Gainera, aurten materia honekin, ezagutzak berriak  ikastea eta baliabide edo teknika ezberdinak ezagutzea espero dut. Horrela, pixkanaka, nire irakasle profila osatzen joango naiz.

Iaz, Lehen Hezkuntza eta Hezkuntza Berezia hastea erabaki nuen nire Curriculuma aberasteko asmoz. Esan beharra daukat Hezkuntza Bereziaren inguruan interes handia nuela, batez ere, gaur egungo ikasgeletan ezaugarri ezberdinak dituzten ikasleak topa ditzakegulako eta beraz, garrantzitsua da niretzat guztiei behar bezala erantzuteko ezagutzak izatea. 

Iazko urtea oso aberasgarria izan zen niretzat, bai arlo pertsonalerako zeina profesionalerako eta aurten ikasgai honetatik ez dut gutxiago espero. Gogo handiarekin nator eta hezkuntza esanguratsuaren bidean, nire motxila ezagutza aberasgarriz betetzen jarraitzea espero dut.

Oihana Imaz naiz, 24 urteko neska donostiarra. Duela 3 urte Haur Hezkuntza (atzerriko hizkuntza) gradua bukatu nuen HUHEZIN. Graduan zehar praktikak Euskal Herrian egiteaz gain, Islandian eta Galesen egiteko aukera izan nuen. Bertan, Haur hezkuntzako gelan ibiltzeaz gain, Lehen hezkuntzako haurrekin ibili nintzen ere, eta esperientzia izugarri gustatu zitzaidan. Horregatik erabaki dut Lehen hezkuntza (atzerriko hizkuntza) ikastea. 

Gradua bukatzean Finlandiara joan nintzen bi urtez ikerketa master bat ikastera. Bertan eskola ezberdinetan praktiketan ibiltzeko aukera izan nuen eta baita haur eskola batean lan egiteko ere.  Oso esperientzia berezi eta aberasgarria izan da. Nire ikerketan haurrek kanpo espazioan izaten duten “risky play” jokabidea ikertu nuen. Horretarako, kanpo espazioak “risky play-erako” ematen zituen aukerak behatu nituen eta baita irakasleen rola eta honek haurren risky playean zuen eragina ere. 

 Eta orain, Lehen hezkuntza ikasteko gogotsu nago. Interes berezia dut kanpo espazioan ematen den ikasketan, hots, naturan.  

Laster arte!!!

 

Ikasgai honetatik, metodo tradizionalak alde batera utzi eta umeentzat esanguratsu zein motibagarriak izan daitezkeen lan egiteko erak ikasi eta praktikan jartzea gustatuko litzaidake. Helburu hau lortze aldera, ikasgaia amaitzerakoan, metodologien egokitasuna baloratzeko gai izan nahi nuke. 

Ni Marta Ortega naiz, 28 urte ditut eta Ordizian bizi naiz. Orain dela 3 urte Haur Hezkuntzako gradua burutu nuen HUHEZIn eta lehengo urtean Lehen Hezkuntza-Hezkuntza Berezia gradua ikasten hasi nintzen. Egun, nire herriko Alotza Udal Haur Eskolan nabil lanean.

Amaitze, materia honen bidez nire hezitzaile-profila osatzea espero dut. Izan ere, gure erronka hezkuntza inklusibo bat lortzea da.

Ni Helena Navarro naiz, 23 urte ditut eta egun Donostian bizi naiz. 

Txiki txikitatik izan dut garbi irakasle izan nahi nuela, zehazki haur hezkuntzako irakasle. Duela bi urte amaitu nituen HHko ikasketak Donostiako EHUko kanpusean, urtebeteko geldialdiaren ondoren Psikomotrizitateko postgrado bat egin nuen Madrilen. 

Jada hori bukaturik buruan zalantza bat hasi zitzaidan bueltaka. Ikasleek HHtik LHra bizitzen duten aldaketa edo saltoa izugarrizkoa dela diote, nola lagun dezaket nik hura errazten? Lehen Hezkuntzako lan metodologien berri izatea laguntzakoa izango delakoan animatu nintzen gradu hau gauzatzera.

Ni Iker naiz. Eibartarra eta 34 urte ditut. Haur Hezkuntzako Gradua atera ondoren Huhezin EKOMU (Hezkuntza testuinguru multikultural eta eleanitzdunetan) masterra egin nuen. Gaur egun Elgoibarko Izarra euskaltzaleen topagunean ari naiz lanean, eskola orduz kanpoko euskara errefortzu irakasle/hezitzaile gisa. 

Ane Ibañez naiz, Zallan, Bizkaia, bizi naiz eta 25 urte ditut. Unibertsitatean biologia ikasten hasi nitzen 18 urterekin, betiere, hezkuntza munduari begira. Hala ere, bigarren kurtsoa bukatuta horrek betetzen ez ninduela asumitu eta HH matrikulatu nintzen. Poz handiz bukatu nuen gradua eta etorkizunera begira, nire formakuntza Hezkuntza Bereziari segi nahi nion. Aukera hau topatu nuen eta oso pozik nago. 

Ikasgai honetan ingurunearen ezaguera modu esanguratsuan nola landu daitekeen ikastea gustatuko litzaidake, esperimentazioa eta ikerketa hezkuntzan oinarri direla uste dut eta bide horretatik lan egitea gustatuko litzaidake. 

Maria Urrutia nauzue eta Elizondon bizi naiz. Elizondo Nafarroa iparraldean dagoen 3.500 biztanle inguruko herria da. 22 urte ditut eta aurten zuen ikasketa lagun izango nauzue.

2014an hasi eta 2018 arte, HUHEZIn haur hezkuntza gradua egin nuen, eta orain, urte betez lehen hezkuntza orokorra egingo dut. Hala ere, ikasten ari nintzen bitartean zenbait tabernetan eta haurrei errefortzu klasean ematen ibili naiz. Gainera, gradua bukatu eta denbora gutxira, ordekazpen motz batzuk egiteko aukera ere izan dut.
Irakasle profila elkarrekin osatzeko gogoz nator, beste bat arte!