Levami di sti focura, si n'hai la vuluntati, chi jornu e notti è longa l'angunia

pinzannu sulu a vui, maronna mia.

U mari poi zappari, ô ventu siminari,

li cchiù granni ricchizzi ammunziddari:

tu nun mi poi aviri na stu munnu;

cchiuttostu li capiddi m'arrimunnu

Quannu passu e ti viu, rosa frisca di l'ortu,

gran sullevu mi duni a tutti l'uri:

circamu di cucchiari u nostru amuri.

Si t'attrovanu me patri e l'autri me parenti,

accura chi t'attrappanu e ti rumpinu li denti.

Comu ti vinni franca la vinuta,

megghiu ti grapi l'occhi a la partuta.

Ci mettu na pinali di dumila Agustari.

To patri, cu tutti i so ricchizzi, un mi pò tuccari,

Grazi a Diu e viva lu mperaturi!

U capisti cu è lu me difinsuri?

Ricca jò sugnu, di dinari e d'oru finu.

Si mi vulissi dari quant' havi u Saladinu,

e pi junta quantu lu Sultanu,

tuccari un mi putissi mancu a manu.

Fimmina senz'omu un ci pò stari:

vardati, bedda, e cchiù nun ci pinzari.

Di ccà passasti arsira vinennu pi parlari: è megghiu chi stai mutu, canzuneri!

Sti to palori un su' tantu sinceri.

Ci penzu tutti l'uri, li voti chi vaju fora!

Fimmina comu a tia unn haju truvatu ancora quant' amu a tia, rosa mmiriata: criu propriu chi mi fusti distinata.

Cussi puru pirdissi tutti li me biddizzi.

Si chissu mi succeri, mi tagghiu tutti i trizzi!

Monaca mi fazzu p'unn aviri a tia, chì mai un t'avissi a junciri cu mia.

E staju cu tia, la sira e lu matinu:

haju bisognu di teniti vicinu.

Gesù Cristu propri cu mia pari arrabbiatu.

Mi fici nasciri pi darimi a stu scumunicatu?

Nta stu munnu c'è sulu di circari: fimmina cchiù bedda poi attruvari.

Fimmina cchiù gintili un ci attruvai e a tia comu patruna mi pigghiai.

E si ci pari degnu, nchesa tu m'ha' purtari, ddà nni maritamu mmezzu a genti e doppu fazzu i to cumannamenti.

pinzasti di vulari, ma si stuccaru l'ali.

Nton corpu addivintasti cchiù cristiana: ma resta soccu si, statti viddana.

Jò mi nni staju cuntenta nô me granni casteddu: li to discursa parinu chiddi d'un picciutteddu.

S'un ti nni vai e stu postu sbarazzi, pò darsi c'a to vita ci l'appizzi.

S'ha' moriri pi tia o essiri sfriggiatu di ccà jò nun mi movu s'un sugnu cumpinzatu.

E dunami stu fruttu di lu to jardinu: m'u sonnu a sira e puru a lu matinu.

Lu ventu pò firriari e allura sunnu vaj:

un ti scurdari sti me santi palori, chi si t'arrabbi, mi fa mali lu cori.

Ma jò un t'allungassi mancu a manu, pi quant'havi lu Papa e lu Sultanu.

Ora fa un annu chi mi trasisti mmenti di quannu ti vitti cu ddu falari,

bedda, jò un ti pozzu cchiù scurdari.

Mancu s'avissi statu russu u so culuri!

Nap'ô Vangelu giura chi si lu me signuri, tu nun mi poi aviri nta stu munnu chì mi va jettu a mari, a lu cchiù funnu.

E si annijata t'attrovu jittata ncapu a rina lu sai socch'è chi ti putissi fari:

cu tia vulissi juncimi e piccari.

Cu fimmina già morta, assai tu suri e un ci provi ne piaciri ne sapuri.

Si tu nun m'accuntenti, un pozzu cchiù campari.

Fallu, fimmina mia, chì tu puru po' scialari.

Cuntuttu chi nun m'ami, assai jò t'amu chi comu un pisci mi cucciasti all'amu.

Si fai soccu ti dicu, stu cori meu s'inchina.

Chistu ti l'assicuru fermamenti: jò sugnu sulu tua, eternamenti.

E si mi voi scannari, ccà c'è un cuteddu novu: stu fattu pò succeriri prima chi vugghi un ovu.

Amica bedda, tu m'ha' accuntintari, chi u cori meu lu sentu lamintari.

S'avissi tu u Vangelu, jò ti dicissi: giura!

Aviri a mia un pò essiri a to festa.

Cchiuttostu, pigghia e tagghiami la testa.

Supra stu libbru giuru chi vogghiu sulu a tia.

Accunsenti a lu me granni disiu, chì l'arma nta lu nfernu mi trasiu.

Sugnu davanti a vui, sta vota un m'addifennu.

Pi quantu v'haju cuntrastatu, è ura chi m'arrennu.

Ntô lettu ni curcamu a la tardiatas facennu festa tutta la nuttata.

avillu iddi lu pottiru, sulu nê so pinzeri.

Capisci bonu soccu ti vogghiu diri?

La me ricchizza è cchiù d'ogni to aviri.