Halimbawa ng mga kaalaman at kasanayan na kabilang sa karunungang bayan ay ang mga tradisyunal na uri ng pagsasaka, pagluluto, pagtatahian, at mga ritwal at paniniwala. Ang karunungang bayan ay mahalagang bahagi ng kultura ng isang bansa at nagbibigay ito ng pagkakakilanlan at pagkakaiba sa ibang mga kultura sa buong mundo.

Ngipin sa ngipin
Mata sa mata
Kahulugan: ito ay hustisya, kapag gumawa ka ng masama, ang kaparusahan ay naaangkop sa iyong krimen.

Kung ano ang hindi mo gusto,
Huwag gawin sa iba
Kung ano ang iyong inutang
Ay siya ring kabayaran
Kahulugan: kung gusto mo na respetuhin at maging mabuti sa iyo ang mga tao, mauna ka na magpakita ng respeto at magandang asal at tiyak na susuklian din nila ito ng mabuting intensyon.

Salawikain Tungkol sa Edukasyon

Ang aral ay nakakalimutan sa gitna ng kalituhan
Ngunit ang natural na asal ay hinding-hindi mapag-iiwanan
Kahulugan: matutong intindihin sa iyong puso ang mga pinag-aaralan. Huwag mag-aral para lang sa pag-susulit, hindi nagtatagal ang ganitong kaalaman. Intindihin at damdamin ang binabasa para habang-buhay mo itong magamit.

Mas delikado
ang taong edukado
Kahulugan: ang taong may pinagaralan kapag ginamit ito sa kabutihan ay pakinabang ng sanlibutan, ngunit kapag ito ay ginamit para sa masamang bagay, marami ang mapapahamak.

Salawikain Tungkol sa Pag-ibig

Oh pag-ibig na makapangyarihan
Pag pumasok sa puso ninuman
Hahamakin ang lahat
Masunod ka lamang
Kahulugan: hindi mo kayang piliin kung sino ang mamahalin mo, kapag mahal mo, mahal mo.

Huwag kang patatalo sa iyong panibugho
Mundo mo ay guguho at magkakagulo-gulo
Kahulugan: natural lang ang pagseselos sa isang relasyon, ngunit wag mong hayaan na ikasira ito ng inyong pagmamahalan.

Salawikain Tungkol sa Pamilya

Ang pamilyang kumakakain at nagdarasal ng sabay-sabay
Ay nagsasama at nabubuhay ng matiwasay
Kahulugan: ang pamilya na dikit at rinerespeto ang isa’t-isa, habang tumatagal ay lalong tumitibay ang pagsasamahan.

Ang pag-iisang dibdib ay hindi parang kanin
Na puwede pang iluwa kapag ito ay mainit
Kahulugan: hindi biro ang kasal, kaya dapat magpakasal lamang sa taong iyong mahal at gustong makasama habang buhay.

Kahulugan: Oras kung saan papalubog na ang araw at papalit ng gabi
Halimbawa: Kailangan nating magmadali dahil agaw-dilim na.

Balat kalabaw

Kahulugan: Di madaling maramdaman ang hiya, matibay ang pakiramdam
Halimbawa: Kahit ilang beses na siyang napagsabihan, hindi pa rin siya nahihiya; talagang balat kalabaw si Marta.

Daga sa dibdib

Kahulugan: Pagkatakot o kaba
Halimbawa: Ang daga sa dibdib niya ay nagsimula nang kumalma nang makita niya ang kanyang pamilya.

Guhit ng tadhana

Kahulugan: Itinakda o inilaang kapalaran
Halimbawa: Sinasabi nila na ang pagtatagpo nina Juan at Maria ay guhit ng tadhana.

Hinahabol ng karayom

Kahulugan: May sira ang damit
Halimbawa: Hindi man lang napansin ni Minda na hinahabol ng karayom ang asawa niyang si Berto.

Ikrus sa noo

Kahulugan: Tandaan
Halimbawa: Kaya dapat lang na ikrus sa noo ang lahat ng sinasabi ng iyong Lola.

Kakaning-itik

Kahulugan: Walang gaanong halaga, hindi maipagpaparangalan
Halimbawa: Palibhasa’t matanda na kaya kakaning-itik na lang para sa mga anak ang kanilang ina.

Lahing kuwago

Kahulugan: Sa umaga natutulog
Halimbawa: Si Cindy ay may lahing kuwago.

Maanghang ang dila

Kahulugan: Walang pakundangan o bastos magsalita
Halimbawa: Maraming nasasaktan sa salita dahil maanghang ang dila ni Terence.

Nagbibilang ng poste

Kahulugan: Naghahanap ng oportunidad sa trabaho
Halimbawa: Pagkatapos mawalan ng trabaho, nagbibilang ng poste si Roberto para makahanap ng bagong hanapbuhay.

Pagputi ng uwak

Kahulugan: Hindi mangyayari o hindi kapani-paniwala
Halimbawa: Pagputi ng uwak bago pa ako magturok ng droga sa katawan ko.

Sampay-bakod

Kahulugan: Hindi totoo ang sinasabi
Halimbawa: Ingat ka sa pagsasalita kay Lily, sampay-bakod ang ugali niya.

Takaw-tulog

Kahulugan: Mahilig matulog
Halimbawa: Kahirapan ang kinabukasang sasapitin ng taong takaw-tulog.

Utak-biya

Kahulugan: Walang alam
Halimbawa: Hindi nakakaintindi ng leksyon si Ben, lagi kasi siyang tinatawag na utak-biya.

Walang bahid

Kahulugan: Walang pagkakamali
Halimbawa: Mahirap pabagsakin si Liza dahil walang bahid ang kanyang reputasyon.

Ang pinapahayag dito ay ang ating buhay araw-araw ay nag-iiba. Kung minsa’y tayo’y masaya, minsan nama’y malungkot. May mga araw na masagana ang hapag kainan, kung minsan naman ay simpleng pang hapunan lamang ang laman ng mesa.

Ang ibig sabihin ng salawikain o kasabihan na ito ay maaaring ikaw ang nag trabaho ngunit iba ang nakinabang nito. Kung minsa’y ginagamit din ang: “Ako ang nagluto, iba ang kumain.”