اشـرف على جو الصحاري والانهار ..

مهمـا صفـا جـوّه يبي مستقره ..

عشّـن بنـاه بعود وريشـه ومنـقار ..

هذا حنـيـن الـدار وان بـاح ســرّه ..

يكسـر نـواة القلب لـو كانت احجار ..

حتى النجوم اللـي بعالي المجرّه ..

لابراجـاهـا تشتـاق يـوم الفلك دار ..

حنـا عطانا الله من الارض درّه ..

هي منبع التوحيد مرباع الاخيار ..

حضـن الوطن يازين برده وحرّه ..

له ميزةٍ ماهيب توجد بالاقطار ..

الحكم حكم الشرع عدل ومبّـره ..

كل العباد تعيش في ظله احـرار ..

والشعب حــاز الــدين لـلـه درّه ..

شعب السعوديه من كبار وصغار ..

اللـي يبــي للــدار خـيـر ومسّره ..

وارخص لها عند الملمات الاعمار ..

يسعد وبعـيــون القيــاده مقـّـره ..

وعند الملا له قدر ويستاهل الدار ..

واللــي يـبي للدار شـــر ومضـرّه ..

من جملة القاصين والا من الجار ..

والا من اهل الدار وابليس غرّه ..

لا بـد مــن ردعـــه ومثـواه للنــار ..

اقولـها تسـعـه وتسعـيـن مــرّه ..

من يفقد دياره شرب كاس الامرار ..

يضيق بـه بحــره ويضيــق بـرّه ..

وآعزتي للـي عليـه الــزمـن جـار ..

القصيدة للفريق ركن / مطلق المطيري

أدامك الله يا وطني شامخًا رافعًا رأسك بأولادك.

ولتكن أنت اليوم جزء من مستقبله غدا

منسق ( مركز حي أم السباع )

الوطن : هو المكان الذي ولدت فيه، وعشت في كنفه، وكبرت وترعرعت على أرضه وتحت سمائه، وأكلت من خيراته وشربت من مياهه، وتنفست هواءه، واحتميت في أحضانه

فـ كيف لا أعشقه وأرخص الغالي والنفيس من أجله ومن أجل وصوله إلى رؤيته🎗🇸🇦