နေ့စဉ် တစ်ရက်ကို ခြေလှမ်း၁၀,၀၀၀ လမ်းလျှောက်သင့်သလား။

အဖွင့်စာပုဒ်

"နေ့စဉ်နေ့တိုင်း တစ်ရက်ကို ခြေလှမ်းအရေအတွက် အနည်းငယ်စီတိုးပြီး လျှောက်သွားခြင်းသည် နှလုံးကျန်းမာရေး၊ အရိုးကျန်းမာရေးအပြင် စိတ်ကျန်းမာရေးတို့ကို အထောက်အကူပြုနိုင်ပါတယ်။"

ခြေလှမ်းအရေအတွက် (၁၀,၀၀၀) ဆိုသည်မှာ ကျွန်တော်တို့အားလုံးလက်ခံထားသည့် နေ့စဉ်လျှောက်သင့်သည့် ပမာဏတစ်ခုဖြစ်ပါတယ်။ ဒါပေမဲ့ တကယ်ပဲ ထိုလောက် လျှောက်မှ ကျန်းမာရေးကို အထောက်အကူပြုမှာလားဆိုတာ ပဟေဠိမေးခွန်းတစ်ခုပင်ဖြစ်ပါတယ်။ ထိုမတိုင်ခင် လမ်းလျှောက်သည့်အခါ ခန္ဓာကိုယ် ဘယ်ပုံ အလုပ်လုပ်ခြင်းနှင့် ထိုမှ ရရှိနိုင်သည့် အကျိုးကျေးဇူးများကို ပြောပြလိုပါသည်။ လမ်းလျှောက်သည့်အခါ ခန္ဓာကိုယ်ရဲ့ ခြေထောက်၊ရင်ဗိုက်နှင့် ကျောဘက်က ကြွက်သားများ တစ်ပြိုင်နက်အတူတူ ရွေ့လျားရသောကြောင့် ထိုကြွက်သားများရဲ့ အောက်ဆီဂျင် လိုအပ်ချက်အရ ထိုအနီးတစ်ဝိုက်က သွေးကြောများသည် အောက်ဆီဂျင်ကို ပုံမှန်ထက် ပိုမို ပို့ဆောင်ပေးရသည်။ ထိုသို့ သွေးလည်ပတ်မှု ပိုလုပ်ရသောကြောင့် နှလုံးခုန်နှုန်း မြန်လာသည်ကလည်း နှလုံးကျန်းမာရေးကို အထောက်အကူပြုပါတယ်။ ထို့အပြင် လမ်းလျှောက်ရာမှာ ခန္ဓာကိုယ်တစ်ခုလုံးရဲ့ အလေးချိန်က အရိုးများအပေါ် သွားသက်ရောက်နေသောကြောင့် အရိုးများ ပိုမိုကြံ့ခိုင်လာကာ အသက်ကြီးလာသည်နှင့် အမျှ ဖြစ်နိုင်သည့် အရိုးသိပ်သည်းဆ လျော့ကျလာမှုကိုလည်း ကာကွယ်ပေးပါတယ်။  လမ်းလျှောက်နေချိန်မှာ ဦးနှောက်ကနေ Stress ဟိုမုန်းဖြစ်တဲ့ ကော်တီ့ဆောလ်(cortisol) နှင့် နာကျင်မှုတွေကို သက်သာစေသည့် အင်ဒိုဖင်း(endorphins)ဟိုမုန်းများကို ထုတ်လုပ်နေတာကြောင့် စိတ်ဓာတ်ကျရောဂါနှင့် စိုးရိမ်ပူပန်သောကတွေကို လျော့ကျစေပါသည်။ HongKong ကလေ့လာမှု တစ်ခုအရ လမ်းလျှောက်သွားလာနိုင်သည့် ရပ်ကွက်များ၌ နေထိုင်သူများမှာ အထီးကျန်ဆန်သည်ဟု ခံစားရသူများ နည်းပါးပြီး ဘဝကို ပျော်ရွှင်ကျေနပ်စရာကောင်းသည်ဟု ခံစားရသူက ပိုများသည်ဟု တွေ့ရှိခဲ့ပါသည်။ အပေါ်က ဖော်ပြထားသည့် အကျိုးကျေးဇူးအားလုံးကို နေ့စဉ် ခြေလှမ်း(၁၀,၀၀၀)လျှောက်မှ ရမလားဆိုသည့်မေးခွန်းကို ဘယ်အရေအတွက်လျှောက်လျှောက် ရနိုင်ပါတယ်လို့ ဖြေဆိုနိုင်ပါတယ်။ ခြေလှမ်းအရေအတွက် များလေကောင်းလေ ဆိုသည့်တိုင် တစ်နေ့ကို ကိုယ်လျှောက်နိုင်သလောက်သာ လျှောက်ပြီး နောက်နေ့ကို နည်းနည်းချင်းစီ တိုးပြီးလျှောက်သွားခြင်းဖြင့်လည်း အထက်ပါ အကျိုးကျေးဇူးကို အပြည့်အဝရနိုင်ပါတယ်။

လမ်းလျှောက်ခြင်းဟာ ဘ၀၏အရေးကြီးသောအစိတ်အပိုင်းတစ်ခုဖြစ်သည်။ တစ်နေ့ကို 10k လောက်နဲ့ တစ်လလောက်ဆက်တိုက်လမ်းလျှောက်ပြီး နေတိုင်းလမ်းမလျှောက်ရရင် တစ်ခုခုလိုနေသလိုခံစားရမယ်။ စိတ်အလိုမကျဖြစ်မယ်။ အထီးကျန်နေသလိုမျိုးခံစားရမယ်။

ထိုကြောင့်နေတိုင်းလမ်းလျှောက်ဖ်ို့လိုအပ်ပါမယ်။တစ်နေ့ကို10k လောက်လမ်းမလျှောက်နိုင်ရင်တောင် ၁၅မိနစ် or မိနစ် ၃၀လမ်းလျှောက်သင့်ပါတယ်။ဒါမှကျန်းမာရေး အကျိုးကျေးဇူးအများကြီးရရှိမှာဖြစ်ပါတယ်။ အစာစားပြီးနောက် လမ်းလျှောက်ရန် အလွန်အရေးကြီးပါတယ်။ မနက်စောစောလမ်းလျှောက်ရန် အလွန်အရေးကြီးပါတယ်။ မနက်စောစောလမ်းလျှောက်ရင်သက်လုံကောင်းတယ်။ အသက်ရှည်တယ်။ ရောဂါကင်းတယ်။ လမ်းလျှောက်ခြင်းဟာ အရိုးအဆစ်တွေသန်မာစေပါတယ်။ လမ်းလျှောက်ထွက်ပြီးဘေးပတ်၀န်းကျင်ကိုကြည့်ခြင်းအားဖြင့် စိတ်ကိုကြည့်လင်လန်းဆန်းစေပါတယ်။ အထီးကျန်သလိုမခံစားရတော့ပါဘူး။ လမ်းကိုနေတိုင်းလျှောက်ရင် အ၀လွန်ခြင်းကြောင့်ဖြစ်တဲ့ရောဂါတွေမဖြစ်တော့ပါဘူး။ ကိုယ်ခန္ဓာသွယ်လှလှပနေမှာဖြစ်ပါတယ်။

လူအပြောများနေတဲ့ တစ်နေ့ ခြေလှမ်းတစ်သောင်းက တကယ်ထိရောက်ရဲ့လား

ကျွန်တော်တို့တွေဟာ နေ့စဉ်နဲ့အမျှ ကျန်းမာရေးလိုက်စားလာကြသလို ကိုယ်ခန္ဓာကြံခိုင်ဖို့အတွကိကိုလည်း ပိုပြီးဦးစားပေးလာကြပါတယ်

အားကစားအမျိုးမျိုးတွေထဲကမှ လမ်းလျှောက်ခြင်းကတော့ အသက်အရွယ်မရွေး၊ နေရာမရွေးလုပ်နိုင်တဲ့ အားကစားတစ်မျိုးဖြစ်ပါတယ်

နေ့စဉ်နေ့တိုင်း လမ်းလျှောက်တဲ့အလေ့အကျင့်ကြောင့် ကျွန်တော်တို့ရဲ့ စိတ်ခံစားချက်တွေဟာ ပိုမိုကောင်းမွန်လာနိုင်ပြီး စိတ်ကျရောဂါဖြစ်ပွါးမှုနှုန်းနဲ့ စိတ်ဖိစီးစေတဲ့ဟော်မုန်းတွေကိုလည်း လျှော့ချပေးနိုင်ပါတယ်

သုတေသနတွေအရ တစ်ဘဝလုံး လမ်းလျှောက်လာတဲ့သူတစ်ယောက်ဟာ ကိုယ်အလေးချိန်ကို ထိန်းညှိနိုင်ပြီး ဆီးချိုသွေးချိုရောဂါ၊ ကင်ဆာရောဂါ၊ သတိမေ့ရောဂါတို့ကိုလည်း ကာကွယ်နိုင်တာကို လေ့လာတွေ့ရှိရပါတယ်

ဒီအကျိုးကျေးဇူးတွေရဖို့အတွက် တစ်နေ့ကို ခြေလှမ်းတစ်သောင်း လမ်းလျှောက်တာထက်စာရင် ကိုယ့်ရဲ့နေ့စဉ်ဘဝမှာ လမ်းလျှောက်တဲ့အလေ့အကျင့်ကို ပုံမှန်ကျင့်သုံးနိုင်ဖို့က ပိုအရေးကြီးပါတယ်