Ég tel líka alltaf á dönsku þar sem ég lærði stærðfræði þar (sem barn) 😊Er þó að æfa mig í að telja bara á íslensku þar sem ég er í yngri barna kennslu. 

 Töluboxið hennar ömmu: Ég hef ekki séð þessa bók áður en hún virkar mjög áhugaverð. Flott að sjá hvernig það er hægt að gera stærðfræðina áhugaverða með því að flokka tölur á ýmsa vegu eins og með lögun, eftir lit eða eftir stærð. Væri líka gaman að vinna með lögunina, hringlóttar tölur, ferhyrndar o.s.frv. 

Dúndurstrákurinn: Hér er einmitt verið að æfa talningu og auðvelda hana með því að telja í tugi eins og ég tók eftir að ég gerði með kubbana sem ég var að telja. Í bekknum mínum erum við að telja pökka (umbunarkerfi sem við erum með) og teljum á allskonar vegu meðal annars með því að setja tíu saman í stafl og svo tíu stafla og þá erum við komin með 100 o.s.frv. Krökkunum finnst það mjög gaman og gerum við þetta upphátt allur bekkurinn. Við höfum líka verið að nota talnahúsin eins og bókin setur það upp. 

Safnið mitt: Ég hef ekki séð þessa bók áður en virkar sem góð bók. Flott hvernig hægt er að nota hana í að þjálfa samlagningu en sjálf nota ég víxlregluna. Færi stærri töluna þannig hún er fremst, tel upp í næsta tug og bæti svo við rest. Flott að sjá að bókin mælir með að hoppa og telja á tveimur. Mér finnst gaman að reyna að nota hreyfingu með í stærðfræðinni. Eins og að sippa o.fl. 

Til að finna út ákveðinn fjölda á útisamkomu finnst mér best að telja ákveðinn hluta hópsins. Ef ég átta mig á því að það séu u.þ.b. 100 manns í þessum hluta, er nokkurn veginn hægt að gera ráð fyrir að svona mikið pláss rúmar 100 manns. Maður fær ekki út nákvæmt svar en hins vegar ekki langt frá því. 

Á myndinni á glærunum (hvar er Valli) er best að skipta henni upp, líkt og ég lýsti hér að ofan. Ég skipti myndinni í átta hópa lóðrétt, því sú skipting er nokkuð jöfn. Það er nokkuð erfitt að greina á milli hvað er raunveruleg manneskja á þessari mynd en miðað við mína talningu eru um það bil 100 manns á því svæði. Ég myndi því áætla að það séu um 800 manns á þessari mynd.

Bókin Dúndurstrákurinn er mjög hentug bók til að læra muninn á einingu, tug, hundruði og þúsund. Hún fer vel yfir hvernig stærðin á tölunum breytist og hvernig fjöldin rúmast fyrir í mismunandi hlutum (bréf, búnt, bréfboki, ruslapoki). Það skiptir einnig máli að ná athygli barnsins með því að hafa áhugaverða sögu í kringum dæmið. Þau eru miklu líklegri til að finnast stærðfræðin skemmtileg ef kennari tengir hana við eitthvað áhugamál þeirra eða eitthvað sem þau tengja við.  

Það er áhugavert að lesa um mismunandi leiðir sem fólk notast við til að telja. Ef ég ætti að telja mikinn fjölda fólks á útisamkomu myndi ég reyna að skipta svæðinu upp í hólf og telja sirka hve margir eru í hverju hólfi og leggja saman. Ég myndi horfa yfir svæðið eins og maður les, frá vi. til hæ. og líta alltaf nær og nær. Bækurnar sem bent er á eru frábærar og hvetja nemendur til að sjá hversu sveigjanleg stærðfræði er og hvernig hún getur gagnast okkur í okkar daglega lífi. Gott væri að lesa þær með nemendum og leggja fyrir þá verkefni í tengslum við bækurnar. 

Ég notaði tyggjó til þess að sjá hvernig ég tel, og vanalega tel ég alltaf upp í sléttum tölum. Það er að segja 2-4-6 og svo framvegis. Einnig taldi ég í stærri hópum líkt og 4-8 og bætti svo við þeim tveimur sem er eftir.