Titill á verki - Ljós í myrkri

Stærð á verkinu - 29,7 cm × 42,0 cm

Ljós í myrkri heitir verkið mitt, verkið sýnir Baldur sem liggur kyrr í miðju myndarinnar, hann er umkringdur myrkri og sorginni sem fellur yfir goðana við dauða hans. Úr brjósti  Baldurs koma ljós rætur og regnbogi sem vísa til Bifröst brúna sem tengir alla heimana og Ask Yggdrasils, hið helga tré sem heldur alheiminum saman. Með þessari mynd vildi ég sýna hvernig dauði Baldurs merkir ekki bara endalok heldur einnig upphaf, þar sem ljósið heldur áfram að lifa í gegnum tengsl, tákn og trú.

Við verkið notaði ég teikninga forrit sem heitir Adobe Fresco, ég vildi sýna fram hvernig  andstæður í formi lita geta dregið fram tilfinningu fyrir innri ró. Ég vildi bera saman föl, hvít líkamsform gegn djúpum litatökum myrkursins sem táknar dauða, sorg og söknun við fallegum litum sem regnbogi gefur frá sér sem inniheldur innra ró og ræturnar sem lýsa upp til himinsins sem tákna von.

Einkunnarorð skólana endurspeglast vel í verkinu mínu. 

Ég sýndi frumkvæði með því að velja stóran og merkilegan atburð í sögunni og túlka hann á minn eigin hátt. 

Sköpun birtist í því að þróa táknrænt og huglægt myndamál sem tengir saman bæði goðafræðina og nútímalega list.

Áræðið fólst í því að takast á við stóra og dramatíska sögu og leyfa mínu eigin ljósi að stíga fram úr myrkrinu, eins og Baldur í verkinu mínu.

Ljóðið mitt heitir Augað og spegillinn og er innblásið af Gylfaginningu. Ég ákvað að vinna með söguna um Óðinn og hvernig hann fórnaði öðru auganu til að fá að drekka úr Mímisbrunni og öðlast visku. Í ljóðinu lýsi ég ferðalagi þar sem ég geng einn af stað og leita að einhverju sem enginn má vita, það vísar í þessa þrá eftir djúpri þekkingu og skilningi.

Þegar ég valdi atburðinn fyrir ljóðið þá googlaði ég og notaði gervigreind til að koma með uppástungur hvaða verk ég gæti gert, þá kom upp þetta verk varðandi Mímisbrunn. Ég ákvað að tengja þetta við einn sólarhring: dagur, kvöld, nótt og morgun. Hann leitar að meiri visku þannig leggur hann af stað og leitar að því sem enginn má vita af hverju hann er að leita. Hann tekur tekur áttfætta Sleipni og svo fylgja á eftir úlfarnir tveir. Í kafla 15 í Snorra-Eddu er sagt að Mímisbrunnur er við rætur Jötunheima og í ljóðinu læt ég líta út að Óðinn ríði á hest sínum nokkurn spöl til að finna Mímisbrunninn. Ég skrifa ljóðið þannig að hann eyðir rúmum degi við brunnin og að brunnurinn sé Mímir og til að öðlast visku þá þarftu að drekka úr brunninum eins og Mímir hefur gert og Óðinn veit að þessi brunnur veitir visku. Ég er að hugsa það að hann viti kannski ekki hvort hann eigi að drekka úr brunninum heldur að hann eigi að dvelja við brunnin og að horfa í brunnin og sjá sjálfan sig í vatninu þá kemur viska fyrir vikið. Þegar ég tala um að hugsun á sér stað, þá er ég að hugsa um að hann viti ekki hvað hann á að segja við brunninn og hann reynir að hugsa réttu orðinn. En um nóttina verður hann þyrstur og þá kemur það fyrir að brunnurinn tekur eitthvað sem honum þykir væntum í staðinn og það er augað hans. Svo til að enda ljóðið þá fannst mér flott að enda það þannig að hann hverfur út í dagsins ljós.

Titill á verki: Sköpun heimsins

Stærð á verki: Veggspjald A3

Ýmsar hugmyndir eru um sköpun heimsins, eins og t.d. stóri hvellur, að Guð hafi skapað hann eða þá að hann var skapaður úr Ými. Ég lagði hausinn í bleyti og finnst hugmyndin að heimurinn hafi verið skapaður úr Ými algjörlega „meika sens“. Sérstaklega fannst mér þessi hugmynd verða skýrari eftir að ég skrifaði ritgerðina um Ragnarök. Ég ákvað að gera veggspjald og setja inn klippimyndir. Ég reyndi mitt besta til þess að hafa sköpun í verkinu með því að setja inn „vondar“ myndir og sýna smá frumkvæði með því sem og áræði. Ég er á því að heimurinn eins og hann er í dag, sé Ýmir að láta í sér heyra og að við séum ekki að fara vel með hann.

Þegar Gylfi fer í Ásgarð og hittir þrjá guði: Jafnhár, Hærri og Hár.

Mikill tími fór í að teikna myndina og erum við búnir að vera að mest alla vikuna að klára hana. Yfir 20 burstar voru notaðir. 

Myndin er teiknuð á spjaldtölvu með penna. Ljóðið sömdum við svo í kjölfarið á myndinni og réð myndin för í gerð ljóðsins. 

Myndin sýnir bardaga Óðins við Fenrisúlfinn. Óðinn vissi að hann myndi tapa þessum bardaga en hann vissi líka að hann þyrfti að mæta úlfinum.
Spjótið í gegnum öxl Óðins sýnir hann særðan og úlfurinn gleypir hann og drepur. 
Myrkirið í myndinni er lýsandi fyrir endalok alheimsins "Ragnarök". Stærðarmunurinn á Fenrisúlfinum og Óðni er lýsandi fyrir það ofurefli sem Óðinn var að mæta. 

Titill á verki: Bifröst

Stærð á verkinu:  8x70 cm                                                                                                          

Um verkið

Ég valdi að gera regnbogatrefil eftir Bifröst af því regnbogar eru fallegir og mér finnst sagan um Bifröst skemmtileg.

Samkvæmt Snorra-Eddu er Bifröst brú sem liggur frá jörðinni til himins. Á milli Miðgarðs og Ásgarðs.  Hár sem er Óðinn segir Ganglera að mennirnir kalli Bifröst regnboga. Hann segir að Bifröst sé þrílit. En það eru fleiri litir. Kannski var sá sem skrifaði þetta litblindur.

Bifröst var sterk brú en hún brotnar þegar eldjötnar riðu yfir hana.

Æsir ríða yfir Bifröst á hverjum degi til að fara til Urðarbrunns.

Rauði liturinn í Bifröst er eldur, þess vegna komast ekki allir yfir hana.

Ég gúglaði litina í regnboganum. Ég keypti svo garn í mörgum litum. Svo prjónaði ég hann. Ég prjónaði eitt stykki fyrir hvern lit og raðaði þeim í rétta röð fyrir regnbogann. Og svo gúglaði ég hvernig ætti að gera kögrið og gerði kögrið. Þetta er trefill fyrir dúkku af því það er fljótlegra og ég hafði ekki tíma til að gera stærri trefil. 

Einkunnarorð skólans eru frumkvæði, sköpun og áræði.  Ég valdi verkefnið sjálf sem tengist frumkvæði. Að prjóna er skapandi. Ég sýndi áræði með því að læra að gera kögur.

Fenrisúlf að gleypa Óðin

Þór og Miðgarðsorminn í banaslag

Surt með logandi sverð að eyða heiminum

Kaos í bakgrunni – eldar, fallandi tré Yggdrasils og hrun heimsins 

Það sem er áhugavert við þetta verk er að það er teiknað með blýanti sem var ekki einusinni yddaður frá því ég byjaði að teikna og þangatil að verkið var tilbúið

Stærð myndar : 210 x 297mm

Ég ákvað að teikna Auðhlumlu sem mér finnst áhugaverður partur af Gylfaginningu.

Úr spenum hennar renna fjórar mjólkurár sem Ýmir nýtti sér til nærast.

Það má líka segja að það sé henni að þakka að Óðinn hafi orðið til.

Það er hægt að tengja einkunarorð skólans við hana Auðhumlu.

Hún hafði frumkvæði af því að sleikja salta hrímsteina. Sem varð að því að hún skapaði Búra. Ég vil líka meina að Auðhumla hafi sleikt hrímsteinana af áræðni.

A4 blað 

Verkið mitt sýnir Bifröst, regnbogabrúna úr norrænni goðafræði sem tengir Ásgarð, heim guðanna, við Miðgarð, heim mannanna. Ég valdi að teikna þessa brú því ég náði að sjá hana fyrir mér mest þegar ég las bókina, ég hugsaði hversu falleg hún væri. hún er falleg, litrík og táknræn brú á milli tveggja heima, sem mér finnst endurspegla margt í okkur sjálfum, tengslin milli hversdagsleika og ímyndunar, milli manna og hugmynda, milli þess sem er og þess sem gæti verið.

Myndin varð til út frá hugmynd um að túlka Bifröst ekki bara sem brú heldur sem leið inn í annan heim. Ég sá fyrir mér að brúin væri í regnbogalitum og að höllin væri gulllituð og bæði væri glitrandi af fegurð þannig ég setti glimmer á myndina. Grasið sýnir okkar heim mannanna og mér finnst gera myndina dramatíska og fallega að hafa dökkan bakgrunn, þannig ég litaði hann dökkan..

Ég teiknaði myndina með trélitum, og notaði augnskugga glimmer fyrir glitrandi brú og höll. Ég ætlaði að mála myndina en hætti strax við því ég kann alls ekki að mála og myndi gera hana subbulega þannig ég tók skynsamlega ákvörðun frekar og litaði hana með trélitum.

Einkunnarorð skólans: frumkvæði, sköpun og áræði og endurspeglast í verkinu á þann hátt að hvernig ég túlkaði úr Gylfaginningu. Það birtist í litavali og stíl, og áræði í því að teikna myndina þótt ég hafi enga sérstaka reynslu með að teikna, en ég lét þótt reyna á það.

Mér fannst skemmtilegast að lesa um bifröst því ég náði að sjá fyrir mér hlutina miklu betra. Ég man líka mikið eftir að lesa um brúna og bifröst, mér finnst þetta eitt af minnilegasta úr bókinni.

Verkefnið sýnir Yggdrasill, tréið sem tengir saman heima guða, manna og undirheima. 

Á teikningunni sérðu Ásheima, Miðgarð, Niflheim, Örn efst og Níðhögg neðst við ræturnar.

Ratatoskur hleypur á milli að flytja skilaboð.

Þegar ég vissi að lokaverkefni áfangans ÍSLE2RB05, sem kenndur er af Kolbrúnu

Halldórsdóttur ætti að vera skapandi verk úr Gylfaginningu þá hóf ég strax hugmyndavinnu mína að eigin frumkvæði. Frumkvæðið og áræðni héldust að, en ég skrifaði niður allar þær hugmyndir sem ég fékk og allt það sem ég gat sjálfur tengt við Gylfaginningu. Þegar allar hugmyndir og tengingar voru komnar á blað þá notaði ég útilokunar aðferðina við að finna persónulegasta verkefnið. Eftir stóð að ég ætlaði að skrifa um dýr vegna þess að fjölskyldan mín á 9 ára gamlan íslenskan fjárhund sem heitir Askur, stóra systir mömmu á 6 ára franskan bolabít sem heitir Mímir og litla systir mömmu á 4 ára Siberian Husky sem heitir Úlfur. Allir

bera þeir nöfn sem ég gat tengt við Gylfaginningu, Askur Yggdrasils, Mímisbrunnur og Fenrisúlfur. Leið mín að verkefninu lág svo enn dýpra vegna þess að stjúpfaðir minn, sem er mér mjög kær, heitir Ormur. Eftir stóð að lokaverkefnið mitt yrði um Miðgarðsorminn. Útlit

Miðgarðsormsins í lokaverkefninu er eins og ég sé hann fyrir mér, fallegur en ógnvekjandi.

Útfærslan á verkefninu er innrömmuð 50cm x 30cm demantamynd af Miðgarðsormi. Með verkinu fylgir verkefni þetta ásamt einblöðungi um Miðgarðsorminn sem hengdur verður upp

við hlið verksins. Verkið er gjöf til Menntaskólans á Tröllaskaga, en þakklæti er mér efst í huga fyrir að vera fyrsti skólinn sem tekur tillit til þarfa minna og mætir mér á miðri leið. Þrátt fyrir langvarandi veikindi mín og dæmigerða einhverfu hef ég blessunarlega verið

gæddur þeim hæfilega að sýna frumkvæðni og áræðni. Þá hefur sköpun og list ávallt fylgt mér, en ég er einkar stoltur af sköpunarverki mínu um Miðgarðsorminn. Skemmtilegast fannst mér að geta tengt Gylfaginningu svona sterkt við fjölskylduna mína.