(Hutchison, Beschorner og Crawford, 2012; Ekberg og Shang, 2018; Uluyol og Sahin, 2016).

Einnig hafa verið gerðar rannsóknir á notkun hugtakakorta og ritun með spjaldtölvum. 

Í Istanbul var gerð rannsókn á 81 nemendum á aldrinum 11 - 12 ára. Markmiðið með rannsókninni var að kanna hvort hugtakakort hjálpuðu nemendum að skipuleggja og skilja námsefni sitt betur. Samanburðarhópur var í sama námi en vann ekki með hugtakakort. Niðurstöður sýndu að nemendur sem notuðu hugtakakort  áttu auðveldara með að taka niður minnispunkta í gegnum hugtakakort og viðhorf til náms var betra en hjá samanburðarhópnum sem ekki notaði hugtakakort (Akinoglu, O. og Yasar, Z. 2007). 

Í grunnskóla á vesturströnd Bandaríkjanna var gerð rannsókn á þýði með 30 nemendum, rannsóknin stóð yfir í 9. vikur.  Markmiðið var að rannsaka hvort spjaldtölvur gætu hjálpað nemendum í sögugerð eður ei. Settir voru upp samanburðarhópar þar sem helmingur nemenda fékk spjaldtölvur en hinir skrifuðu sögur á blað. Að loknu verkefni höfðu nemendurnir með spjaldtölvurnar sýnt mun meiri árangur í sögugerð, notuðu ríkulegri orðaforða og voru duglegri að virkja ímyndunarafl sitt (Lynch, 2017).

Þetta eru vissulega ekki margar eða mjög stórar rannsóknir en þær gefa til kynna ákveðnar vísbendingar um gagnsemi spjaldtölva í kennslu.