-     Јаболко: се става десната рака над главата

-     Јагода: се вкрстуваат рацете преку градите

-     Круша: благо се наведнува телото нанапред

Ако некој направи некое друго движење, излегува од играта на тој начин што си седнува на своето столче. Соодветното движење треба да го направат учениците додека наставничката чита приказна во која се споменуваат трите овошја. Активноста продолжува се додека не останат две-три деца.

ЦЕЛ НА АКТИВНОСТА: Преку игра, паралелно со учењето на правилата, кај учениците се развиваат и вниманието, концентрацијата, координацијата и моториката. Со почитување на правилата, сите се чувствуваат безбедно и сигурно.

-     Читање на податоци од табели и дијаграми (пита, столбест, линиски).

-     Избирање на соодветен дијаграм за прикажување на податоци.

-     Толкување на податоци и донесување заклучок.

-     Развивање комуникациски и меѓуученички вештини.

-     Развивање на критичко мислење. 

Учениците се поделени во 3 групи и со решавање на активности зададени преку алатката се соочуваат со проблемски ситуации од работа со податоци. Како доказ за решавање на проблемот, прикачуваат фотографија или кратко видео. На крајот од активноста ги презентираат добиените резултати.

1.        На часот по математика, наставникот ви дава квиз. Едно другарче упорно ги кажува одговорите наместо тебе. Како се чувствуваш? Што ќе направиш во врска со ситуацијата?

2.        На часот по ликовно, додека црташ, другарчето до тебе ја поттурнува клупата и врз цртежот се истура вода. Како се чувствуваш? Што ќе направиш во врска со проблемот?

3.        Додека сте на часот по физичко, во фискултурната сала, другарчето упорно те турка и не ти дозволува да ја направиш вежбата правилно. Иако го кажуваш на наставникот, сепак тоа продолжува. Како се чувствуваш? Што ќе направиш во врска со проблемската ситуација?

4.        Веќе некое време една другарка од твоето одделение постојано ти дава прекари кои не ти се допаѓаат. Иако си и кажала дека не ти се допаѓа, сепак продолжува. Како се чувствуваш? Што ќе направиш во врска со ситуацијата?

5.        Другарчето до тебе ти бара боичка. Му даваш, но тоа не ти ја враќа, туку напротив ја фрла. Му велиш да ти ја врати боичката, но тоа само се смее. Како се чувствуваш? Што ќе направиш во врска со проблемот?

Учениците од групата дискутираат за проблемот кој е поставен пред нив, ги искажуваат своите искуства и ставови за дадената ситуација и се обидуваат да најдат решение на проблемот. Учениците работат заедно, си помагаат, поттикнуваат, го почитуваат и вреднуваат мислењето на останатите членови во групата.

Откако сите групи ќе бидат готови, се прави презентација. Секоја група ја презентира својата проблемска ситуација и ги искажуваат своите мислења, ставови и начинот на кој дошол до решавање на проблемот. Останатите ученици внимателно слушаат, следат и даваат дополнителни предлози за слични или различни решенија.

Целта на активноста: Развивање на емпатија кај учениците, поистоветување со туѓите чувства, односно што чувствува другиот и како да се справиме со се што ни се случува.

-Да се зајакне самодовербата кај учениците.

- Да развијат свесност за меѓусебна поддрршка во училишната      заедница.

- Да можат сите ученици со типичен и атипичен развој да учат на ист начин и да добијат исти можности за прифаќање на добри модели за позитивен развој во училиштето.   

- Да ги прифатат туѓите недостатоци и да се стекнат со толеранција.

- Да се реализира активност на различен начин, без оглед на недостатокот кај учениците.

Вовед на активноста

Дискусија со примери:

„Што значи да бидеш поддршка за другите?“;

„Кога некој последен пат ви помогнал?“;

„Како сте се почуствувале во таа ситуација?“.

Игровна активност - „Комплетен круг“

Учениците седат во круг, секој ученик кажува убав збор или квалитет за ученикот до него, во ова учествуваа и двајца ученици со посебни потреби.

Цел на активноста : Секој да слушне нешто позитивно за себе.

Активност: „Мојата супер моќ“

Секој ученик има празен лист хартија и на него пишува свои силни страни. Секој ги чита, и ги  лепат своите „супермоќи“ на заеднички постер.

-    Развиваат вештини за критичко размислување и споредување информации,

-    Развиваат креативност, креирање сопствени изработки (слики, видеа, презентација, мапи...),

-    Соработуваат и комуницираат во групи,

-    Го поврзуваат теоретското знаење со сопствените искуства за кои учењето станува релевантно.

Учениците се поделени во мали групи од 5-6 ученици. Секоја од групите добави исти задачи кои се поставени на апликацијата Goosechase. Задачите се поделени различни нивоа и за нивно решавање потребни се длабоко размислување и интердисциплинарен пристап кон учењето.

Диференцирани цели: Учениците можат самостојно да ги креираат сопствените задачи што влијае на нивната самодоверба и ангажман, самостојно го одредуваат темпото на решавање на зададените задачи и самостојно одредуваат кои задачи ќе ги решаваат.

-    Запознавање со поимите стрес, релаксација и медитација и нивната поврзаност со менталното и физичкото здравје;

-    Познавање и практикување основни техники на релаксација (како длабоко дишење, прогресивна мускулна релаксација и медитација);

-    Развивање на вештини на саморегулација и внатрешна смиреност, и нивна примена во стресни ситуации;

-    Развивање на свесноста за своето тело и дишење, преку практична примена на кратки медитативни вежби;

-    Поттикнување на редовна и самостојна примена на техниките во секојдневието.  

Рефлексија кај учениците

1. Што научив денес?
„Денес научив како да го следам своето дишење и како тоа ми помага да се смирам кога сум вознемирен/а.“

2. Што ми беше најинтересно?
„Најмногу ми се допадна кога правевме вежби со затворени очи и слушавме инструкции, тоа ме опушти многу.“

3. Како можам да го користам ова што го научив?
„Мислам дека ќе ја користам техниката на длабоко дишење кога ќе сум вознемирена на училиште, особено пред тест.“

4. Моето тело и дишење после вежбите?
„Се чувствував порелаксирано, а дишењето ми беше поспоро.“

На крајот од часот, повторно беше применета техниката на медитација. Овојпат на учениците им беше посочено да најдат удобна положба на телото, седнати на столчињата, да ги затворат очите и да замислуваат. Наставникот кажува упатства бавно и со паузи.  На тој начин на учениците им се даде можност да го искусат тоа кое што им се зборува. Откако заврши активноста, учениците се чувствуваа опуштени, релаксирани, смирени и со позитивна енергија.

Материјали за работа: дрвени стапчиња и пластелин.

 Во текот на активноста:

-    Што мислите, дали ќе успеете да изградите највисока кула?

Ќе се потрудиме да го направиме тоа.

-    Како треба да изгледа основата за кулата да биде стабилна?

Може да ја направиме од помалите стапчиња.

-    Како ќе постигнеме стабилност и висина?

Ако на основата поставиме триаголници, а подолгите стапчиња ги оставиме за крај.

-    Зошто еден дел од кулата се растури?

Затоа што не го применивме правилото што го воочивме претходно.