nga drejtimet dhe zhvillimet kryesore progresive ndërkombëtare. Politika e arsimit duhët të përmbushë një mori aspektesh dhe detyrash dhe veçanërisht në vende të tilla si Kosova është një element kyç për zhvillimin e mëtejshëm të vendit në një shtet të mirëqenies sociale të bazuar në modelin evropian. Prandaj, është e rëndësishme që të përdoren të gjitha burimet e vendit sa më efektivisht të jetë e mundur. Në masën e njejtë siç nga ekonomia kërkohen punëtorë të kualifikuar për të gjitha nivelet e tregut të punës, poashtu duhet të gjithë të rinjtë - varësisht prej talenteve dhe mundësive të tyre - të kenë mundësinë e integrimit në një treg pune funksional dhe efektiv. Një prioritizim i njëanshëm i disa drejtimeve dhe niveleve të caktuara arsimore, si dhe një ofertë arsimore gjithnjë e më e orientuar drejt ekonomisë private dhe të orientuar në përfitim, shpien pashmangshmërisht dhe qartazi drejtë defiçiteve të mëdha në tregun e punës. Kesisoj do te duhet nje politik qe rregullon këtë problem ne shoqëri.  Politika arsimore e Kosov është përcaktuar me barazi gjuhësore të pakicave, në funksion të këtij realizimi  të barazisë, pakicat gëzojen mjaft privilegje duke filluar nga arsim i ultë e deri te ai universitar.

Fondet e përcaktuara janë të nevojshme për DKA-të për angazhimin e ekspertëve për të ndihmuar shkollat me strategji gjithëpërfshirëse në nivel komunal (p.sh. metodologët, pedagogët socialë).

Ekspertët e tillë mund t'i ndihmojnë shkollat dhe nxënësit individualë për të zgjidhur problemet e përfshirjes, sjelljes dhe këshillimit për krijimin e një mjedisi të sigurt në shkollë dhe mbështetjen për mësimnxënie të suksesshme të të gjithë nxënësve.

Prokurimi i centralizuar i të gjitha pajisjeve dhe punëve shkollore nga DKA-të çon në një proces shumë të ngadalshëm dhe të pasigurt për përmirësimin e infrastrukturës së mësimnxënies në shkollë. 

Duhet të zhvillohen mënyrat për të fuqizuar shkollat për të përdorur buxhetin e tyre për përmirësimin e ndërtesave shkollore, blerjen e pajisjeve arsimore dhe furnizimeve.

Emërimet politike të drejtorëve të shkollave nganjëherë përbëjnë pengesë për zhvillimin e udhëheqjes demokratike dhe kolegiale të shkollës, dhe e gjithë shkolla vuan si rezultat i kësaj. Përkundër faktit që drejtorët e shkollave emërohen nga jashtë, ata duhet t'i nënshtrohen një trajnimi të detyrueshëm për udhëheqjen e shkollës, duke e dalluar një udhëheqës të shkollës nga një menaxher.

 Udhëheqja e përbashkët, angazhimi i mësimdhënësve në qeverisjen dhe zhvillimin strategjik të shkollave është shumë e rëndësishme.

 Ndikimi politik në shkolla duhet të zvogëlohet.

Në procesin e   përpilimit të poltiikave arsimore  tëk ne vazhdon të mbetet sfidë vendimarrja  e cila nuk  bazohet për informata nga terreni dhe pa ndonjë vlerësim të gjendjes paraprake në terren

Në vitet e fundit interesi për ‘lidershipin’ ka rënë dhe për pasojë studimet e lidershipit arsimor janë përhapur. Kërkimet në të gjithë botën po kontribuojnë në një kuptim gjithnjë e më të pasur se si drejtohen dhe menaxhohen institucionet arsimore. Sidoqoftë, është e rëndësishme të pranohet që lidershipi arsimor nuk ekziston në vakum - ai ushtrohet në një kontekst politik, i formuar në mënyrë të vendosur nga vendndodhja e tij historike dhe kulturore. Është e rëndësishme, pra, që studimet e udhëheqjes të pasqyrojnë në mënyrë adekuate këtë mjedis më të gjerë të politikave:

është thelbësore të vendoset studimi dhe analiza e udhëheqjes së shkollës në kontekstin e saj socio-historik dhe në kontekstin e ekonomisë morale dhe politike të shkollimit. Ne duhet të kemi studime të lidershipit të shkollës të cilat ndodhen historikisht dhe të cilat janë sjellë në një marrëdhënie me lëvizjet më të gjera politike, kulturore, ekonomike dhe ideologjike në shoqëri.

(Grace 1995: 5)