- Considero que estaría ben unha estrutura narrativa dividida en bloques: introdución xeral, definición do recurso, exemplos prácticos na aula, vantaxes, posibles limitacións e peche reflexivo.

-Para darlle coherencia ao documental, poderíase empregar unha voz en off que acompañe todo o vídeo cun ton narrativo tipo conto.

-A nivel visual, combinaría imaxes reais con ilustracións infantís que reforcen a idea de xogo e aprendizaxe.

Tamén me gustaría que incluísemos gravacións reais de nenos e nenas interactuando con contos dixitais (aínda que é algo complexo de conseguir) porque iso daría forza visual ao documental.

Creo que unha pequena comparación entre un conto tradicional en papel e un conto dixital podería axudar moito a entender as diferenzas na forma de ler e participar.

Tamén sería interesante falar de que criterios ter en conta para a elaboración dun conto interactivo.

Por último, propoño que usemos música suave, tipografías infantís e un deseño visual coidado, colorido e claro, para conectar mellor co público e manter o interese ao longo do vídeo.

En canto aos recursos, optaría por facer un vídeo claro, visual e con detalles que consigan captar a atención dos receptores e para a edición creo que estaría ben utilizar ferramentas accesibles como CapCut ou Canva.

Por último, considero importante estruturar o documental cunha distribución equilibrada das partes, tendo en conta que o tempo máximo será de 7 minutos. Debemos aproveitar ben cada segundo para transmitir unha mensaxe clara e completa sen saturar a audiencia.

Tamén poderíamos falar de aplicacións existentes para crear contos interactivos.

Por outro lado creo que estaría ben coidar a estética do video (por exemplo poderíamos poderíamos usar cores cálidas para transmitir proximidade e confianza, sen perder a profesionalidade) O ritmo do vídeo creo que debería ser dinámico para manter a atención do público, polo que sería interesante combinar planos estáticos con escenas en movemento.