Dalawang taon na nang magsimula ang pandemyang Covid, iba-iba na ang mga naging variant nito, nitong huli ay tinawag na Omicron variant.  Madami pa rin ang mga nahahawa dahil kulang ang lahat sa pag-iingat.  Ito ang mga paraan para makaiiwas tayo sa pagkalat ng sakit dulot ng Omicron.  Una ay dapat tayo ay magsuot ng maayos na facemask, ito marahil ang minsan na naging pagkukulang ng marami sa atin.  Marami sa mga tao ang hindi wasto sa pagsuot ng kanilang facemask.  At kung maaari ay pwede pa rin magsuot ng maayos na face shield.  At maghugas palagi ng mga kamay lalo na bago kumain.  Palaging mag-alcohol o hand sanitizer upang mapanatili na malinis ang ating mga kamay.  Umiwas palagi sa mga matataong lugar.  Magdistansiya sa mga tao, panatiliin ang distansyang dalawang metrong layo sa tao.  Kumain ng masustansiyang pagkain araw-araw.  Matulog ng sapat tuwing gabi.  Madalas na pag-ehersisyo.  Magsanitize ng bahay at gamit. Magpabakuna upang makaiwas sa malalang epekto dulot ng Covid19.  Palaging magrosaryo at magdasal sa Diyos kasama ang pamilya.  Maaaring ito gawin para makaiwas sa sakit na dulot ng Omicron.

     Dalawang taon na ang nakalipas magmula ng masimula ang pandemya, madami parin sa atin ang nahahawa ng sakit dulot ng Omicron.  Minsan ay nakapagtataka kung bakit patuloy pa din ang pagkalat ng sakit na ito.  Kaya narito ako para sabihin ang mga paraan para maiwasan natin ang sakit na Omicron. Laging isuot ng maayos ang facemask at kung maaari ay mag-suot din ng face shield lalo na sa mga kulob na lugar.  Maghugas ng kamay ng dalawangpung segundo.  Magdistansya ng dalawang metro sa mga tao.  Umiwas sa mga matataong lugar.  Kumain ng masusustansyang pagkain.  Matulog ng sapat araw-araw.  Madalas na pag-ehersisyo.  Magpa-araw lagi sa umaga.  Magsanitize at maglinis ng bahay. Magpabakuna sa malalapit na pasilidad para maiwasan ang mga malalalang epekto na sanhi ng Covid. Mag-dasal palagi sa Diyos dahil ito pa rin ang pinakamabisang sandata sa sakit na Omicron.  Ito po ang mga paraan na pwedeng gawin upang makaiwas sa sakit na dulot ng Covid na Omicron.

       Ang Omicron ay isa ring variant ng Covid-19 tulad ng Delta. Mayroon rin itong mga kahalintulad na epekto sa pangangatawan ng tao, subalit ito ay mas mabilis na kumalat kumpara sa mga naunang variant. Ang karaniwang sintomas nito ay pananakit ng lalamunan o sore throat, nasal congestion, dry cough at pananakit ng iba’t ibang bahagi ng ating katawan. Atin itong maiiwasan kung tayo ay magtutulungan.

       Maraming paraan para tayo ay makatulong sa paghinto ng paglaganap ng Omicron Virus na ito. Ilan sa mga ito ay ang palagiang paghuhugas ng kamay. Manatili tayo sa loob ng ating bahay at huwag lumabas kung hindi naman kinakailangan. Kapag tayo ay lalabas ng ating tahanan maging handa tayo, palaging magsuot ng facemask at magdala ng alcohol. Iwasan nating pumunta sa matataong lugar at mga pagtitipon, at palagiang panatilihin ang social distancing.

       Ang bakuna ay isa sa pinakamatagumpay at mabisang programa na inilunsad ng ating pamahalaan laban sa Covid-19 (Omicron). Atin itong suportahan upang mas mapabilis ang pagsugpo natin sa Omicron virus na ito. Ito ay ipinamimigay ng ating pamahalaan ng libre kaya tayong lahat ay walang dahilan upang ito ay iwasan. Mas malaki ang pakinabang nito sa ating katawan kumpara sa mga posibleng negatibong epekto nito. Ating samantalahin ang mga mabuting idudulot nito sa ating katawan, pamilya at pamayanan. Magpabakuna at gawing malakas at malusog ang ating katawan para sa masayang kinabukasan. Mas mabisa kapag nagkakaisa.

Sa panahon ngayon tayo ay nakakaranas 🤬 ng pagtaas ng kaso ng Covid 19 na may variant na Omicron. Napakabilis nitong kumalat kaya dapat tayo sumunod sa gabay ng pamahalaan mula sa Departamento ng Kalusugan. Una, mahalagang umiwas o huwag ng pumunta sa mga maraming tao tulad ng salo-salo o party, pagtitipon ng iba’t ibang aktibidad, iwasan ang Mall o pamilihan kung saan napakadaming tao.  Iwasang makipag usap ng malapitan dapat ay maglagay ng distansya, panatilihin ang 1 metro ang layo sa ibang tao at parating magsuot ng proteksyon sa mukha o  face mask.   Iwasin din ang pagpunta sa mga kulob na lugar o sarado at walang hangin tulad ng sinehan, pasilidad para sa sportsat iba pa.  Kung maaari tayo ay dun lang sa lugar na kung saan bukas ang bintana at pintuan kung saan dumadaloy ang hangin. 

Importante rin na tayo ay maglinis ng ating kapaligiran. Panatilihin nating malakas ang katawan kumain ng mga tamang pagkain at masustansya na magbibigay lakas sa ating katawan.  Magpa-araw at mag-ehersisyo upang mapanatili nating masigla ang katawan at isip. Kailangan malinis ang buong katawan, pananamit at patuloy na naghuhugas ng kamay. Lagyan din ng proteksyon ang aking mukha at magsuot ng mask lalo na paglalabas ng bahay o kwarto. 

Ating ingatan ang sarili at ating kapamilya sa pamamagitan ng patuloy na pag-iingat dahil hindi pa lubos nawawala ang Covid 19 sa mundo. 

     Patuloy pa din po ang paglaganap ng COVID-19 sa ating bansa at sa buong mundo.  Ngayon po ay may bago na naming variant, ang Omicron.  Ito po ay mas higit na nakakahawa kaya mas lalo po tayong dapat mag-ingat.  Narito  po ang mga kailangan nating gawin para po makaiwas tayo sa pagkalat ng Omicron at hindi po tayo mahawa sa sakit. Lagi po tayong maghugas ng ating mga kamay. Kung maari po ay lagi  tayong manatili sa loob ng ating mga bahay. Kung lalabas naman po ng bahay, lagi po tayong magsuot ng face mask at face shield at isuot po ang mga ito sa tamang paraan. Panatilihin din po ang social distancing. Lagi po tayong maligo para po malinis ang ating katawan. Lagi po tayong kumain ng masustansyang pagkain at uminom ng bitamina para lumakas po ang ating resistensya. Lagi po tayong matulog sa tamang oras at laging mag-ehersisyo para po sa malakas na katawan. Mahalaga din po na alam natin ang mga sintomas ng Omicron para pag may naramdaman po tayo ay magpatest po agad at mag-isolate po.

 
     Isa pong mahalagang proyekto ng ating pamahalaan sa pangunguna ng Department of Health ay ang pagbibigay ng libreng bakuna para sa lahat ng mga taong nasa tamang edad. Nagsimula po ang proyektong ito para sa mga may gulang na 18-pataas at sinundan ng mga edad 12-17. Nagsimula na din po ang pagbabakuna sa mga batang may edad 5-11. Mahalaga pong makiisa tayo sa proyektong ito ng pagbabakuna dahil ito po ay magbibigay ng proteksyon sa ating sarili, sa ating pamilya at sa lahat ng tao sa ating paligid. Mahalaga din pong magpa-booster shot ang mga tao para sa dagdag na proteksyon laban sa sakit. Ito po ay libre. Hindi po tayo dapat matakot sa bakuna dahil ito po ay makakabuti sa ating sarili, sa ating pamilya at sa lahat ng mga mamamayan sa ating bansa. Ginagawa po ng ating pamahalaan ang kanilang makakaya para sa ating kaligtasan, kaya tayo po ay dapat makiisa sa proyektong ito.  

      Sa pagtutulungan po ng pamahalaan at ng lahat ng mga tao, malalampasan din po natin itong pandemyang ito.  Lagi din po tayong magdasal sa Diyos para po sa ating proteksyon at sa kaligtasan ng lahat ng mga tao. Maraming salamat po! 

Pamilya ay ingatan;
COVID-19 ay labanan!

            Sa kasakalukuyan panahon, naitala na rin sa Pilipinas ang 2 kaso ng Omicron Variant ayon sa DOH noong Nobyembre 30, 2021 ng dumating ang isang Pinoy at isang Nigerian na tinamaan ng nasabing virus. Kaya naman agad na nagsagawa ng contact tracing ang Kagawaran ng Kalusugan upang masubaybayan ang dalawang tao na nag positibo sa nasabing virus.

            Bunga nito, muling nag higpit ang mga kinauukulan upang malabanan ang virus. Naibalik sa Alert LeveL 3 ang Lungsod ng Maynila mula Enero 3 hanggang 15. Subalit sa patuloy na pagtaas ng bilang ng mga kaso ay mas pinahaba pa ang pagkakalagay sa nasabing sitwasyon ng lugar hanggang sa katapusang ng Enero taong kasalukuyan.

 Kaya naman mahigpit na pinapa-alalahanan ng pamahalaan ang mga mamamayan, na sumunod sa mga patakaran at alituntunin na ipinatutupad.    
            Dahil sa mabilis na pagkalat ng Omicron Virus may mga paraan na dapat natin malaman at sundin upang tayo ay makaiwas sa sakit na dulot nito. May mga inilunsad na mga alituntunin at patakaran ang pamahalaan tungkol dito. 

            Gaya na lamang ng pagpapanatili ng kalinisan o madalas na paghuhugas ng kamay gamit ang sabon.
             Kumain ng masusustansiyang pagkain tulad na lamang ng mga gulay, prutas at pag inom ng bitamina. 
             Palakasin ang pangangatawan sa pamamagitan ng pag eehersisyo at pagtulog sa tamang oras. 
             Pagsusuot ng mask at pag lalagay distansiya sa mga tao kapag nasa pampublikong lugar. 
             Kung may sakit o karamdaman manatili lamang sa bahay. Kapag may lagnat, ubo, at hirap huminga agad magpasuri. 
             Magpa-bakuna ng booster shots upang malabanan at maprotektahan ang ating mga sarili laban sa nasabing virus. 
              Maiiwasan natin ang pagkalat ng sakit na dulot ng Omicron kung ito ay ating gagawin at tayo ay magtutulungan.