Para comezar este proxecto realizamos un cuestionario inicial entre o noso alumnado para saber o punto de partida e comezar a crear en consecuencia.

Estes son os resultados obtidos, con algunha sorpresa positiva xa que os/as estudantes teñen certos coñecementos xa adquirido, e analizando as debilidades para que este plan sexa o máis eficaz posible. Esperamos que vos guste!

Esperamos que vos guste!

As castañas teñen unha importancia cultural e gastronómica fundamental en Galicia, onde forman parte de tradicións ancestrais e festividades populares como a que festexamos hoxe, o Magosto, unha celebración típica de outono na que se reúnen familias e comunidades para asar castañas e compartir comidas ao aire libre.

Máis aló do seu valor simbólico, as castañas son un ingrediente esencial na cociña galega, utilizadas en pratos tradicionais como o caldo de castañas, os doces típicos e acompañando guisos ou sobremesas, reflectindo a riqueza rural e o aproveitamento dos recursos naturais da rexión. Así, a castaña non só nutre, senón que tamén fortalece o tecido social e cultural de Galicia.

Moitas grazas ao ANPA por organizar esta actividade tan bonita e saudable.

Animádevos a vir!

A nosas/os estudantes encántalles un bo prato de cogomelos e é importante aprecialas en tempada.

Os cogomelos son un alimento moi nutritivo, baixo en calorías e graxas, pero rico en proteínas vexetais, fibra, vitaminas do grupo B e minerais como ou potasio e ou fósforo. Ademais, conteñen compostos antioxidantes e antiinflamatorios que poden contribuír a fortalecer ou sistema inmunitario e previr diversas enfermidades.

Neste caso o noso cociñeiro Hugo ensínanos a preparar os champiñóns con xamón, que son unha combinación deliciosa e nutritiva que achega proteínas de alta calidade e minerais esenciais. Ademais, a súa mestura de sabores potencia o apetito e favorece unha dieta equilibrada e baixa en graxas.

Quixemos, ademais, darlle unha segunda vida a produtos que xa non eran aptos para o consumo, e así reutilizamos e reciclamos verduras de tempada como as espinacas e a remolacha, e tamén empregamos cúrcuma para conseguir diferentes tonalidades de cor.

Sabías que...?

• As espinacas son ricas en ferro, calcio e vitaminas A e C, que axudan a manter os ósos e o sistema inmunitario fortes.

• A remolacha contén antioxidantes e favorece a circulación sanguínea.

• A cúrcuma, pola súa banda, destaca polas súas propiedades antiinflamatorias e dixestivas.

Así, aprendimos sobre produtos cercanos que podemos consumir nesta época e que teñen propiedades moi beneficiosas para nós.

Ademais, unimos arte, ciencia e sustentabilidade, demostrando que a natureza tamén pode ser unha marabillosa paleta de cores e colaborando coa Biblio! 📚 🎨✨

Próximamente subiremos algunhas das tarefas que fixeron os alumnos sobre a remolacha e os aditivos alimentarios, así como unha actividade práctica cos pigmentos naturais da remolacha.

👀 Estade atentos, que o resultado é ben interesante!

Ademais de saborosos, os níscalos son unha excelente fonte de nutrientes:
🍄 Conteñen fibra, que axuda ao bo funcionamento dixestivo.
💪 Son ricos en vitaminas do grupo B e en minerais como o ferro e o potasio.
🧠 Teñen un baixo contido calórico e graxo, o que os fai ideais para manter unha dieta equilibrada.
💚 Tamén aportan antioxidantes naturais, que contribúen a coidar o sistema inmunitario.

Non perdas esta receita de tempada e anímate a probar este guiso cheo de sabor e propiedades saudables.

O noso alumnado de 3ºESO estivo traballando sobre ela e agradecer a Erea e Matías por estes preciosos carteis divulgativos.

A Dieta Mediterránea, máis que unha simple forma de comer, é un estilo de vida saudable e equilibrado, baseado en produtos frescos e de tempada: froitas, verduras, legumes, cereais integrais, peixe, aceite de oliva e un consumo moderado de carne e lácteos.

Seguir a Dieta Mediterránea axúdanos a:
✅ Previr enfermidades cardiovasculares
✅ Manter un peso saudable
✅ Coidar o medio ambiente
✅ Promover a convivencia e o pracer de compartir a mesa

💚 Hoxe é un bo día para lembrar que coidar o que comemos é tamén coidar de nós mesmos e do planeta.

A remolacha é unha hortaliza moi interesante pola súa riqueza en vitaminas, minerais e antioxidantes. Destaca pola súa capacidade para mellorar a circulación, aumentar os niveis de enerxía e contribuír a unha boa saúde dixestiva grazas ao seu contido en fibra. Ademais, é un ingrediente versátil que podemos empregar tanto en pratos doces como salgados.

📅 Acabamos de rematar a tempada, así que é un bo momento para valorar todo o aprendido e o traballo realizado polos estudantes.

Dentro de pouco subiremos algúns traballos relacionados con máis usos da remolacha, neste caso como aditivo!

O E-162 destaca non só polo seu poder colorante, senón tamén porque procede dunha fonte vexetal, polo que é frecuente atopalo en alimentos como iogures, sobremesas, bebidas ou doces que buscan unha cor atractiva sen recorrer a aditivos sintéticos.

Estes traballos súmanse ao que vimos facendo arredor da remolacha agora que acabamos de pechar a tempada, ofrecendo unha mirada máis científica e curiosa sobre os seus usos.
Parabéns a todos polo rigor e a claridade das presentacións!

Os cogomelos con allos son unha das receitas máis tradicionais da nosa cociña. Destacan pola súa sinxeleza e polo protagonismo absoluto dos produtos de tempada, que ofrecen o mellor sabor nesta época do ano.

A combinación de cogomelos frescos e allos dourados crea un prato aromático, perfecto tanto como tapa como acompañamento. Ademais, é unha preparación rápida, saudable e que respecta o sabor natural dos ingredientes.

🌱 Por que destaca esta receita?

• Pon en valor os produtos locais e de tempada, máis saborosos e sostibles.

• É unha receita tradicional, transmitida xeración tras xeración.

• Perfecta para calquera ocasión: rápida, económica e chea de aroma.

  Esperamos que vos guste!!

Os sombreiriños de cogomelo recheos de xamón e queixo son unha proposta deliciosa que fusionan a tradición culinaria coa presentación moderna, utilizando cogomelos frescos de tempada, cando están no seu mellor momento de sabor e textura.
É unha receita ideal como aperitivo ou tapa quente, sinxela de preparar e perfecta para poñer en valor os produtos locais.

🌿 Por que paga a pena esta receita?

• Destaca o uso de cogomelos de tempada, saborosos e de proximidade.

• É unha receita sinxela pero vistosa, perfecta para sorprender na mesa.

• Combina ingredientes tradicionais galegos como o xamón e queixo, creando un aperitivo irresistible.

🍌 Por que son importantes estas merendas?

• Achegan enerxía e vitaminas no momento do día en que máis se precisa.

• Promoven hábitos alimentarios saudables desde a infancia.

• Apostan por produtos locais, frescos e sostibles.

• Reducen o consumo de snacks ultraprocesados nos recreos.

🍏 E cal é a froita favorita do alumnado?

Aínda que todas teñen éxito, as mazás levan vantaxe nas eleccións do recreo. Parece que este ano están a converterse nas claras favoritas… e non é de estrañar: son prácticas, refrescantes e perfectas para comer en movemento.

E como sempre, lembramos que podemos adaptar a receita usando queixos da terra, como o queixo San Simón, que lle achega un toque afumado espectacular.

🌱 Os/As nosos/as estudantes están moi cociniñas e participan con entusiasmo nesta iniciativa. Cada receita convértese nun momento de aprendizaxe, creatividade e posta en valor dos produtos de tempada e da terra.
É unha marabilla velos experimentar, probando novas combinacións e descubrindo sabores tradicionais.

A remolacha, ademais de dar unha cor preciosa, é un alimento moi interesante polo seu contido en nitratos naturais, que poden contribuír a reducir a presión arterial, favorecendo unha boa circulación. Unha receita saudable e reconfortante ao mesmo tempo.

❄️ Esta crema conxélase perfectamente, polo que podemos preparar máis cantidade e gardar racións para outro momento. Así temos sempre á man unha opción saudable, deliciosa e lista para quentar cando máis apeteza.

🍹 Queres innovar? Inténtao!

Pódese mesturar con froitas de tempada para crear sabores novos e sorprendentes:

• Laranxa ou mandarina para un toque cítrico.

• Un chisco de cenoria.

• Arandos ou framboesas cando estean dispoñibles.

• Incluso un pouco de kiwi para un contraste refrescante.

As posibilidades son infinitas… e deliciosas!

Este traballo axudounos a comprender que, aínda que o azucre nos dá enerxía rápida, consumilo en exceso pode provocar desequilibrios no organismo. A reflexión final anímanos a gozar do Nadal con moderación e a tomar decisións máis conscientes sobre a nosa alimentación.

Que teñades unas Boas Festas e Feliz Aninovo!

O chocolate, ademais de estar boísimo, axúdanos a mellorar o ánimo e dános enerxía para comezar o trimestre con ganas. O plátano, pola súa banda, é unha froita moi completa: achega potasio, é saciante e perfecta para coidar o corpo despois dos excesos do Nadal.

Unha receita doce, equilibrada e feita con moito cariño, ideal para compartir e desfrutar xuntos nesta volta á rutina. Grazas, Mario, por endozarnos a volta ao cole! ✨

Os froitos secos achegan enerxía, graxas saudables e moitos nutrientes, polo que son unha excelente alternativa ao turrón ou ao chocolate cando nos apetece picar algo doce. Ademais, substituíu o azucre por eritritol, un edulcorante de orixe natural que achega sabor doce sen apenas calorías e non eleva o nivel de azucre no sangue, sendo así unha opción máis saudable para coidar a nosa alimentación. Vega probouna durante as vacacións de Nadal e… quedou todo o mundo encantado!

Unha receita sinxela, nutritiva e ideal para desfrutar en familia. Grazas, Vega, por compartir con nós esta idea tan rica e equilibrada 🌟

🐟 O salmón é un peixe moi completo: achega proteínas de alta calidade, é rico en omega-3, que axuda a coidar o corazón e o cerebro, e tamén contén vitaminas como a D e do grupo B, fundamentais para a nosa saúde.
A granada é unha froita típica do outono-inverno, polo que consumila nesta época é apostar por produtos de tempada, máis saborosos e nutritivos. Ademais, é rica en antioxidantes, vitaminas e minerais, axudando a reforzar o sistema inmunitario ❤️
Os froitos secos, tamén moi presentes nesta época do ano, aportan graxas saudables, enerxía e minerais como o magnesio ou o calcio.

Esta receita é un bo exemplo de que se poden facer pratos festivos e especiais usando ingredientes saudables e de tempada, coidando a alimentación sen renunciar ao sabor 😋

En 3º da ESO, na materia de Bioloxía e Xeoloxía, puxémonos mans á obra para aprender a ler e entender as etiquetas dos alimentos que adoitan traer ao recreo ou consumir no seu tempo libre: chocolatinas, refrescos, patacas fritas…

Analizamos a información nutricional (azucres, graxas, sal, calorías…) e, despois, valoramos cada produto poñéndolle unha nota segundo o saudable que era. Algúns resultados sorprenderon bastante 😲

Esta actividade axudou ao alumnado a pensar sobre os seus propios hábitos alimentarios e a darse conta de que non todo o que parece inofensivo o é tanto. O obxectivo foi aprender a escoxer mellor o que comemos, sendo máis críticos e responsables coidando a nosa saúde.

• 🍅 Tomate: achega vitaminas e antioxidantes, especialmente o licopeno, que axuda a protexer o noso organismo. Ademais, é refrescante e lixeiro.

• 🧀 Mozzarella: aporta proteínas e calcio, importantes para os ósos e os músculos. Consumida con moderación, é unha boa opción dentro dunha dieta equilibrada.

• 🌿 Albahaca: aínda que se usa en pouca cantidade, dá moito sabor e aporta propiedades antioxidantes e dixestivas.

Este entrante demostra que con ingredientes sinxelos e naturais pódense facer pratos atractivos, saudables e ideais para compartir. Unha receita rápida, fresca e chea de sabor 😋

🐠 O consumo de peixe é fundamental nunha dieta saudable: achega proteínas de alta calidade, vitaminas e minerais, e axuda a coidar o corazón, o cerebro e o sistema nervioso. Ademais, é un alimento lixeiro e fácil de dixerir.

En concreto a lubina é un peixe branco moi apreciado polo seu sabor suave. É baixa en graxas, rica en proteínas, vitaminas do grupo B e minerais como o fósforo ou o selenio, que contribúen ao bo funcionamento do organismo.

📅É un peixe de tempada de inverno, atópase no seu mellor momento de sabor e calidade. Consumir peixe de tempada axúdanos a aproveitar produtos máis frescos e nutritivos, ao tempo que fomentamos hábitos de consumo máis responsables e respectuosos co medio mariño.

Unha receita perfecta para os meses fríos, saudable e chea de sabor 😋

🍊 A laranxa achega frescura e un toque cítrico perfecto para acompañar o salmón. É unha froita rica en vitamina C, que axuda a reforzar o sistema inmunitario, especialmente importante nos meses de inverno. Ademais, contén antioxidantes, fibra e auga, polo que contribúe á boa dixestión e á hidratación.

📅É unha froita típica do outono e do inverno, polo que este prato aposta polo consumo de produtos de tempada, máis saborosos, nutritivos e respectuosos co medio.

Unha receita sinxela e equilibrada para pechar o Nadal demostrando que o peixe tamén pode ser variado, saudable e moi apetecible 😋🎄

🍎 A mazá é unha froita moi completa: achega fibra, axuda á dixestión e contribúe a manter unha alimentación equilibrada. Ademais, é unha froita de tempada no outono e inverno, polo que consumila nestes meses permite aproveitar todo o seu sabor e valor nutritivo.

🌿 A canela aporta un aroma e sabor doce de forma natural, o que permite reducir ou eliminar o uso de azucre. Ademais, ten propiedades antioxidantes e pode axudar a regular os niveis de azucre no sangue.

🌰 As noces achegan graxas saudables, proteínas e minerais, sendo beneficiosas para o corazón e o cerebro. Consumidas con moderación, completan este postre facéndoo máis nutritivo.

Un exemplo perfecto de que se poden facer doces saborosos e saudables, apostando por produtos naturais e de tempada 😋✨

No clube de ciencias o alumnado de 1º e 2º da ESO estivo investigando a cantidade de vitamina C presente en distintos alimentos. Analizamos froitas e verduras como a laranxa, o limón, as espinacas, o pemento, a mazá e o kiwi, xa que son alimentos habituais na nosa dieta e coñecidos polo seu contido vitamínico.

Ademais, quixemos comprobar se había diferenzas entre un zume recentemente exprimido e outro zume exprimido dende primeira hora da mañá. Tras realizar o experimento, observamos que apenas notamos diferenza na cantidade de vitamina C entre ambos, polo que o zume preparado con antelación conserva case as mesmas propiedades.

🍊 Beneficios da vitamina C
A vitamina C é moi importante para a nosa saúde, xa que:

• Axuda a fortalecer o sistema inmunitario.

• Contribúe á cicatrización das feridas.

• Axuda na absorción do ferro.

• Actúa como antioxidante, protexendo as nosas células.

Este experimento axudounos a comprender mellor a importancia dunha alimentación equilibrada e o valor das froitas e verduras no noso día a día.

Carmen respondeu a todas as dúbidas de forma moi clara, próxima e interesante, axudándonos a aprender máis sobre como comer mellor e coidar a nosa saúde.

👉 Non perdas a entrevista e descubre consellos útiles para o teu día a día.

O alumnado de 3º ESO investigou o impacto das bebidas enerxéticas no organismo, especialmente na adolescencia, e as conclusións son claras: non todo o que promete máis enerxía xoga ao noso favor.

💥 Antes de abrir a lata🥫… mellor abrir os ollos. 👀

Unha maneira deliciosa de coller forzas, manter a concentración e seguir a xornada con enerxía… sen esquecer a importancia dunha alimentación equilibrada.

Porque coidarse tamén forma parte de aprender! 💚

Na horta escolar do instituto poñémonos mans á terra outra vez, preparados para plantar, regar e, sobre todo, rir un pouco mentres vemos como todo vai brotando.

Comezou o alumando de 4ºESO pero todos pasarán a plantar: fresas, tomates, calabacíns, xudías verdes, berenjenas e ata patacas.

Agardamos unha colleita tan boa que ata o espantallo queira facerse un selfie con ela. Agora só falta que as plantas medren con xeito… e que os caracois non se apunten á festa antes ca nós!

Durante o camiño falamos de hábitos saudables e tamén dos produtos típicos da zona. Vimos o gando vacún que caracteriza esta área:

• A rubia galega, da que se obtén a carne con IGP Ternera Galega, recoñecida pola súa calidade e polo seu aporte de proteínas de boa calidade.

• A frisona, máis ligada ao leite, que permite elaborar queixos con DOP, manteigas e outros lácteos que forman parte dunha alimentación equilibrada.

Estes produtos non só están boísimos, senón que tamén axudan a manter vivas as explotacións familiares e o rural galego.

Outro momento top do roteiro foi atopar os cerezos silvestres en flor. Son o aviso de que a tempada de cereixas está ao caer. As cereixas son unha froita chea de vitaminas e antioxidantes, perfectas para recargar enerxía de forma natural.

En resumo, foi unha saída para aprender, gozar da natureza e valorar os produtos locais que temos tan preto e que contribúen a unha vida máis saudable.

🥬 Kimchi

Aprendemos como se fermentan as verduras e como este proceso potencia o sabor e a conservación. O mellor: é rico en probióticos, vitaminas e fibra, perfectos para coidar a dixestión.

🥛 Kéfir

Coñecemos como se forma esta bebida a partir dos "fermentos" e o leite. Destaca pola súa capacidade para equilibrar a microbiota intestinal, mellorar a dixestión da lactosa e achegar calcio e proteínas.

Por que incorporalos á dieta?

Porque son naturais, nutritivos e axudan ao noso benestar dixestivo.

Aquí vos deixamos estes traballos para que valoredes que son...

pequenos microbios, pero grandes aliados.

A partir dun texto científico en inglés, analizaron como a dieta moderna —con máis alimentos ultraprocesados, bebidas azucradas e snacks moi calóricos— pode aumentar a graxa corporal durante a infancia. O texto explica que este aumento de graxa pode facer que o corpo produza máis leptina, unha hormona que envía sinais ao cerebro indicando que hai suficiente enerxía para crecer e desenvolverse. Cando isto ocorre antes do habitual, o organismo pode iniciar a puberdade e a menarquia a unha idade máis temperá.

Tamén reflexionamos sobre por que isto é importante: aínda que a puberdade é un proceso natural, cando comeza demasiado cedo pode traer retos emocionais, sociais e físicos para moitas rapazas, que ás veces teñen que afrontar cambios no corpo antes de estar preparadas a nivel emocional.

Unha actividade para conectar a ciencia co día a día e entender mellor como os hábitos de vida poden influír no noso desenvolvemento

Hoxe, o alumando de 3º ESO, continuaron traballando sobre a alimentación durante o desenvolvemento e como os hábitos alimentarios poden influír na saúde reprodutiva.

Analizamos como os alimentos ultraprocesados, as bebidas azucradas e o consumo excesivo de alcohol poden afectar negativamente ao organismo, neste caso aos espermatozoides!

Tamén vimos que unha dieta equilibrada, rica en alimentos naturais e nutrientes como vitaminas, antioxidantes ou omega-3, pode axudar a protexer a saúde.

A conclusión principal foi que non existe un alimento “milagre”, senón que o importante é manter hábitos de vida e alimentación saudables no conxunto do día a día.

Unha actividade que nos axudou a reflexionar sobre como as nosas eleccións alimentarias poden influír na saúde a longo prazo.

Durante a súa investigación, Daniela descubriu algunhas das achegas máis importantes desta científica, especialmente os seus estudos sobre os beneficios da dieta atlántica. Este modelo alimentario, baseado en alimentos tradicionais como peixe, marisco, froitas, verduras, patacas ou aceite de oliva, está asociado a múltiples beneficios para a saúde.

As investigacións nas que participa Leis Trabazo mostran que seguir a dieta atlántica pode mellorar os hábitos alimentarios, reducir o peso corporal e diminuír factores de risco cardiovascular, ademais de contribuír á prevención de enfermidades como a diabetes ou a síndrome metabólica.

Esta actividade permitiunos coñecer mellor o traballo dunha investigadora galega destacada e reflexionar sobre como a ciencia e a alimentación están moi relacionadas coa saúde e o benestar da poboación.

Nesta ocasión, Emma e Xabi prepararon unha riquísima marmelada de amorodos caseira. Aproveitamos que comeza a tempada dos amorodos, unha das froitas máis apetecibles da primavera. Ademais de estar boísimos, os amorodos están cheos de beneficios: son ricos en vitamina C, teñen antioxidantes, axudan a reforzar o sistema inmunitario e son unha opción doce e saudable para engadir ás nosas merendas ou almorzos.

Con ingredientes sinxelos e moito entusiasmo, Emma e Xabi demostraron que cociñar saudable tamén pode ser divertido e moi saboroso. O resultado… unha marmelada natural perfecta para acompañar torradas, iogur ou froita.

👏 Parabéns aos dous polo gran traballo!
Seguimos descubrindo receitas saudables e deliciosas xuntos.

Quen se anima coa próxima receita?

A nova proposta de José Blanco Seoane é unha ensalada tépeda que combina espárragos verdes, amorodos, queixo de cabra, rúcula e noces. Un prato sinxelo pero moi completo, perfecto para aproveitar o mellor da tempada primaveral, reúne ingredientes frescos, de proximidade e no seu mellor momento do ano.

Espárragos verdes: ricos en fibra, vitaminas A, C, E e K, e moi lixeiros.

Queixo de cabra: aporta proteínas e calcio, cun sabor que equilibra o doce e o amargo.

Rúcula: chea de antioxidantes e vitamina K.

Noces: fonte de graxas saudables e minerais.

Unha combinación fresca, nutritiva e chea de textura, ideal para esta época do ano.

💥 Por que mola tanto esta receita?

• Carne — Aporta proteínas que che dan enerxía para o día a día, especialmente se tes mañás longas ou tardes de estudo intensas.

• Pementos — Son unha bomba de vitaminas, sobre todo vitamina C. Ademais, se estamos en primavera–verán, están en plena tempada, polo que teñen máis sabor e son máis sostibles.

• Arandos — Pequenos pero poderosos. Son ricos en antioxidantes, que axudan a coidar o corpo por dentro. A salsa dálle un toque moderno e diferente ao pincho.

As papas recheas de xamón e queixo son un clásico delicioso da cociña cubana, perfectas para quen busca algo crocante por fóra e suave por dentro. Anthony e Arianna prepararon esta versión na que nos permiten saborear un pouco da súa terra. É unha combinación que nunca falla e que lembra moito aos sabores da casa.

É que beneficios ten?

• Patacas: dan enerxía e son súper saciantes e estamos nun bo momento para consumilas.

• Xamón e queixo: achegan proteínas e fan que o recheo sexa cremoso e irresistible.

  
  

O choco, tan típico das nosas costas, é un produto moi valorado pola súa textura suave e polo seu sabor mariñeiro. A súa tempada principal vai de febreiro a maio, polo que agora é un momento perfecto para desfrutalo fresco e no seu mellor punto.

🐙 Por que destacar o choco?

• É un alimento baixo en graxa e con proteínas de alta calidade.

• Aporta minerais importantes como fósforo, potasio e magnesio.

A receita combina ingredientes moi accesibles como cenoria, cebola, allo, col... Un detalle interesante é que varios destes ingredientes son de tempada en Galicia, como a cenoria e a col, que adoitan estar no seu mellor momento durante a primavera. Isto non só mellora o sabor, senón que tamén fai a receita máis sostible e económica.

Ademais, cada ingrediente achega algo especial.

• A cenoria destaca polos seus beta‑carotenos, que axudan a coidar a visión e a pel.

• O allo é coñecido polas súas propiedades antimicrobianas e polo seu papel no fortalecemento do sistema inmunitario.

• Os brotes de soia engaden unha boa dose de fibra e proteínas vexetais

• Mentres que a col é unha excelente fonte de vitamina C e antioxidantes.

Todo isto fai que os rolos primavera non sexan só un prato delicioso, senón tamén unha opción nutritiva e ao mesmo tempo achega sabores doutras culturas, algo que sempre esperta curiosidade.

Saca unha foto do teu prato máis colorido, equilibrado e creativo e manda ao correo; inspira ao resto do alumnado a coidar a súa alimentación.

Mostra que comer ben tamén pode ser creativo e divertido! 📸🥗

🔍 Resultados da investigación:

• 8 produtos tiñan Nutri-Score D

• 6 produtos tiñan Nutri-Score E

• 1 produto chegou a un Nutri-Score C

Se facemos a media de todo isto, a máquina queda cun Nutri-Score global de D. Vamos, que moi saudable non é precisamente.

Algunha das reflexións que fixeron:

"Despois de ver todo isto, penso que a máquina expendedora debería ter cousas máis sanas, porque se non ao final sempre acabamos mercando o mesmo e non é nada bo para nós. Estaría guai que puxeran snacks ricos pero que non fosen tan malos. Así poderiamos merendar mellor e non sentir que estamos comendo “chatarra” todos os días."

Agora tocará investigar os bocatas da cafetería... Estade atentos!

Moitos dos ingredientes percorren centos ou incluso miles de quilómetros antes de chegar ao noso recreo. A suma total? 1.478 km, unha distancia coa que poderiamos chegar a Marsella, Turín, Múnic ou mesmo Londres.

Tamén analizaron o impacto ambiental: só estes produtos xeran 1330 kg de CO₂, o equivalente a ter que plantar 64 árbores para compensalo.

Un dato que fai reflexionar sobre o que comemos e de onde vén; despois desta análise, o alumnado elaborou propostas alternativas de bocatas usando produtos de tempada e da zona.

Hai opcións para diferentes estacións, alternativas vexetarianas e mesmo algunha máis gourmet para quen lle guste innovar.

Non digades que non son apetecibles!

Este grupo de traballo de 3º ESO tan activo, participou creando estes cartaces para promover a aceptación, o respecto e a autoestima 💫

👉 Di NON ás dietas restritivas
👉 Di SI a coidarte con saúde e benestar
👉 Valora o teu corpo tal e como é

Bota un ollo aos seus traballos e anímate a compartir esta mensaxe!

Nesta receita a pasta acompáñase de verduras moi especiais: cenoria, espárragos, chícharos e espinacas.

Moitas delas están agora en plena tempada, especialmente os espárragos, os chícharos e as espinacas, así que é o mellor momento para desfrutalas: teñen máis sabor, máis nutrientes e ademais son máis sostibles.

Cada verdura aporta algo distinto:

• 🥕 A cenoria é rica en vitamina A e axuda á vista.

• 🌿 Os espárragos teñen fibra e son moi refrescantes.

• 🟢 Os chícharos aportan enerxía e proteínas vexetais.

• 🍃 As espinacas están cheas de ferro e vitaminas.

Un prato sinxelo, saudable e perfecto para encher o día de cores… porque comer verduras tamén pode ser divertido!

A Pascualina está elaborada con ingredientes moi nutritivos como:

🥬 Espinacas ou acelgas: ricas en ferro, fibra e vitaminas A, C e K, axudan a fortalecer o sistema inmunitario e favorecen a saúde dos ósos.

🥚 Ovos: achegan proteínas de alta calidade, fundamentais para o crecemento e a reparación dos tecidos.

🧅 Cebola: fonte de antioxidantes naturais que contribúen á protección do organismo.

🧀 Queixo: proporciona calcio e proteínas, importantes para manter ósos e dentes fortes.

🥧 Masa caseira: achega enerxía grazas aos hidratos de carbono, fundamentais para o día a día.

Este prato demostra que comer saudable tamén pode ser saboroso e tradicional.

Parabéns pola creación e por compartir un anaquiño da historia familiar a través da cociña! 👏

E con isto rematamos este año moi agradecidos de participar no proxecto e de que o noso alumnado, e comunidade educativa, estivesen tan implicados.

💡 Que fixemos ben? Que podemos mellorar? Que retos teremos por diante?

As respostas están neste documento elaborado polos nosos investigadores e investigadoras de 3º ESO.

Parabéns polo seu traballo e pola súa capacidade crítica!

👇 Botádelle unha ollada e axudádenos a seguir medrando.

Despois de todo un curso descubrindo a importancia da alimentación saudable, dos produtos de proximidade, da Dieta Atlántica e dos hábitos que nos axudan a coidar a nosa saúde, chega o momento de pechar o proxecto Sabores e saberes no Castro da Uz.

Foron meses de investigación, experimentos, entrevistas, roteiros, traballo na horta, receitas e moitas reflexións que nos permitiron aprender a tomar decisións alimentarias máis responsables e conscientes.

Grazas a todo o alumnado, ás familias e á comunidade educativa por facer posible este camiño.

Aquí vos deixamos a nosa reflexión final sobre todo o aprendido e vivido ao longo deste curso.