SANTIAGO - 💚 Repleksyong Lasalyano by Felicity Jean Santiago

MASID-DANAS

felicity_santiago — 2024-09-26 15:11:14 UTC

Isang isyung mapalaganap sa hindi lang Pilipinas, kundi sa iba’t ibang bansa ang pagpabaya ng mga lokal na wika. Nangingibabaw ang wikang Tagalog sa Pilipinas, ngunit 130 na wika ang umiiral sa bansa tulad ng Cebuano, Ilocano, Hiligaynon, Kapampangan, at iba pa. Dahil itinuring pambansang wika ang Tagalog, ito lamang ang wika na tinuturo sa mga paaralan kasama ang Ingles. Madalas nagiging pagtatalo sa mga kabataan ngayon kung ang mga binanggit na wika ay wika ba o diyalekto. Sa paglimot ng wika ay nawawala ang kultura at kasaysayan. Kailangan natin panatilihin ang pagkakakilanlan ng ating bansa.

SURI-NILAY

felicity_santiago — 2024-09-26 15:13:35 UTC

Dahil hindi kasama sa centralized curriculum ng eskwelahan ang mga Wikang Filipino, hindi natutunan ng mga kabataan ang wika ng kanilang lugar. Natututunan nalang nila ito sa kanilang bahay ngunit hindi ito sapat para maligtas ang wika. Isa pang isyu ay hindi maayos ang pagdodokumento ng mga wika sa Pilipinas at namamatay nalang sa paglipas ng panahon.

TAYA-KILOS

felicity_santiago — 2024-09-26 15:14:51 UTC

Bilang Lasalyano, maaari kong gamitin ang aking boses at plataporma sa paglaganap ng impormasyon at kaalaman sa isyu. Kailangan ng tulong ang nagiging minorya sa Pilipinas, sapagkat nagiging isyu din ito sa trabaho. Pabor ang Ingles at Tagalog sa mga trabaho, madalas nahihirapan makapasok sa industriya ang mga Pilipinong manggagawa. Kaunti ang oportunidad nila makatrabaho sa Metro. Nais ko din aralin ang iba’t ibang wika ng Pilipinas, kahit malaman lang ang mga pagbati. Sa ganitong paraan, lumalakas ang koneksyon ko sa aking kapwa, sapagkat kahit anumang wika ang ating sinasalita, lahat tayo ay Pilipino.