Í þessari vinnustofu fá þátttakendur tækifæri til að skoða hvernig fjölbreytt gervigreindartól og aðrar tæknilausnir geta stutt við ritun nemenda á öllum stigum ritunarferlisins – frá undirbúningi og uppkasti til endurskoðunar og birtingar.

Sérstök áhersla er lögð á hvernig kennarar geta veitt stigskipta leiðsögn sem styður við fjölbreytta ritun og hjálpar nemendum að verða sjálfstæðir í ritun sinni. Fjallað verður um hvernig nýta má þessi tæki á gagnrýnan, skapandi og uppbyggilegan hátt, og rætt um tækifæri, áskoranir og siðferðileg álitaefni tengd notkun gervigreindar í skólastarfi.

Kynnt verða hagnýt verkfæri, námsefni og leiðbeiningar sem styðja við ritunarkennslu. Vinnustofan byggir á raunhæfum dæmum úr kennslu og gefur rými fyrir ígrundun, umræðu og prófanir.

Leiðbeinendur: Hildur Rudolfsdóttir, Hildur Ásta Viggósdóttir og Þorbjörg St. Þorsteinsdóttir, verkefnastjórar í Mixtúru.

Athugið: Mikilvægt er að þátttakendur fylgist með upplýsingum sem verða sendar út fyrir ráðstefnuna í ágúst og hafi með sér fartölvu í vinnustofuna.

Hámarksfjöldi þátttakenda 25

Áhersla er lögð á leiðsagnarnám, skýra matskvarða og hvernig megi fylgjast með framvindu náms á einfaldan og áhrifaríkan hátt. Við skoðum líka hvernig gervigreindartól geta létt kennurum lífið þegar kemur að yfirferð og endurgjöf, og hvernig tæknin getur verið raunverulegur stuðningur í skapandi skólastarfi.

Í vinnustofunni fá þátttakendur tækifæri til að þróa eigin hugmyndir að skapandi skilum og matsaðferðum.

Leiðbeinandi: Alexía Rós Gylfadóttir, verkefnastjóri skapandi tækni í Mixtúru.

Athugið: Mikilvægt er að þátttakendur fylgist með upplýsingum sem verða sendar út fyrir ráðstefnuna í ágúst og hafi með sér fartölvu í vinnustofuna.

Hámarksfjöldi þátttakenda 25

Skóla- og frístundasviðs Reykjavíkurborgar og Menntavísindasviðs Háskóla Íslands hafa gert með sér samstarfssamning og eru sérfræðingar Mixtúru staðsettir á Menntavísindasviði Háskóla Íslands. Í Mixtúru er einnig til húsa Búnaðarbanki SFS með fjölbreyttum náms- og kennslugögnum og sköpunar- og tæknismiðjan (e. Makerspace).

Sérfræðingar Mixtúru brenna fyrir því að nýta stafræna tækni til að auðga menntun og veita börnum fjölbreytt tækifæri til sköpunar og tjáningar.

• Alexía Rós Gylfadóttir, verkefnastjóri skapandi tækni

• Hildur Rudolfsdóttir, verkefnastjóri stafrænnar skólaþróunar

• Hildur Ásta Viggósdóttir, verkefnastjóri stafrænna náms- og kennsluhátta

• Þorbjörg St. Þorsteinsdóttir, deildarstjóri Mixtúru

Mixtúra á Facebook

Mixtúra á Instagram: @mixtura_reykjavik