 ára gömul.

Ég lauk B.Ed gráðu í grunn- og leikskólafræðum frá háskólanum í Póllandi árið 2012. Árið 2012 flutti ég til Íslands og fór að vinna á leikskólanum Eyrarskjóli á Ísafirði árið 2013 og hef unnið þar í 3 ár. Ég hef unnið á leikskólum, bæði í Póllandi og á Íslandi.
Mig langar að bæta við mig þekkingu sem tengist leikskólakennarafræðum og kynnast betur heimi leikskóla á Íslandi. Ég tek námið í fjarnámi.

Áhugamál mín eru góðri bók og ferðalögu.

Sigdís Oddsdóttir

2016-08-28 22:30:39 UTC

Sæl öll!
Ég heiti Sigdís (er nú reyndar alltaf kölluð Dísa) og er 41 árs gömul. Ég bý á Hellu ásamt börnunum mínum, á svo meira að segja kærasta í fjarbúð! Ég lauk B.Ed gráðu í leikskólakennarafræðum árið 2013 og ákvað þá að taka mér smá pásu. Mér fannst ég vera tilbúin til að takast á við námið aftur núna í vor og skráði mig því í skólann :) ég er deildarstjóri á elstu barna deild og hef veið það í nokkur ár. ég sit líka í sveitarstjórn Rangárþings ytra þannig að mér sýnist ég hafa nóg að gera í vetur! Áhugamál mín eru ljósmyndun og stjörnuskoðun, ég reyni að nota hvert tækifæri til að kíkja á stjörnurnar á veturna. Hlakka til að hitta ykkur

Íris Rut Jónsdóttir

2016-08-29 08:33:42 UTC

Íris Rut Jónsdóttir heiti ég og er búsett í Keflavík. Ég hyggst stunda fjarnám í þessu námskeiði þar sem ég og kærastinn minn eigum von á barni núna 5. september. Þannig þetta verður heldur hæg byrjun hjá mér en mun síðan spýta í lófana þegar ég get :)

Ég lauk B.ed. gráðu í faggreinakennslu, með stærðfræði sem aðalfag en ætla að klára M.ed. með áherslu á yngsta stig.

Aðaláhugamálin mín eru Crossfit og Ólympískarlyftingar og er ég mjög spennt að geta tekið almennilega á því þegar bumban framan á mér fer haha.

Sara Heiðrún Fawcett

2016-08-29 13:24:34 UTC

Sæl öll, ég heiti Sara Heiðrún og verð 26. ára 19. desember. Ég bý í Reykjavík með 5. ára dóttur minni og kærasta mínum.

Ég útskrifaðist með B.Ed. í grunnskólakennarafræði í júni á þessu ári og er því að hefja fyrsta ár mitt í (M.Ed.) og er frekar spennt fyrir náminu. Kjörsvið mitt er yngri barna kennsla. Helstu áhugamál mín eru útivera, að lesa góðar sakamálasögur, ferðast og eyða tíma með fjölskyldunni minni.

Hafrún Lilja Elíasdóttir

2016-08-29 15:17:17 UTC

Sæl, Hafrún heiti ég og er 27.ára. Ég lauk við B.Ed. gráðu í grunnskólakennarafræðumí febrúar 2016 og er nú að hefja fyrsta árið í M.Ed í staðnámi. Námsleið mín er yngri barna kennsla.
Áhugamál mín eru m.a íþróttir, eldamennska, ferðast og vera með vinum og fjölskyldu.

Ólöf Karla Þórisdóttir

2016-08-29 15:26:39 UTC

Sæl, Ólöf Karla heiti ég og er 28 ára gömul. Ég bý í Hafnarfirði, ásamt unnusta mínum og tæplega 3 ára syni okkar. Ég útskrifaðist með B.ed í kennslu yngri barna, með heimild til að vinna með elstu börnum í leikskóla í júní 2016. Ég er nú að hefja fyrsta ár mitt í M.ed í kennslu yngri barna í staðnámi. Auk námsins vinn ég hlutastarf á leikskóla í Hafnarfirði.

Áhugamál mín eru samvera í hópi góðra vina, vera með fjölskyldu, útivera og margt fleira.

Ásta Ingólfsdóttir

2016-08-29 15:31:09 UTC

Sæl og blessuð öll. Ég heiti Ásta og er 27 ára. Ég bý í Vesturbænum og vinn með skólanum á frístundaheimili. Á sumrin hef ég verið að vinna á leikskóla og sumarbúðum. Því má segja að ég hafi tölvuverða reynslu með vinnu með börnum og hafi öðlast mikinn áhuga með árunum. Ég útskrifaðist með B.Ed gráðu í grunnskólakennslu síðasliðið vor. Ég er nú að halda áfram með framhaldsnámið. Námsleið mín er yngri barna kennsla og ég er í staðnámi. Áhugamál mín er gæðastund með nánustu, ferðalög, tónlist og fl.

Eva María Örnólfsdóttir

2016-08-29 16:38:42 UTC

Ég heiti Eva og er 27 ára. Ég er fædd og uppalin á Siglufirði en hef búið í Reykjavík í 7 ár. Ég útskrifaðist með B.Ed. í grunnskólakennarafræði í júní 2016 og ákvað að fara beint í Masterinn. Ég valdi að einbeita mér að yngsta stigi þar sem það er sá aldur sem höfðar best til mín. Ég hef unnið á nokkrum leikskólum og á frístundaheimili og hef því ágætis reynslu af starfi með börnum.
Áhugamálin mín eru ferðalög, tónlist, söngur, matargerð, hreyfing, útivera, samverustundir með fjölskyldu og vinum og margt fleira.
Ég er í staðnámi.

Sigríður Þorbjörnsdóttir

2016-08-29 16:51:20 UTC

Sæl, ég heiti Sigríður, kölluð Sigga, og er 26 ára. Ég bý í Grímsnesi og á 2 stráka, 3 ára og 1 árs. Ég er í fullri vinnu í leikskóladeildinni í Kerhólsskóla sem er sameinaður leik-og grunnskóli. Ég útskrifaðist með BS gráðu í sálfræði vorið 2015. Ég er núna í Menntunarfræði leikskóla M.ed. í fjarnmámi. Ég elska að vinna með börnum . Áhugamál mín eru samverustundir með fjölskyldunni, gera eitthvað skemmtilegt með vinum og fara á hestbak. Takk fyrir!

Kristján Guðmundsson

hugstari — 2016-08-29 17:48:29 UTC

Hæ hæ.

Ég heiti Kristján Guðmundsson og er fæddur og mestu leyti uppalinn í Reykjavík, missti víst nokkur ár úti í Kaliforníu. Núna bý hins vegar í einu rólegasta úthverfi Reykjavíkur, þar að segja Grafarholtinu. Hvort því ber að fagna eða gráta læt ég aðra um að dæma. Helstu áhugamálinn eru að fara t.d. í sund, út að leika, hjóla, skoða eitthvað nýtt og drekkan góðan öl.

Af reynslu að segja þá hef ég töluvert af henni, starfaði í mörg ár á einum leikskóla hér í borginni. Þá hef ég einnig kynnst leikskólakennaranáminu fyrir einhverjum árum síðan. Síðast liðinn sex ár þá hef ég starfað með einhverfum á sambýli hér í bænum. Ég er að koma úr sálfræðinámi hér í Háskólanum og nú aftur í mína heimahaga, leikskólann. Því fagna ég. Með náminu þá mun ég aftur hefja störf á leikskóla einum hérna í borginni, ásamt því að vinna örlítið með vinum mínum á sambýlinu.

Til námsins ber ég margar væntingar, ég vona til dæmis að það verði skemmtilegt, gagnlegt og krefjandi. Ég vill að því loknu finna fyrir því að ég sé betri kennari en ef ég hefði ekki farið í það.

Þar sem ég verð að vinna fulla vinnu með náminu þá verð ég í fjarnámi að þessu sinni.

Annars bara hlakka ég til að byrja og ég óska ykkur öllum góðs gengis.

Sjáumst hress

Jelena Micic

2016-08-29 19:35:24 UTC

Sæl,
Ég heiti Jelena og er fædd og alin upp í Serbíu. Ég hef átt heima á Íslandi í 14 ár. Ég er gift og á 3 börn, allar stelpur, 9 ára, 6 ára, og 3 mánaða. Ég er 31 árs. Ég hef útskrifast frá LHÍ í myndlist. Ég hef starfað sem teiknari fyrir barna- og teiknimyndir. Ég er líka búin að vinna lengi við umönnun á elliheimili. Á síðasta ári ákvað ég að læra sjúkraliða, og á lítið eftir til að klára. Ég hef átt 3. dóttir mína núna í lok maí og er í fæðingarorlofi þannig að ég ákvað að taka á mig þetta verkefni og að læra leikskóla kennslufræði, af því að lífið mitt hefur bara snúist um börn síðustu 10 ár, og ég hef mjög gaman af því
.

Þóranna S.Sverrisdóttir

2016-08-29 19:57:49 UTC

Blessuð og sæl öll
Ég heiti Þóranna og bý í Kópavogi er gift og á fjögur börn á aldrinum 16-28 ára og tvo yndislega ömmustráka sem eru 8 og 9 ára. Ég útskrifaðist með B.Ed úr leikskólakennarafræðum í febr. 2013 og byrjaði í framhaldsnáminu á vorönn 2015. Ég hef unnið á leikskólanum Blásölum sl. 13 ár. Væntingar mínar eru að námskeiðið efli mig faglega í starfi og ég geti nýtt þá þekkingu sem ég öðlast á námskeiðinu í vinnu með börnunum.
Áhugamál mín eru samvera með fjölskyldunni. útivera, hreyfing og mér finnst gaman að bregða mér á hestbak á góðum degi.

Silja Guðbjörg Hafliðadóttir

2016-08-29 20:06:05 UTC

Komiði sæl,
Ég heiti Silja og er 29 ára. Ég bý í Kópavogi ásamt stelpunni minni sem er tveggja ára og kærastanum mínum.
Ég vinn á leikskóla sem heitir Arnarsmári með náminu mínu. Ég hef mjög gaman af að vinna með börnum.
Í febrúar á þessu ári útskrifaðist ég með B.ed. gráðu í leikskólakennarafræðum og hóf meistaranámið mitt í beinu framhaldi af skilum á B.ed ritgerðinni minni, í janúar á þessu ári. Ég er í fullu námi og er þetta önnur önnin mín í M.ed. náminu og legg ég áherslu á nám án aðgreiningar. Með þessum áfanga vonast ég til að öðlast betri þekkingu á menntunarfræðum og dýpka skilning minn á faginu.
Ég hef alltaf verið í fjarnámi, en hyggst mæta sem staðnemi þessa önn.
Áhugamál mín eru að eyða tíma með fjölskyldunni minni, ferðast og að vera í góðra vina hópi.
Takk fyrir mig.

Anna Hrund Helgadóttir

2016-08-29 20:27:56 UTC

Komiði sæl, ég heiti Anna Hrund og bý á Selfossi. Ég er leikskólakennari og deildarstjóri í heilsuleikskólanum Árbæ. Ég útskrifaðist með B.Ed. gráðu í leikskólakennarafræðum 2008 og er núna hálfnuð með mastersnámið mitt á námsleiðinni Náms- og kennslufræði, yngri barna svið. Ég tek mastersnámið í fjarnámi.

Lára Dóra Valdimarsdóttir

2016-08-29 21:39:54 UTC

Sæl og blessuð öll sömul.
Lára Dóra heiti ég og er 37 ára gömul. Ég bý á Akranesi ásamt eiginmanni mínum og þremur börnum. Eftir að ég eignaðist mitt þriðja barn ákvað ég að skipta um starfsvettnvang þar sem ég hefði starfað við hárgreiðslu í mörg ár. Ég fór að vinna á leikskólanum Garðasel á Akranesi og féll fyrir starfinu og ákvað því í kjölfarið að mennta mig sem leikskólakennari. Ég útskrifaðist síðasliðið sumar með B.Ed gráðu í leikskólakennarafræðum og er nú að hefja mastersnám í þeim fræðum. Ég er í fjarnámi en hyggst mæta á þriðjudögum í tíma.
Helstu áhugamál mín eru samvera með fjölskyldunni, fara út að hlaupa og margt fleira.

Herdís Gunnlaugsdóttir

2016-08-29 22:22:59 UTC

Heil og sæl, Herdís heiti ég, er 41 árs og bý í Grindavík. Ég er gift með þrjú börn og eina stjúpdóttur, yngsta er 5 og elsta 21 árs. Ég vinn á Heilsuleikskólanum Króki og hef unnið þar í rúm 10 ár með náms og barnsburðarleyfum. Áhugamál mín eru meða annars lestur góðra bóka, ferðalög innanlands og að elta börnin í þeirra keppnisferðalögum allt árið um kring. Auk þess hef ég mikinn áhuga á því að horfa á fótbolta.

Ég útskrifaðist frá Háskólanum á Akureyri vorið 2013 og hóf nám hér í háskólanum vorið 2015. Ég er fjarnemi og tek yfirleitt 20 einingar á önn með vinnu. Ég er hálfnuð með masternámið mitt í leikskólakennarafræðum og námsleiðin er „nám og kennsla í skóla án aðgreiningar í fjölmenningarsamfélagi.

Væntingar mínar til námskeiðsins er að ég eflist í starfi með aukinni faglegri þekkingu sem styrkir mig í vinnu með börnum og með samkennurum.

Agnes Gústafsdóttir

2016-08-29 22:38:59 UTC

Hæ hæ!
Agnes heiti ég og er 26 ára gömul. Ég bý í Hafnarfirði ásamt kærastanum mínum og fimm ára dóttur okkar.
Ég útskrifaðist með B.ed. gráðu í leikskólakennarafræðum í júní 2016 og er að hefja mastersnám í leikskólakennarafræðum með forystu, skólaþróun og mat á skólastarfi sem kjörsvið og verð í fjarnámi.
Ég hef unnið á leikskóla síðan árið 2008 og er að vinna í leikskóla í Hafnarfirði með náminu.

Ingibjörg Magnúsdóttir

2016-08-29 22:43:49 UTC

Sæl og blessuð öll.
Ingibjörg heiti ég og er 34 ára gift og á 2 börn, 5 mánaða og 4 ára og búum við á Selfossi.
Ég útskrifaðist með Bs. gráðu í Jarðfræði árið 2007 og ákvað eftir öll þessi ár að bæta við mig kennsluréttindum og er að hefja nám í Kennslufræði Grunnskóla og mun ég verða í fjarnámi.

Hrefna Kristín Ágústsdóttir

2016-08-30 08:44:28 UTC

Heil og sæl, Hrefna Kristín heiti ég og bý ég í Hafnarfirði. Ég útskrifaðist með B.Ed gráðu í grunnskólakennarafræðum vorið 2015 og er nú að hefja mastersnám á kjörsviðinu yngribarna kennsla þar sem ég mun verða í staðnámi. Í 6 ár áður enn ég hóf nám mitt hafði ég starfað við kennslu í Barnaskóla Hjallastefnunar í Hafnarfirði þar sem ég kenndi 6 og 8 ára stúlkum.
Áhugamálin einsog hjá svo mörgum tengjast fjölskyldunni enn á ég mann, dreng og hund við ferðumst mikið enn auk þess hef ég gríðarlega mikinn áhuga á þroska barna, aðstæðum þeirra og frávikum sem geta komið upp á þroska leiðinni.

Svava Kristín Þorsteinsdóttir

2016-08-30 08:44:29 UTC

Hæhæ

Ég heiti Svava, ég er 27 ára aalveg að verða 28 :) - Ég er Hornfirðingur og er ný flutt aftur til RVK eftir að hafa stoppað á Höfn í 2 og hálft ár. Var að vinna á leikskólanum Lönguhólum sem deildarstjóri á elstu deild. Leikskólinn er með áherslu á útikennslu og hefur áhugi minn fyrir útikennslu aukist verulega eftir að ég byrjaði að vinna þar. Ég útskrifaðist vorið 2015 með BE.d í leikskólakennarafræðum. Ég er að byrja masters námið mitt í leikskólakennarafræði og er kjörsviðið mitt Menntunarfræði og leikskólastarf og ætla að vera í staðnámi
Vætingar mínar til námskeiðisins er að verða sterkari í faginu og fræðunum.
Áhugamálin mín eru fjölbreytt t.d ferðalög, eldamennska, föndur og dúllerí, útivera, allt tengt skreytingum og gera kósý á heimilinu og vera með vinum og fjölskyldu. Svo hef ég einnig mjög mikinn áhuga á allt tengt leikskólafræðunum t.d hvernig deildin er skipulögð og hvernig er hægt að nota umhverfið í starfi með börnum og gæti eflaust talið endaluast upp.

Ég heiti Snædís og ég er 25.ára og bý í Reykjavík. Ég útskrifaðist með B.Ed gráðu í grunnskólakennslufræði vorið 2015 með tvö kjörsvið, heimilisfræði og yngribarnakennslu og er að byrja í mastersnáminu núna.Ég á eina litla stelpu sem er 1.árs og er því nýkomin úr fæðingarorlofi. Ég vinn í sjónvarps og kvikmyndagerð og hef mikinn áhuga á því, ásamt mat og bakstri. Ég er bloggari á lady.is og nýt mín í botn að skrifa um móðurhlutverkið og tilraunir mínar í eldhúsinu.

2016-08-30 09:12:49 UTC

Hæhæ

2016-08-30 11:04:55 UTC

Ég heiti Hlín og er 25 ára og bý á Akranesi með kærastanum mínum og 5 vikna syni okkar. Ég er með BSc gráðu í íþróttafræði. Ég fór að vinna á leikskólanum Teigaseli í fyrra og eftir árið áttaði ég mig á því að mig langaði til þess að fara í nám tengt leikskólanum. Ég stefni að því útskrifast með M.ed í menntunarfræði leikskóla 2017 í fjarnmámi. Með náminu er ég að þjálfa sund á skaganum og hugsa um litla krílið. Væntingar mínar til námsins eru að kynnast starfi og stefnum í kringum börn í leik- og grunnskólum enn betur . áhugamálin mín eru aðallega hreyfing og íþróttir (júdó, sund og bootcamp, fjallgöngur osfrv.) Annars finnst mér líka gaman að baka og ferðast og vera með fjölskyldunni.

Ásdís Elva Jónsdóttir

2016-08-30 20:41:05 UTC

Sæl öllsömul

Ég heiti Ásdís Elva Jónsdóttir, bý í Reykjavík og er staðnemi. Ég útskrifaðist síðasta vor með B.Ed í grunnskólafræðum með áherslu á yngri barna kennslu og held áfram í mastersnáminu með sömu áherslu.

Ég hef unnið sem stuðningsfulltrúi bæði á miðstigi og yngsta stigi en er einnig lærður hársnyrtir og vinn við það með náminu. Mín helstu áhugamál eru útivist, fjölskylda og vinir.

Erla Brynjólfsdóttir

2016-08-30 21:55:20 UTC

Hæhæ! Ég heiti Erla og er 31 árs. Ég er í sambúð og á þriggja ára stelpu.
Ég útskrifaðist með BA gráðu í Félagsráðgjöf í júní 2012 og viðbótar diplómu í Öldrunarþjónustu í júní 2014. Ég er skráð í mastersnám í Menntunarfræði leikskóla og er að taka 20 einingar þessa önn í fjarnámi.
Ég er að vinna á leikskóla með náminu og hef starfað við það síðustu í tvö ár. Fljótlega eftir að ég byrjaði að vinna á leikskóla kviknaði áhugi fyrir því að öðlast aukna fræðilega þekkingu ásamt því að fá dýpri skilning á því daglega starfi sem fer fram á leikskólanum og hugmyndafræðinni á bak við það. Ég byrjaði í náminu seinasta haust og stefni að því að klára það á þremur árum.

Lísabet Ósk Jónsdóttir

2016-08-31 17:17:36 UTC

Ég heiti Lísa og er 35 ára. Ég bý í Hafnarfirði ásamt eiginmanni mínum og börnunum okkar fjórum. Ég útskrifaðist með B.ed gráðu í leikskólakennarafræðum í febrúar 2015 og er að byrja í mastersnámi í sömu fræðum núna. Ég er skráð í fjarnám. Ég hef starfað á leikskóla í þónokkur ár bæði hér á Íslandi og í Danmörku. Í dag starfa ég sem deildastjóri á leikskólanum Stekkjarási í Hafnarfirði. Mín helstu áhugamál eru ljósmyndun, handavinna, lestur og samvera með fjölskyldu og vinum.

Mamiko Dís Ragnarsdóttir

2016-08-31 18:59:25 UTC

Komið þið sæl,
Ég heiti Mamiko, er 32ja ára og bý í Breiðholti ásamt eiginmanni mínum og 5 ára dóttur. Hef starfað á leikskóla síðastliðin þrjú ár, en er tónlistarkona í grunninn, með B.A. gráðu í tónsmíðum. Mér finnst æðislegt að vinna með ungum börnum, t.d. á leikskóla og sé fyrir mér ævistarf með börnum þar sem tónlistin gegnir lykilhlutverki. Ég stefni á M.Ed. gráðu í leikskólakennarafræðum.
Ég vænti þess að þetta námskeið sé mjög fróðlegt, skemmtilegt og að ég geti hagnýtt og tengt það við vinnuna mína jafnóðum, en ég er í 40% vinnu á leikskóla með náminu og í staðarnámi.
Mitt helsta áhugamál er að semja tónlist, syngja og spila á píanó eða önnur hljóðfæri.
Það verður spennandi að fá að kynnast ykkur!
Mamiko

Ólöf Guðmundsdóttir

2016-08-31 20:43:25 UTC

Ég heiti Ólöf og er 35 ára Reykvíkingur. Ég hef unnið á leikskólanum Grænuborg síðan sumarið 2013.  Ég datt óvart inn í þessa vinnu, ég var nýflutt aftur heim eftir nám og vantaði vinnu í hvelli og þetta er án efa skemmtilegasta vinna sem ég hef unnið. Ég lauk B.S. námi í ferðamálafræði vorið 2011 og byrjaði strax um haustið í MA námi í hnattrænum tengslum.   Ég setti MA verkefnið mitt í hnattrænum tengslum á "hold" þegar ég gekk með og átti dóttur mína og þetta "hold" varð miklu lengra en ég hélt.  Þegar ég svo ætlaði að taka upp þráðinn að nýju þá var áhugasviðið bara farið annað - mig langaði að læra það sem ég nýt þess að vinna við og verða enn betri og hugmyndaríkari í mínu starfi og þess vegna sótti ég um þetta nám, menntunarfræði leikskóla á framhaldsstigi.  Þetta er fyrsta árið mitt og ég er skráð sem fjarnemi og mun halda áfram að vinna meðfram náminu.  Ég hef alltaf haft mikinn áhuga á að ferðast og í bæði grunn- og framhaldsnáminu fór ég út sem skiptinemi á vegum HÍ.  Það er samt skrítið hvað þessi ferðaþrá mín hefur breyst eftir að ég varð móðir, nú vil ég hvergi annars staðar vera en á gamla góða Íslandi :)

Ingibjörg Ósk Sigurðardóttir

2016-09-01 08:25:24 UTC

Ég er aðstoðarkennari í námskeiðinu. Ég er leikskólakennari frá 2002, kláraði MA nám 2010 þar sem ég skoðaði hlutverk leikskólakennar í leik barna. Núna er ég í doktorsnámi og rannsóknin mín fjallar um gildi í leikskóla og er hluti af norrænu rannsóknarsamstarfi. Ég vann starfendarannsókn með 7 leikskólakennurum á einum leikskóla í Reykjavík. Áherslan er því líka á aðferðafræði starfendarannsókna. Og það er bannað að spyrja hvenær ég klára doktorsnámið ;)
Ég á 1 eiginmann og 3 syni sem allir eru miklir fótboltamenn þannig að helsta áhugamál mitt er að standa á hliðarlínunni og hrópa áfram Fjölnir! Svo er auðvitað menntunarfræði ungra barna áhugamál, annað er ekki hægt þegar maður er í doktorsnámi. Ég hlakka til að vinna með ykkur í námskeiðinu

Saga Stephensen

2016-09-03 22:56:05 UTC

Sæl öll,
Ég heiti Saga og starfa sem verkefnastjóri fjölmenningar í leikskólanum Miðborg. Ég hef unnið í leikskólanum síðan sumarið 2014. Í fyrra lauk ég MA námi í Hnattrænum tengslum, fjölmenningarfræði og fólksflutningum, innan mannfræðideildar, en ég gerði rannsókn í Japan þar sem ég bjó í tvö ár. Nú langar mig til þess að bæta við mig Menntunarfræði leikskóla en með því vonast ég til að eflast faglega í starfi og læra eitthvað sem ég get nýtt til þess að gera starfið enn áhugaverðara, skemmtilegra og lærdómsríkara fyrir börnin. Í Miðborg er barnahópurinn afar fjölbreyttur en ég og samstarfsfólk mitt reynum sífellt að finna leiðir til þess að allir geti tekið þátt og notið sín. Mér finnst gaman að ferðast, hlusta á tónlist, fara í fjallgöngu, kíkja á kaffihús og á 'happy hour' með vinum, föndra... Ég er fjarnemi þar sem ég er í fullri vinnu með náminu.

Þóra S. Guðmannsdóttir

songkona — 2016-09-04 17:56:17 UTC

Ég heiti Þóra og er 40 ára. Ég bý í Grafarvogi ásamt börnunum mínum 3. Ég útskrifaðist með Bachelor gráðu í Söngkennslu árið 2007. Ég vann við bæði söng- og píanókennslu í Bandaríkjunum í 4 ár. Ég flutti svo heim í desember 2012.
Ég vinn á leikskóla með náminu og hef starfað þar í rúm 2 ár. Ég vinn með frábæru fólki sem er vel menntað á þessu sviði og það vakti áhuga minn á að vita meira og fá aukna fræðilega þekkingu og fá dýpri skilning á leikskólastarfinu og hugmyndafræðinni á bak við það.
Ég hef áhuga á hestamennsku, söng og tónlist, útivist, að vera með stelpunum mínum, sem eru 13, 10 og 4 ára , vinum mínum og nýt þess að vinna með börnum.

Telma Ýr Friðriksdóttir

2016-09-07 11:16:34 UTC

Ég heiti Telma og er 32 ára. Ég bý í Hafnarfirði ásamt manninum mínum og börnunum okkar þremur. Ég útskrifaðist sem leikskólakennari árið 2007 frá KHÍ. Ég er að taka master í stjórnun menntastofnanna og er í fjarnámi. Ég starfa sem aðstoðarleikskólastjóri á leikskólanum Bjarkalundi sem var verið að opna í Hafnarfirði núna í ágúst, það er einstakt tækifæri að fá að vera með í að opnun nýs leikskóla og fá að þróa hann áfram í sameiningu með öllu því frábæra starfsfólki sem þar vinnur. Ég hef mikinn áhuga á útivist og hreyfingu og stunda þríþraut (synda, hjóla og hlaupa) með 3SH, auk þess að vera upp í sumarbústaðnum okkar með fjölskyldunni.

Ólöf Auður Erlingsdóttir

2016-09-08 19:30:34 UTC

Heil og sæl!

Ég heiti Ólöf og starfa sem umsjónarkennari í Barnaskólanum í Reykjavík (Hjallastefnan). Þetta er fjórða starfsárið mitt þar en ég tók mér eins árs frí frá kennslunni til að vinna hjá sprotafyrirtækinu Plain Vanilla við mannauðsmál. Í Barnaskólanum hef ég verið umsjónarkennari drengja í 3 ár en er nú að kenna 7 ára stúlkum í vetur ásamt fullu meistaranámi með kennslu yngstu barna sem kjörsvið. Ég bý í vesturbæ Reykjavíkur en mun stunda námið í fjarnámi vegna vinnunnar. Ég hef starfað mikið með börnum og unglingum í gegnum tíðina. Ég vann í Jafningjafræðslu Hins Hússins í 4 ár, starfaði með unglingum í frístundamiðstöð Kamps og vann sem barnfóstra í New York í 3 ár. Ég syng með Kvennakórnum Kötlu, stunda jóga af krafti og hef unun af lestri góðra bóka.

Aurora Chitiga

2016-09-10 16:39:57 UTC

Hæ hæ! Ég heiti Aurora, er 37 ára og bý í Reykjavík. Ég er frá Rúmeníu, hef búið á Íslandi í 14 ár, en ég útskrifaðist með BS í viðskiptafræði frá Háskólanum Búkarest árið 2000. Ég hef unnið á leikskóla Langholt í 10 ár og er þar núna í 90% starfi. Ég hóf fjarnám í M.ed. Menntunarfræði Leikskóla í haust 2015 og er að taka 20 einingar á þessari önn.

Kristín Karlsdóttir

kristinkarlsdottirkrika — 2016-09-11 23:42:17 UTC

Sæl öll
Ég heiti Kristín og starfaði lengi sem leikskólakennari, áður en ég fór að kenna verðandi leikskólakennurum í gamla Fósturskólanum árið 1996. Ég hef verið í þessu starfi við síbreytilegar aðstæður, frá því að leikskólakennaranám, grunnskólakennaranám og nám fleiri stétta var sameinað í einn kennaraháskóla og síðar þegar kennaraháskólinn varð að Menntavísindasviði Háskóla Íslands. Mér finnst kennslan spennandi og síbreytileg og hef brennandi áhuga fyrir menntunarfræði barna, og fyrir námi og kennslu barna á öllum skólastigum. Ég er óforbetranlegur fagidíót, sem stunda jóga, og stundum siglingar eða golf. En fyrst og fremst eyði ég frítíma mínum með fjölskyldu minni, þremur börnum og þeirra mökum, ásamt barnabörnunum sem eru 7 talsins.

Stefanía Björk Blumenstein

2016-09-13 08:44:55 UTC

Sæl ég heiti Stefanía Björk og er 28 ára. Ég er Reykvíkingur í húð og hár og verð í staðnámi. Ég er gift og á yndislega 2 ára stúlku. Ég lauk B.Ed. í kennslu ungra barna í grunnskóla síðasta vor og er á fyrsta ári í meistarnámi á sömu námsleið. Ég hef mikinn áhuga á menntunarfræði yngri barna og hlakka til að auka við mig þekkingu í gegnum þennan áfanga.

Hæ,hæ. Ég heiti Katarzyna og allir kölluð við mig Kasia. Ég er frá Póllandi, og ég er með útskrifaðist með BA og BS frá háskólanum frá Póllandi. Ég kom til Ísland í 2007 . Ég hef unnið í leikskólanum í 2009 og frá nóvember 2015 ég er deildarstjóri með yngsta barnið. Ég vín í leikskólanum Örk á Hvolsvelli. Ég á tvo sýni og hunda á heima. Ég er fjarnám í M ed. Menntunarfræði Leikskóla.

2016-09-13 20:20:32 UTC

Stefanía Ósk Þórisdóttir

2016-09-13 23:56:09 UTC

Sæl ég heiti Stefanía Ósk og er 24 ára. Ég er árbæingur. í kláraði b.ed í grunnskólakennslu seinasta vor og er á fyrsta ári í mastersnáminu með áherslu á kennslu ungra barna. Að auki þjálfa ég fimleika hjá Fylki og æfi fótbolta með mfl Hauka. ég hef mikinn áhuga á hreyfingu,útvist,ferðalögum og samvera með vinum og fjölskyldu.

Bergþóra Fanney Einarsdóttir

2016-09-18 21:41:59 UTC

Hæhæ!
Ég heiti Bergþóra Fanney og er tæplega 26 ára gömul. Ég er utan að landi en er nú búsett í Reykjavík með kærastanum mínum. Fyrsti leikskólinn sem ég starfaði í er staðsettur í Gautaborg í Svíþjóð og fann ég mig strax í starfinu. Þegar ég flutti aftur til Íslands fór ég að vinna í Leikskóla Seltjarnarness og hef síðan verið að vinna þar með námi og geri enn. Ég lauk B.Ed gráðu í leikskólakennarafræðum í vor og er þetta því fyrsta önnin mín í meistaranámi sem lýkur ef allt gengur að óskum með leyfisbréfi sem leikskólakennari. Ég er staðnemi í þessu námskeiði og er spennt að fá frekari innsýn í menntun ungra barna í gegnum námskeiðið. Ég hef mikinn á huga á söng og alls konar tónlist, gæðastundum með fjölskyldu og vinum, ferðalögum, hef nýlega fengið aukinn áhuga á eldamennsku og bakstri og er mikill dýravinur :)

thordisa — 2016-09-26 12:47:13 UTC

Sæl öll
Ég heiti Þórdís Þórðardóttir og er gamall leikskólakennari og lektor í uppeldis- og menntunarfræðideildinni á Menntavísindasvið H.Í. ég hef kennt töluvert á leikskólafræðibrautinni og hef brennandi áhuga á jafnrétti, kyngervi og menntun.
Ég á þrjú fullorðin börn og fjögur barnabörn sem ég reyni að eyða sem mestum tíma með auk þess sem ég reyni að finna tíma fyrir önnur áhugamál en það gengur misvel. ER pínulítið hégómagjörn og finnst myndin af mér ekki nógu góð en ég ætti að þekkjast af henni. Hlakka til ða hitta ykkur í október.