MY E-PORTFOLIO FOR 1ST TO 4TH GRADING PERIOD by Ana Maria Alvarado

Tula

rzvcg2tqm5 — 2024-09-19 13:51:59 UTC

masaya ako gawin ito sapagkat dito ko nasukat ang bilis ng aking pag iisip sa mga ideya, ngunit nahirapan ako ng kaunti dito dahil inisip ko pa ang design na aking gagawin at kung paano ko sisimulan ang tula. sa aking skor naman medyo nalungkot ako pero alam kong kaya ko pa naman makuha ang mataas na skor sa iba pang gawain.

Quiz #1

rzvcg2tqm5 — 2024-09-19 13:54:25 UTC

medyo nahirapan ako dito sapagkat nakulangan ako sa oras, ngunit masaya padin naman dahil na intindihan ko na ang mga hindi ko naunawaan na ibang parte, ngunit ako’y nalulungkot sa skor ko dahil ito’y hindi pumasa.

2nd Grading

rzvcg2tqm5 — 2024-10-03 11:49:33 UTC

Kakulangan

2024-10-04 14:27:40 UTC

Nasaan ang Summative Test mo nak? Pag-aralan ang tamang paggamit ng malaking letra sa unahan ng pangungusap at tuldok sa bawat pangungusap.

Gawaing Upuan #1

rzvcg2tqm5 — 2024-12-17 15:11:31 UTC

Ito ay ang pinakaunang gawaing upuan namin noong nagsimula ang ikalawang markahan. Medyo nalungkot ako sa aking iskor dahil aaminin ko, hindi ko masyadong naiintindihan ang lesson dito. Kaya ang Part 1 lang ang nasagutan ko. Hindi ako confident na sagutin ang ibang part dahil hindi ko alam kung tama o mali ang sagot ko. Habang sinasagutan ko ito, kinakabahan ako dahil hindi ko alam kung paano sasagutan ang iba. Pero, napasa ko naman ito.

Gawaing Upuan #2

rzvcg2tqm5 — 2024-12-17 15:18:38 UTC

Ito ay ang aking pangalawang gawaing upuan. Alam ko na mababa pa rin ito, pero tumaas ang aking iskor ng kaunti. Pero Ako ay nalungkot padin dahil ito ay pangalawang gawaing upuan na at hindi pa rin ako nakakabawi. Inaamin ko na hindi ko agad naintindihan ang lesson kaya nahirapan ako na sagutan ang mga gawaing upuan. Ito ay dahil may kasamang Math. Ayoko sa subject na Math, kaya siguro hindi ko agad naintindihan ang lesson dahil may halo itong mga equation na ayaw ko. Ngunit wala naman akong magagawa dahil ang Math ay parte na ng ating araw-araw na pamumuhay. Kaya ipinangako ko na lang sa aking sarili na tataasan ko ang aking mga iskor sa gawaing upuan para sa ikatlong markahan at susubukan ko ang aking best na intindihin ito

Summative Test

rzvcg2tqm5 — 2024-12-17 15:27:40 UTC

Hindi ko mahanap ang aking summative test, ngunit gagawan ko pa rin ito ng repleksyon.

Sa pagkakatanda ko, okay naman ang aking nakuha na iskor sa summative test kaya ako’y natuwa nang in-announce ang mga iskor. Natuwa ako dahil kahit hindi ko gaanong naintindihan ang mga naunang lesson, nagawa ko pa ring sagutan nang maayos ang summative test. Nalungkot lang ako dahil hindi ako naka-limang puntos sa dulong parte kung saan kami ay pinapagawa ng graph. Ito ay dahil kulang na sa oras at nagbibilang na si Ma’am habang ginagawa ko ito. Ako ay nag-panic at isa lang ang aking natapat.

Performance

rzvcg2tqm5 — 2024-12-17 15:38:47 UTC

Ito ay ang aming performance. Lahat kami ay naatasang gumawa ng kanta, steps, acrostics, at magtula ang isa saamin tungkol sa supply. Supply ang aming topic dahil ito ang ni-report namin. Halo-halo ang emosyon ko dito. Ako ay nalungkot dahil kami ang lowest at alam kong hindi namin naayos ang aming performance. Ngunit may saya pa rin akong nararamdaman dahil kahit ganoon ang nangyari, nakapag-perform pa rin kami sa unahan at natapos na rin ang araw-araw naming practice. Syempre, habang nagpe-perform ako ay kinakabahan ako. Hindi namin kabisado ang lyrics nang maayos, dahil na rin siguro sa kakulangan ng oras. Ngunit kahit ganoon, ako ay proud pa rin sa mga ka-grupo ko dahil alam ko na pinaghirapan at pinagpuyatan nila ang iba doon. At least, natapos na rin ang maaga at aming araw-araw na practice. Nangako na lang ako sa sarili ko na mas pagbubutihan ko pa sa susunod na PETA na ibibigay sa amin ng aking mga bagong ka groupo.

Sa susunod ay magpatulong sa kaklase lalo na at ito ay tungkol sa Math. Maging maingat din sa gamit upang hindi magkulang ang laman ng e-portfolio.

jonalynpontaneles001 — 2025-01-03 09:28:27 UTC

3RD Grading

rzvcg2tqm5 — 2025-02-16 11:17:28 UTC

Gawaing Upuan #1

rzvcg2tqm5 — 2025-02-16 11:51:47 UTC

Para sa Gawaing Upuan #1, nakakuha kami ng score na 90. Para sa akin, mataas na ang score na iyon, lalo na late kami nagpasa. Late kami nakapagpasa dahil tatlo kaming absent noong araw ng gawain. Kaya nang sinabi ni Maam kung sino ang mga walang gawa, kami-kaming tatlong magkakaibigan na lang ang nagpresenta bilang maging magkagroupo. Binigyan kami ni Ma’am ng ilang araw para ipasa ito.

Nagkasundo kami na magkita nang maaga upang magawa namin ito bago ang oras ng pasok. Habang ginagawa namin, masaya naman kami at may kanya-kanya kaming gawain, may taga-sulat, taga-dikit, at taga-gupit. Masaya ako sa naging kalabasan ng gawa namin namin dahil binigyan namin ito ng effort at oras upang matapos. Sayang lang at late namin naipasa, pero may valid reason naman kami kung bakit kami liban noong araw ng Gawaing Upuan. Kahit na ganoon, masaya pa rin ako sa kinalabasan ng gawa namin at sa nakuha naming score, sa susunod na gawain i-ttry nalang namin ang best namin na huwag na lumiban sa mismong araw at makapag pasa on time upang mataasan namin ang score namin ngayon.

Gawaing Upuan #2

rzvcg2tqm5 — 2025-02-16 12:14:28 UTC

Para sa Gawaing Upuan #2, nalungkot ako nang makita ko ang score ko. Akala ko noong ako’y nagsasagot ay may makukuha akong puntos kahit papaano, kaya ako’y nalungkot. Hindi ko alam kung anong nangyari. Na-gets ko naman ang formula noong ito ay nire-report, pero nang nagsagot na ako, para akong na-blackout.

Noong nagko-compute na ako, ako ay naguluhan dahil kada compute ko, iba-iba ang lumalabas na sagot. Kaya mas lalo akong naguluhan. Nakailang try talaga ako, ngunit kada try, paiba-iba ang sagot na lumalabas. Kaya noong nagbibilang na si Sir para ipasa sa harapan, kung ano na lang ang huling lumabas na sagot at tingin ko’y tama, ayun na lang ang inilagay ko.

Sa buong quarter, dito talaga ako na-disappoint. Kaya pagbubutihan ko na lalo kung sakaling may math ulit para makakuha na rin ako ng mataas na puntos. Sa susunod, mas itatry ko ang best ko na maintindihan at maaral ang formula.

MAHABANG PAGSUSULIT SA EKONOMIKS

rzvcg2tqm5 — 2025-02-16 12:19:50 UTC

Para sa mahabang pagsusulit nakakuha ako ng 22/30, para sa akin ay masaya nako sa score na nakuha ko, lalo na’t may mga iilan akong bagay na nakalimutan habang sinasagutan ito, at isa pa ay hindi ko nasagutan ang essay tungkol sa daloy ng ekonomiya sa likod na parte ng test paper, habang sinasagutan ko to natutuwa ako dahil maraming lumabas dito na naalala ko tungkol sa mga ni report ng ibat ibang groupo ngunit medyo natagalan ako sa pagsagot sa may equation part dahil minano-mano ko ang pagsagot don dahil hindi ko nadala ang calcu ko, buti na ngalang ay medyo maliliit na numero lang iyon ngunit nilaanan ko parin ng oras para isolve, at buti natama ko naman ang mga sagot ko don, para sa akin ang pinaka na lito ako na part ay tungkol sa GNI ngunit ngayon alam ko na ito.

LAGUMANG PAGSUSULIT SA EKONOMIKS

rzvcg2tqm5 — 2025-02-16 12:40:06 UTC

Para sa lagumang pagsusulit sa ekonomiks

nakakuha ako ng kalahati ng score, ako’y hindi nasayahan dito sapagkat mababa talaga ito. May mga na dagdag kasing tanong dito, at hindi ako naka abot sa ibang lesson o reporter dahil sa mga panahon na ito grabe na ang aming preperasyon para sa darating na contest, kaya medyo ramdam ko na talaga na magiging mababa ako dito. Pero ni review ko to upang masagot ko ang periodic test. Sa 4th quarter babawi talaga ako dahil mataas ang percentage nito sa aming grade.

Score

jonalynpontaneles001 — 2025-02-17 15:30:50 UTC

95, 95

Super late submission nak.

Diagnostic Test

rzvcg2tqm5 — 2025-03-19 16:10:17 UTC

Diagnostic Test, kapag may diagnostic test, isa lang ang ibig sabihin nito, nagsimula na ang bagong markahan. Bagong markahan, bagong kaalaman. Ganito lang ang nakuha kong score sa diagnostic test dahil noong sinagot nila ang unang kalahati ng test, ako ay liban dahil may sakit ako at kinailangang pumunta sa doktor. Kaya noong pumasok ako kinabukasan, aware ako na may diagnostic test. Ngunit noong tinanong ko si Sir, sinabi niya sa akin na sa 31 na ako magsisimula. Noong narinig ko ito, nakaramdam ako ng konting lungkot dahil alam ko na agad na mababa lang ang chance kong makakuha ng mataas na score. kaya kalahati lang ng test ang nasagutan ko. Naka dagdag pa sa dahilan ng mababa kong score na hindi ko nasagot ang pinakadulong bahagi ng mga tanong. Nalulungkot ako sa nakuha kong score, pero naiintindihan ko rin naman kung bakit ganito lanh. Dahil kalahati lang ang nasagutan ko. Inisip ko na lang din na umpisa pa lang ito ng huling markahan, at lalawak pa ang kaalaman ko tungkol sa mga bagong topic. Kahit kalahati lang ang nasagot ko, nakakuha pa rin ako ng idea kung ani nga ba ang tatalakayin namin para sa ikahuling markahan.

4TH GRADING

rzvcg2tqm5 — 2025-03-19 16:11:33 UTC

Mahabang Pagsusulit

rzvcg2tqm5 — 2025-03-20 11:45:02 UTC

Para sa mahabang pagsusulit, medyo mababa ang score ko. Hindi kasi ako masyadong nakapag-review, kaya habang wala pa ang student teacher namin, nagreview muna ako sandali. Habang ini-scan ko ang papel at nakita ko ang mga katanungan, natuwa naman ako kahit papaano dahil may mga tanong na pamilyar sa akin. Sa pangalawang pahina ako pinakanahirapan, at wala rin akong naalala tungkol sa ibang ulat ng aking mga kaklase noong mga panahong iyon. Kaya inaamin ko na hinulaan ko lang ang iba roon. Kahit ganoon, masaya pa rin naman ako sa score na nakuha ko. Ipinangako ko na lang na aaralin ko anh mga yon para sa susunod na pagsusulit o ibang gawain, mas malaki na ang kaalaman ko at masasagot ko na ito nang tama.

Scores

jonalynpontaneles001 — 2025-03-20 13:47:54 UTC

100, 100