Bilang isang mag-aaral, mahalagang matutuhan natin kung paano ang daloy ng ating ekonomiya upang mas maunawaan ang mga nangyayari sa ating ekonomiya at magamit ito sa paggawa ng mga desisyon na kung saan ang lahat ng tao ay makikinabang.

Sa paggawa nito, ako ay lubos na nahirapan sapagkat ang aming mga materyales ay kalat-kalat at mahirap idikit ang ibang materyales na aming ginamit. Sa kabila ng lungkot, ako rin ay nasiyahan sapagkat habang ginagawa ito ay kasama ko ang aking mga kaibigan at kami ay tawa nang tawa lamang at nagkekwentuhan. Masaya rin ako sapagkat mataas ang markang aming nakuha at nalaman namin ang mga dapat baguhin at gawin sa paggawa ng peta.

May mga tanong na nasagutan ko nang madali, pero may ilan ding nagpagulo sa isip ko. Dahil dito, natutunan kong kailangan ko pang paghusayin ang aking pag-aaral. Mas lumalim din ang aking pang-unawa sa epekto ng GDP, HDI, at ang papel ng edukasyon at teknolohiya sa ekonomiya. Natutuhan ko rin na kinakailangan nang mas malalim na pag-unawa sa mga isyung pang-ekonomiya dahil may epekto rin ito sa ating buhay at sa kinabukasan ng ating bansa

Pero kung iisipin, mas mahalaga ang pangmatagalang solusyon, tulad ng pagpapatayo ng irigasyon, fish ports, at pagpapatupad ng batas laban sa ilegal na pagtotroso. Hindi ito panandaliang tulong. Masisiguro rin nitong mas magiging maunlad at matatag ang sektor ng agrikultura sa hinaharap.

Bilang isang mag-aaral, narealize ko na hindi lang basta pagtatanim at pangingisda ang agrikultura. Isa itong malawak at komplikadong industriya na dapat bigyang-pansin at suportahan hindi lang ng gobyerno kundi pati na rin ng bawat isa sa atin. Kung gusto nating matiyak na may sapat tayong pagkain at maayos ang kabuhayan ng maraming Pilipino, kailangang pahalagahan at suportahan natin ang ganitong mga proyekto.