unpaz.tl

PAPEL ORGANIZASAUN INTERNASIONAL UNIAUN EUROPEIA BA APOIU SETÓR AGROFLORESTA IHA TIMOR-LESTE

Selia Ferreia

Objetivu husi peskiza ida ne‟ e atu explora klean kona-ba “Papel Organizasaun Internasional Uniaun Europeia ba Apoiu Setor Agrofloresta iha Timor-Lete”. Timor-Leste núdar nasaun ne‟ ebé foin moris iha siklu 21 iha ne‟ ebé hola parte mós iha prosesu dezenvolvimentu ne‟ ebé mak avansadu no drástika. Prosesu ne‟ ebé avansadu lori mós efeitu ba sociedade humana iha aspetu sira hanesan: Ekonomia, Sosial, no kultural. Husi atividade humana no dezenvolvimentu kauza mós impaktu negativu ba ambiente no ba humana rasik, mak hanesan mudansa klimatika ne‟ ebé halo bai loron naruk, rai maran, bee menus, ai-horis no animal sira mate, menus produsaun no aihan, no menus diversidade ekonomia Teoria ne‟ ebé uja hodi esplika fenomena sira ne‟ ebé akontese mak: Teoria Papel, organizasaun internasionál, kooperasaun internasional, no prinsipiu sira, no agrofloresta. Métodu peskija ne‟ ebé uja iha peskija ida ne‟ e mak Kualitativu Deskritivu. Iha prosesu rekolla dadu sira peskijador uja tekniku observasasun, intervista no dokumentasau, no tekniku ne‟ ebé uja hodi analiza dadu maka bazeia ba interactive model husi Miles no Huberman (1984) ne‟ ebé kompostu husi komponenete haat mak hanesan: data collection, data reduction, data display, no conclusion.

Rezultadu husi peskiza hatudu katak Agrofloresta núdar sistema jestaun ai-horis no balada sira (perenial) ne‟ ebé mak kombinadu ho agrikultura ka hatemi sistema agrokóla. Prátika agrofloresta ne‟ e hala‟ o ona iha Timor-Leste hahú kedas husi bei-ala sira nia tempu ho tipu kombinasaun oinoin entre agro no forest, entretantu iha Munisipiu Viqueque ne‟ ebé prátika kombinasaun kuda aioan no hakiak animal, iha Ermera ne‟ ebé kuda café no ai-horis ne‟ ebé bele reziste ba tempu naruk no inklui mós iha munisipiu sira seluk iha teritoriu Timor-Leste. Alem de funsaun ekonomia núdar objetivu fundamentu ida hodi apoiu rendimentu ekonomia familiar, agrofloresta mós iha papel importante hodi proteje funsaun hidrolojia liu husi prosesu intersepsaun udan been, reduz infiltrasaun no drainazen bee nian. Iha asuntu konservasaun, agrofloresta iha papel hodi hamatak rekursu jenétika ai-horis sira, fó mahon no moris ba balada sira, konserva rai no bee no proteje balansu biodiversidade.

researchgate.net

Ukun rasik an, dezenvolvimentu no prosesu harii paz Indíjena iha Timor-Leste

Sophia Close

Understanding Timor-Leste 2015: The Local, the Regional and the Glocal, 48-53, 2016

Agora dadaun iha mundu tomak eziste povu Indíjena liu millaun 370. Tanba aktivismu internasionál durante tinan naruk mak Nasoens Unidas aprova tiha ona Deklarasaun kona-ba Direitu Povu Indíjena ne’ebé aprova husi Assembleia Jerál iha 2007. Deklarasaun ida ne’e rekoñese povu Indíjena ninia direitu ba ukun rasik an hanesan parte ida husi ema hotu-hotu ninia direitu atu kontrola rasik nia dezenvolvimentu ekonomiku, sosiál no kulturál. Deklarasaun ida ne’e hateten katak dezenvolvimentu nu’udar dalan ida hodi implementa direitu ida ne’e ho paz no sustentabilidade. Agora dadaun iha mundu tomak ita gasta osan billaun ba billaun ba intervensaun dezenvolvimentu ba nasaun sira ne’ebé seidauk dezenvolvidu. Maske nune’e intervensaun hirak ne’e seidauk atinje sira nia rezultadu. Peskizadór barak, inklui husi Easterly (2006), Kothari no Minogue (2002), Moyo (2009), Rihani (2002), Ramalingam (2013), Sen (1999) halo mos peskiza kona-ba prosesu dezenvolvimentu ne’ebé la efetivu. Seluk tan, hanesan Anderson (1999), Collier (2007), Chand no Coffman (2008), Richmond (2005; 2015), Westoby no Dowling (2009) mós hateten katak iha ligasaun entre dezenvolvimentu ne’ebé la efetivu no kresimentu violénsia no konflitu iha mundu. Hau nia peskiza investiga asuntu hirak ne’e iha Timor-Leste. Maske ema Timor-Leste la dun uza linguajen ‘Indíjena’hodi identifika-an peskizadór lubuk ida, hanesan Babo-Soares (2004), Cabral (2002), da Silva (2012), Trindade (2008, 2013), Ospina no Hohe (2002) no Tobias (2012) hateten katak iha duni ligasaun entre ema Timor-Leste ninia esperiénsia luta no konseitu ‘Indíjena’. Tuir hau nia peskiza rasik mos hateten katak ita bele haree katak konseitu Indíjena eziste duni iha Timor-Leste tanba ita bele haree sistema matenek lokál ne’ebé forte tebes no mós tanba kategoria Indíjena hotu ne’ebé Nasoens Unidas identifika bele mós aplika ba povu Timor-Leste. Hau nia peskiza hatudu katak konseitu Indíjena fó dalan ida hodi ita bele komprende di’ak liu tan asuntu ukun rasik an no violensia iha Timor-Leste.

Timor-Leste nu’udar sosiedade Indíjena ida ne’ebé frajil no foin husik konflitu. Timor-Leste iha istória kolonializmu, konflitu no violénsia ne’ebé naruk tebes. Dezde votasaun ba ukun rasik an iha tinan 1999 (ne’ebé suporta husi Nasoens Unidas) nasaun Timor-Leste hetan mós impaktu husi projetu dezenvolvimentu oin-oin. Projetu hirak ne’e iha impaktu oin-oin ba nasaun Timor-Leste, impaktu balu ne’ebé di’ak no balu ne’ebé la dun di’ak. Tuir La’o Hamutuk (2010: 10) katak husi tinan 1999 to’o iha tinan 2009 Timor-Leste simu osan maizumenus US billaun $5.2 husi ajensia dezenvolvimentu internasional. Maske simu osan to’o billaun $5.2 tuir La’o Hamutuk katak so 10% mak konsege to’o iha Timor-Leste ninia ekonomia rasik. Durante tinan hirak ne’e indikadór sira ba saúde, edukasaun, infrastrutura no governasaun aumenta neineik maibé iha tinan 2013 populasaun 38.7% hela nafatin iha pobreza laran (UNDP, 2013). Hau nia peskiza ninia objetivu hodi komprende di’ak liu tan oinsá sistema dezenvolvimentu husi rai li’ur ne’ebé agora implementa hela iha Timor-Leste impaktu ba ukun rasik an Indíjena Timor-Leste nian.