Педагогика басқа ғылымдар сияқты, белгілі бір ақиқат саласындағы білімдерді жүйеге келтіреді.

Педагогика ғылымы ең көне ғылымдардың бірі болып табылады. Қоғамдық өмірден бөліп алып қарауға болмайтын ғылым. Педагогикалық білім жастарды өмірге әзірлеу, тәрбиелеуге байланысты пайда болған адамның өзіндік ерекше әрекетіне жатады .

1. Тәрбие - қоғам дамуына ықпал етеді, ал қоғам тәрбие беруге кең мүмкіндіктер жасайды, оның қоғам өмірінің маңызды саласы ретінде дамуына жағдай туғызады.Адамдар бойында ізгі-құндылық қасиеттерді қалыптастыруға мақсатты бағдарланған, сонымен қатар сапалы орындалатын педагогикалық процесс.

2. Оқыту - бұл оқытушылар мен оқушылардың білімді, қабілетті, дағдыларды бойға сіңіріп, игеруге, оқушылардың дүниеге көзқарасын қалыптасыруға, ақыл-ой күштері мен әлуетті мүмкіндіктерін жетілдіруге, алға қойған мақсаттарға сай өзін-өзі білімдендіру дағдыларын орнықтыруға бағытталған ұйымдасқан, мақсатты және басқару арқылы жүзеге асырылатын өзара іс-ќимыл жасау процесі.

3. Білім беру - бұл оқушылар алып, меңгеретін білімдердің, қабілеттердің және дағдылардың жүйеге келтірілген жиынтығы. Қазіргі кезде адамзат баласы жинақтап, зерделеген білім негіздері ұшан-теңіз, адам қаншама ұзақ уақыт оқып-үйренсе де, осыншалық білімнің бәрін бірдей игере алмас еді.

1. Студент белсенділігі мен дербестігі принципі - бұл принцип студенттің оқу үрдісінің белсенді қатысушысы болуын болжайды. Ол оқу материалын өз бетінше меңгеруі, қосымша ақпарат іздеуі, алған білімін талдап, қолдануы керек. Мұғалім студенттердің іс-әрекетін ұйымдастыратын және ынталандыратын тәлімгер және көмекші қызметін атқарады.

2. Оқытуды дараландыру принципі - әр студенттің өзіндік ерекшеліктері, қажеттіліктері мен қабілеттері болады. Сондықтан осы ерекшеліктерді ескеріп, әр студенттің өз қажеттіліктеріне сай даму мүмкіндігін беру маңызды. Мұғалім оқыту әдістері мен тәсілдерін студенттің жеке ерекшеліктерін ескере отырып бейімдеу керек.

3. Сыни ойлау мен шығармашылықты дамыту принципі - жоғары білім беру педагогикасы студенттердің сыни ойлауын дамытуға ықпал етуі керек. Олар ақпаратты талдай білуі, оның сенімділігі мен қолдану мүмкіндігін бағалай білуі, сонымен қатар өз пікірін қалыптастырып, оны дәлелді түрде қорғай білуі керек.

4. Тәрбиенің үздіксіздігі принципі - жоғары оқу орнындағы білім студенттің одан әрі кәсіби және тұлғалық дамуының негізі болуы керек. Сондықтан студенттердің жоғары оқу орнын бітіргеннен кейін оқуын жалғастыруы және дамуы үшін өмір бойы білім алуына жағдай жасау маңызды.

5. Оқытудың практикалық бағыттылық принципі - жоғары оқу орындарында білім беру білім мен дағдыны іс жүзінде қолдануға бағытталуы керек. Студенттер алған білімдерін іс жүзінде қолдана білуі, өмірлік мәселелерді шешуі және болашақ кәсіби іс-әрекетіне қажетті практикалық дағдыларды қалыптастыруы керек.

Тәрбиенің негізгі мақсаты – жинақталған білім мен қоғамдық- тарихи тәжірибиені жеткіншек ұрпақтарға беру.

Педагогиканың негізгі міндеттері:

1. балалар мен ересектерді тәрбиелеудің әртүрлі оқыту теориялары мен тәсілдерін зерттеу.

2. оқытудың ғылыми негізделген әдістерін жасау және оқушылардың жеке тұлғасын қалыптастыру.

3. оқытудың қазіргі әдістерін олардың тиімділігін бағалау және заманауи жағдайларға бейімдеу.

4. онлайн курстар мен қашықтықтан оқыту сияқты білім берудегі инновациялық тәсілдерді дамыту.

5. дамуында және оқуында ауытқулары бар балалар мен ересектерге арналған педагогикалық процестерді зерттеу және оқыту мен тәрбиелеудің жеке әдістерін таңдау.

   
   

   
   

Е.Г. Юдин әдіснамалық білімнің 4 деңгейін анықтайды:

1. Философиялық

2. Жалпы ғылыми

3. Нақты ғылыми

4. Технологиялық.

Негізгі (кілтті)  7 құзыреттілік

1.Басқарушылық (проблеманы шешу қабілеті);

2.Ақпараттық (өзіндік танымдық қызметке қабілеті немесе өмір бойы білім ала білуі);

3.Коммуникативтік (үш тілде: қазақ, орыс және ағылшын (шет) тілдерінде ауызша, жазбаша және нәтижелі қарым-қатынас жасауға қабілеті);

4.Әлеуметтік (қоғамда, өзі өмір сүрген ортада іс-әрекет жасай алу қабілеті);

5.Тұлғалық (өзіндік іске асыру, өзін-өзі жетілдіру, өмірлік және кәсіби өзін-өзі анықтау, төзімді болу қабілеті);

6.Азаматтық (қазақстандық сана-сезім мен мәдени ұқсастық негізінде өзінің отаны үшін жауапкершілікті сезіну қабілеті);

7.Технологиялық (тиімді пайдалану деңгейінде технологияларды, оның ішінде ғылыми, сандық технологияларды пайдалану қабілеті).