REPLEKSYONG LASALYANO M1 by Ysabella Claire Villamarzo

ysabella_villamarzo — 2025-09-22 09:13:37 UTC

Mula sa mga isyu at sitwasyong pangwikang tinalakay, magbigay ng isang personal na danas na nagpapakita ng mga hamon at isyung kinahaharap hindi lang ng Wikang Filipino kundi maging lahat ng mga wika sa bansa?

Isa sa mga personal na karanasan ko na nagpapakita ng kasalukuyang isyu tungkol sa wika ay kung saan karamihan sa mga kabataan at mga kapamilya ko ngayon ay hindi na marunong magsalita ng wikang Filipino o iba pang diyalekto at masnatitipuhang magsalita ng Ingles o kaya’t Taglish dahil ito na ang kanilang nakasanayan. Sa aking karanasan, noong bata pako’y masmahilig ako magsalita ng Ingles dahil ito ang nakikita ko sa social media o sa mga pelikula na pinapanood ng aking pamilya.

ysabella_villamarzo — 2025-09-22 09:14:03 UTC

Para sa akin, ito’y globalisasyon at colonial mentality. Sa ngayo’y uso na ang mga social media apps kung saan ang primaryang wika na gamit ay Ingles. Ito ang ginagamit nila upang manghikayat ng iba't ibang uri ng produkto-- maaaring ito'y damit, laro, pelikula at marami pa. Ang mabilis na paglaganap ng globalisasyon ay maaaring iugnay sa colonial mentality dahil sa paniniwala na kapag ang mga produkto o ideya ay galing sa mga first-world country ay ito'y mas maganda sa aspeto ng kalidad at kredibilidad.

ysabella_villamarzo — 2025-09-22 09:14:31 UTC

Sa personal na lebel, maaari ko itong simulan sa simpleng paggamit ng Filipino sa araw-araw na pakikipag-usap sa mga tao sa aking paligid, maaari itong maging sa pamilya, kaibigan, at mga kaklase. Kung ito'y aking gagawin ay magiging mas bihasa ako sa sariling wika at mapapadali ang pagpapahayag sa aking sarili at sa aking mga emosyon sa wikang Tagalog. Bukod dito ay kinakailangan ring tangkilikin ang mga akda, musikal, pelikula at mga sining na gawa ng mga Pilipino dahil dito rin naipapakita ang ating wika.
Kung ito'y sa pang-pamayanan na lebel naman ay maaaring magkaroon ng mga proyekto sa baranggay gaya ng mga kompetisyon sa larangang spoken poetry, balagtasan, sabayang pagbigkas, at marami pang iba. Pagkatapos nito ay maaari nating hikayatin ang mga malalaking institusyon at lokal na brand na gumamit ng mga wikang Filipino sa kanilang paghikayat at pag-anunsyo.