https://padlet.com/7zfv5jpvqf/h6cgq93vh5n4szfv en-us 2023-01-26 03:13:08 UTC 2025-09-26 12:23:26 UTC hello@padlet.com 7zfv5jpvqf https://padlet.com/7zfv5jpvqf/h6cgq93vh5n4szfv/wish/2474571501 2023-02-09 06:57:29 UTC https://padlet.com/7zfv5jpvqf/h6cgq93vh5n4szfv/wish/2474571501 7zfv5jpvqf https://padlet.com/7zfv5jpvqf/h6cgq93vh5n4szfv/wish/2474572006 Lintrodiksion
Radio mèrkal
Yoan: Adié zot tout rant dann ron ék nou dési Radio mérkal.
Zordi nou néna amoin, Yoan zournalis Épi Denis inn marmay la
kour.
Zordi nou va koz dési zistoir tout domoune i koné, in zistoir i fé
lèv kapkap. Granmérkal. Denis bienvenu aou dési nout radio.

Denis: Yoan mérsi pou out lakèy ék out linvitasion. Mi lé
kontan rant dann ron ék zot.

Yoan: Denis di amoin inn ti kou-la pokosa domoune la pèr
Granmérkal ?

Denis: Domoune la peur Granmèkal akoz  kan nou té ti  nout bann parant té i di anou li té i vien ral dési nout pié si nou té i vé pa dormi. 
Souvandéfoi, pou fé pèr anou nout bann paran té i fé sanblan
réspir derièr la port épi mèm tan té i grafine ali. Kank nou té i
antan sa nou té i rant sou kouvèrt apré nou té i férm nout dé zié. Kroi moin-sa lété pa in ti réspirasion.

Yoan: Tonèr-d'bréz ! Té kome sa mèm té i fors azot dormi mi
konpran bien poukosa té gingn soméy an-katrièm vitès.

Denis: Té pa rienk sa in ! Mon mémé té i fé lo mèm zafér. Ansanm li té i fé plis mont kapkap ankor akoz li navé in bon laz épi son voi té paréy in sorsièr.

Yoan: É bin zot mémé té i fé pèr oté ! Alor kosa ou néna ankor pou rakont anou la ?

Denis: Yoan ! Mounoir ! Lo soir apré sizèr-la ! Nou té i antan in léspès zoizo kriyé.

Yoan: In zoizo ? Kèl kalité zoizo i kriy lo soir ?

Denis: Zoizo Toutout ! Ali mèm sa ! Plito bébèt Toutout.
Yoan: Koné pa sa moin !

Yoan: Anfèt pou bébèt Toutout domoune té i di Granmèrkal té in madame lavé zèt son kor dann Saint-Pierre akoz domoune la tué son zanfan é sé akoz sa li la transformé.

Denis: Yoan ! Pou in moune té veu konèt zistoir Granmèrkal-la ou koné in bonpé shoz. É donk oui ! Askiparé sé sat la arivé. Mésoman ou la oubli di in linformasion.
Yoan: Kèl zinformasion ?

Denis: Ou la oubli di konmsa avan zét son kor li navé in ti-tanbi épi domoun la tué ali. Aprésa son shagrin la pèt an-flèr épi li la fini par jèt son kor. Pou fini, pou vanz ali li la transform an-in bébèt zoizo ousa tout demoune la vi dann bann bèl kap niaz é lo soir li té fé son kabar pou ral tout marmay.

Yoan: Bin mounoir ! Pérsone la rakont so bout parti zistoir-la  Antouléka Denis mérsi pou out lintérvansion.

Denis: Mérsi ankor pou lo pansé.

Yoan: Dalon dalone, kamarad kamaron mi remèrsi pou zot lékout dési Radio Mérkal. Pou sat lé nouvo zot i rotrouv nout lémision dési la paz Collège Edmond Albius. Alé nou artrouv. ]]> 2023-02-09 06:58:08 UTC https://padlet.com/7zfv5jpvqf/h6cgq93vh5n4szfv/wish/2474572006