Erindi deildarstjóra Fellaskóla - Ágústráðstefna Samtaka áhugafólks um skólaþróun 14. ágúst 2025 by Ingvar Sigurgeirsson

Brynja Baldursdóttir og Inga Björg Stefánsdóttir, deildarstjórar í Fellaskóla: Tónlist, tungumál og skapandi skil – Nýjar leiðir til að efla læsi í fjölmenningarlegum skóla.

ingvarsigurgeirsson — 2025-05-06 13:09:29 UTC

Í Fellaskóla erum við stöðugt að leita nýrra leiða til að efla íslenskukunnáttu nemenda okkar. Síðustu ár höfum við verð að þróa verkefni sem sameinar tónlist, sköpun og íslenskunám á nýstárlegan hátt á eldra stigi.

Þegar við hófum þetta verkefni fyrir fimm árum voru fáir nemendur okkar sem lærðu á hljóðfæri. Með markvissri vinnu, stuðningi og eftirfylgni tókst okkur að snúa þeirri þróun við.

Í erindinu ætlum við að segja frá hvernig verkefnið hefur þróast í gegnum árin og hvar við stöndum í dag. Fjallað verður um þær óvæntu áttir sem verkefnið hefur leitt okkur í, framfarir, áskoranir, litlir og stórir sigrar .

Aftur á ráðstefnusíðuna

ingvarsigurgeirsson — 2025-05-06 13:09:29 UTC

Íslensku menntaverðlaunin 2024

ingvarsigurgeirsson — 2025-05-06 13:19:55 UTC

Fellaskóli hlaut Íslensku menntaverðlaunin 2024 fyrir fjölmenningarlega og skapandi kennsluhætti þar sem byggt er á virðingu fyrir félagslegum og menningarlegum margbreytileika.

Hlíf Brynja Baldursdóttir

ingvarsigurgeirsson — 2025-05-31 08:54:13 UTC

Hlíf Brynja deildarstjóri máls og læsis í Fellaskóla og hefur gegnt þeirri stöðu síðustu sjö ár. Hún lauk kennaraprófi frá Kennaraháskóla Íslands vorið 1992 og hefur kennt á öllum skólastigum, bæði á landsbyggðinni og á höfuðborgarsvæðinu.

Brynja er með meistaragráðu í menntavísindum frá Menntavísindasviði Háskóla Íslands og starfaði sem læsisráðgjafi hjá Menntamálastofnun árin 2015 til 2017. Hún hefur víðtæka reynslu af þróunarstarfi tengdu læsi og brennur fyrir því að efla málþroska og læsi nemenda í fjölbreyttu skólasamfélagi.

Inga Björg Stefánsdóttir

ingvarsigurgeirsson — 2025-05-31 08:55:39 UTC

Inga Björg er deildarstjóri tónlistar og skapandi skólastarfs í Fellaskóla og hefur gegnt því starfi síðastliðin 5 ár. Þar á undan var hún tónmenntakennari og kórstjóri við Grunnskóla Seltjarnarness og söngkennari í Sönglist Borgarleikhúsinu.

Inga er með bakgrunn í óperusöng frá Royal Academy of Music í London, diplómu í listkennslufræðum frá Listaháskóla Íslands og meistarapróf í menningarstjórnun frá Háskólanum á Bifröst.