“موقف بسيط… غيّرني” by روان سعود

2025-05-20 19:38:17 UTC

موضوع ان تمدحين شخص غريب عنك جربته كم يوم امدح البنات بالجامعه بالزيارات اي مكان واحس بشيء ايجابي لما ينبسطون مررره ويشكروني وطبعا بدا الموقف لما وحده مدحت شعري وانا كاررهه الدنيا ونقطه واصيحح يا اني استانننستتتت😭😭😭😭🤍

2025-05-20 20:14:22 UTC

كنت بالمدرسه اشوف وحده تساعد الكل والبنات كان يعجبهم هالشي ويمدحونها بعدين صرت اسوي مثلها ولازلت اساعد البنات صارت عاده فيني

2025-05-20 20:59:18 UTC

أنا من النوع اللي دايم أتوقع الأسوأ في كل شي يصير لي، أقول لنفسي “ما أبي أرفع سقف أملي وأتحمس وبعدين أنصدم” وسبحان الله كل مرة أتوقع فيها شي سلبي، فعلاً يصير! لين يوم من الأيام لاحظت أختي الكبيرة إنها عكس كذا تمامًا، دايم متفائلة، تتكلم وكأن الشي اللي تبيه بيصير غصب، وعندها يقين غريب إنها تقدر توصل لأي شي تبيه والمفاجأة؟ إن كل اللي تقوله يتحقق! فجلست معها وقلت: “ما شاء الله، ياليت حظي مثل حظك”، وضحكت وقالت لي كلمه علّقت في بالي من وقتها: “أقداركم تؤخذ من أفواهكم”

هالكلمة وقفتني، خلّتني أعيد حساباتي، يمكن فعلاً إحنا اللي نرسم طريقنا بكلامنا، بتوقعاتنا، وبنظرتنا لأنفسنا من يومها وأنا أحاول أغيّر طريقة تفكيري، أحاول أقول لنفسي كلام زين، حتى لو لسا قلبي ما صدّق، بس يمكن مع الوقت يتغيّر كل شي يمكن فعلاً ربّي يعطيني على قد ظني فيه والحمدلله من بعد ما صرت اتفائل في نفسي وأحسن ظني بالله وأنا كل أمر بحياتي يتيسر رغم كل التعقيدات اللي فيه

2025-05-20 21:34:39 UTC

لاحظت جدتي تفتح المصحف وتقرا وردها اليومي بعد صلاة الفجر، بشكل هادئ مرا حتى لو كانت تعبانه او يومها مزدحم .. كانت تخصص وقت

مع الوقت بديت اقرأ صفحتين من القران .. لان المشهد رسخ ببالي ولامسني بعد

صار عندي دافع داخلي اني اقلد هذا السلوك

تعلمت بدون شرح او امر من احد لي

لكن الدافع الداخلي كان الرضا عن النفس ورضا الله

2025-05-20 21:35:58 UTC

كنا بثالث ثانوي وكانت صاحبتي قريبة مني بشكل مو طبيعي كنا دايم مع بعض نضحك على كل شيء ونسولف ونقعد نتكلم عن كل المواضيع اللي تخطر على بالنا حتى التافهة منها كنا نحب نضحك ونسوي جو بس مع الوقت بدأت ألاحظ عليها شيء غريب صارت ساكتة أكثر ما تتكلم كثير زي أول صارت تحب تقرأ كتب عن تطوير الذات وتحط اقتباسات في الستوري وتتكلم بطريقة مرة رايقة كنت بالبداية أضحك واقول وش ذا الجو الفجأة بس لما صرت أراقبها أكثر حسيت إنها فعلاً تغيرت صارت ما ترد بسرعة إذا أحد استفزها صارت تختار كلامها حتى معي إذا صار بينا موقف ما ترفع صوتها ولا ترد بنفس طريقتي بالعكس كانت تسكت وتتكلم بعدين بكل هدوء وكنت كل مرة أقول فيني أرد عليها بطريقة عنيفة زي قبل بس شيء فيني ما صار يرضى صرت أتأثر فيها بدون ما أحس صرت أقلدها شوي شوي مو تقليد واضح بس صرت ألاحظ نفسي أكثر أراجع ردودي أفكر قبل ما أتكلم حتى صرت أهدى مع الناس لما يضايقني شيء ما أتهور ما أرد بسرعة أنام وأصحى وإذا للحين مضايقني أتكلم بهدوء ومو بس أنا اللي لاحظت حتى البنات صاروا يقولون لي إني تغيرت وإن أسلوبي صار ألطف وأنا وقتها استوعبت إنه مو لازم أحد ينصحك بكلام كثير عشان تتغير أحيانًا بس تتعلم من طريقة شخص قريب منك وتشوف كيف حياته أهدى ومشاعره أرتب وتقول بينك وبين نفسك ودي أكون كذا وفعليًا تبدأ تتغير من غير ما تحس ولا تتعب نفسك بس لأنك شفت قدامك مثال حي على الهدوء اللي تبغى توصله

2025-05-20 21:45:29 UTC

مرة شدني المقطع حسّيت إنه لمس شي داخلي دايم تجينا أفكار تحبطنا وتقول لنا إننا مو كفو أو بنفشل بس لما تفكر فيها كأنك بمحكمة تقدر ترد بقوة أنا سويت، أنا حاولت، أنا قدرت

صرت أؤمن إن إنجازاتي هي أقوى حجة ضد أي صوت يحاول يقلل مني، حتى لو كان من نفسي

تعلمت التكنيك والحركة وطبقتها ومره فادتني ✨