for sir joel langcay <3 by Odrunia, Christalyne Faith P.

kryshiabangayan — 2023-01-31 13:18:00 UTC

Hi sir Joel!!
It's been a while, time really runs fast. When my senior high school journey stared I am so afraid, anxious and I found it hard to adjust kasi galing nga po kami sa online class and naninibago pa po kami. Pero nandyan ka po to remind us na magchill lang, chill na hindi nagpapabaya kundi nag-eenjoy habang nag-aaral. Hindi madaling makahanap ng guro na tulad mo sir and kinoconsider ko po ang section namin na swerte dahil nabigyan kami ng pagkakataon na maging guro ka. Salamat po sa lahat ng itinuro mo samin sa loob ng ilang buwan. Sa pagiging considerate po and syempre sa pagsakay sa trip ng klase hehe. Sobrang dami po naming natutunan sayo sir, hindi lang about sa lessons kundi pati mga aral na siguradong magagamit namin sa tunay na buhay. Sana marami pa po kayong estudayanteng maturuan in the future. We are hoping po sa mas magandang takbo ng journey mo sa industriyang ito. We promise po na iaapply namin lahat ng itinuro mo and we'll never forget you po. 11 Einstein loves you po!!

-Kryshia

Sir Joel,

2023-02-01 10:17:17 UTC

Malaki ang aking pasasalamat sa lahat ng naituro ninyo sa amin. Ngayon, alam ko na kung paano gamitin ang raw/daw, ng/nang, at marami pa. Sa simpleng pagtuturo, nahahalungkat at nahuhukay ang pagpapahalaga sa pagpapa-talas ng kaisipan ng aming henerasyon.

Aking dadalhin kahit saan man aki mapadpad. Mapa-tagalog man, dayalek, o inang wika, walang salita, baybay, tono, o diksyon ang makaka-pantay sa aming pasasalamat at utang na loob.

Maulit, maraming salamat, Ginoong Joel! 🫶

- Ashley.

Ginoong Joel,

mabborangmhariane — 2023-02-01 11:03:09 UTC

Sa totoo po, noong unang pagkikita natin ay natakot at na-intimidate ako sa'yo. Ngunit habang tumatagal pa ang pagsasama natin sa loob ng silid-aralan ay mas gumagaan ang pakiramdam namin sa'yo. Hindi ko lubos maisip na makakavibe ka namin.

Maraming salamat dahil ikaw ang naging daan para madagdagan ang kaalaman namin na magagamit namin kahit saan. Hindi lang ang mga napag-aralan namin ang tatagal, kundi pati na rin ang mga alaalang masaya. Maraming salamat po sa mga pagkakataon na nagiging maunawain ka lalo na sa mga araw na may mga kaganapan sa school. Higit sa lahat, kami'y ay lubos na nadalian sa asignatura sa paraan ng pagtuturo mo. Totoo nga ang sabi nila na "walang mahirap na asignatura, sa gurong magaling magturo". Kahit na minsan ay komplikado ay pinapadali mo lang ito para maintindihan namin.

Muli, maraming salamat po!

~Mhariane

mabborangmhariane — 2023-02-01 11:20:26 UTC

Magandang araw at gabi sir Joel, isusulat ko itong mensahe na ito na sobrang saya. Ang masasabi ko sa pagsasama natin simula nung unang klase ay nakakakaba at malugod, nakakakaba dahil napagtanto kong mahirap talaga ang iyong asignatura at hindi basta basta. Gaya po sabi ng iba, marami kaming natutunan lalo na ang nang/ng, hagdanan/hagdan, pinto/pintuan, kasaysayan ng wikang Filipino, at marami pang iba. Malugod sapagkat natutuwa kami sa mga aktibidad na iyong pinapagawa, mapaduladulaan, paggawa ng tula, kanta, at iba. Isa ka po sa aking isasapusong guro sapagkat kitang kita na talagang nais mong ituro saamin ang kahalagahan ng wikang Filipino. Salamat po sa lahat ng kaalaman na iyong itinuro saamin, wag mo po kaming kakalimutan dahil po hindi ko po makakalimutan ang sinabing mong, lagi kang nasasabik na pumasok sa aming klase lalo na pag araw ng lunes. Iyon lamang po at salamat.

~Jana L.

2023-02-01 13:51:19 UTC

Magandang Araw saiyo Ginoong, Joel!
Sisimulan ko ang aking mensahe sa pamamagitan ng pasasalamat. Salamat po Ginoo sa iyong pinakitang kabutian saamin. Salamat sa mga turo mong habang buhay naming aalalahanin. Salamat sa pag titiis at pag aalaga niyo po saamin sa loob ng silid-aralan. Salamat dahil ikaw ang tumayo at umako na gabayan at turuan kami sa aming pangalawang tahanan. Salamat din dahil nag silbi kang pangalawang magulang saamin.
Salamat po saiyo Ginoong, Joel!

Una po sa lahat, naaalala kopo pag pasok mo pa lamang sa aming silid-aralan ako ay nakaramdam ng takot at kaba ngunit habang tumatagal nawawala ito na parang bula. Hindi ko man ma isa-isa ang lahat nang mga "memories" na nabuo natin sa loob ng silid-aralan. Ako po ay nagagalak dahil isa ka sa aming naging guro na sobrang bait,masipag, at flexible.

Pangalawa, ang aming asignatura po sayo ay Kompan o Filipino kumbaga. Madalas ay naririnig ko sa iba na ang Kompan ay "boring" ngunit para saakin hindi ko naramdaman na "boring" ang Kompan dahil sa pagtuturo mo palang Ginoo ako ay nag eenjoy at maraming natututnan sa larangan ng Kompan.

Panghuli, Salamat po sa mga turo niyo saamin. Habang buhay po naming babaunin ang aming mga natutuan sa asignaturang kompan na turo mo po mismo. Ako at ang pamilyang STEM 11-EINSTEIN ay sobrang nag papasalamat saiyo Ginoo.

-Pastor, John George!🥰

2023-02-01 21:52:57 UTC

Maligayang pagbati sa inyo, Ginoong Langcay! Nais kong ilahad sa mensaheng ito ang aking naging karanasan sa iyong asignatura at kung paano ito naging espesyal sa akin.

Labis ang aking pasasalamat sa mga tuntuning iyong naituro sa amin, Ginoo. Hindi lamang ang mga tuntunin tungkol sa asignatura, ngunit tinuruan niyo po kami na magpursigi. Tatatak sa amin ang kasiyahan, ang mga alaala na nangyari sa loob ng silid-aralan na ikaw ang aming kasama, Ginoo. Isa ka sa mga pinakamahusay, klarong-klaro ang iyong pagtuturo, at hindi nagiging malamya ang pag-aaral ng asignatura dahil binibigyan mo ito ng buhay, at minsan ay naiuugnay mo ang tuntunin sa kasiyahan/biro.

Maraming salamat po sa mga aral na aming natutunan sa iyo, Ginoo. Ang iyong mga naituro sa amin ay aming isasabuhay, at sakaling maibahagi namin sa aming mga kapwa. Habangbuhay kaming magpapasalamat dahil para sa amin, walang ibang guro ang makapapalit sa saya na naidala mo sa pag-aaral ng asignaturang KomPan.

- Angelo.

2023-02-01 22:49:19 UTC

Naalala ko po noong una po kayong magpakilala sa harapan. Amin pong nalaman ang inyong pangalan. Kahit ang lahat po ay kinakabahan sa unang araw ng pasukan, ito ay inyo pong pinawi ng tuwa sa mga biro niyong medyo corny ngunit nakakapangwala ng kaba. Hindi ko po malilimutan ang "Papasa ba?" na aming sasagutin ng "Papasa!". Habang tumatagal ay mas lalo po namin kayong nakikilala. Namangha po ako inyo galing sa pagtuturo at pagsasalita ng malalim na tagalog. Hindi ko rin po malilimutan ang mga aktibidad na aming ginawa sa inyo pong asignatura, lalo na po ang pageant at dula. Dahil po sa inyo ay mas napahalagahan ko ang paggamit ng wikang Filipino at mas naintindihan ko po ang wastong gamit ng mga salita gaya ng "nang at ng, raw at daw, din at rin, may at mayroon, at iba pa". Maraming salamat po sa inyong tiwala at suporta. Isa po kayo sa mga iniidolo ko, sana po ay ipagpatuloy niyo ang inyong pasyon sa pagtuturo dahil marami po kayong naiinspire at isa na po ako roon. Mamimiss po namin kayo sir!! Palagi po kayong mag-ingat at alagaan niyo po ang inyong sarili. Nawa'y gabayan po kayo ng panginoon sa araw-araw. Muli, MARAMING SALAMAT PO SA LAHAT-LAHAT!! WE LOVE YOU SIR!!

- Irish Moreto

Hi Sir!!

2023-02-02 13:23:59 UTC

Magandang araw, Ginoong Joel!
Ngayong patapos na ang unang semestro, gusto ko pong magpasalamat sa sobrang pagsisikap sa pagturo sa amin sa asignaturang Komunikasyon at Pananaliksik sa Wika at Kulturang Pilipino (hinding-hindi ko makakalimutan yung buong kahulugan nyan Sir kasi deko nakuha nung first quiz huhuhu). Nagagalak ako na naging guro po kita dahil napakahusay mo po magturo at napakabait niyo po Sir. Lagi akong namamangha sa kakayahan niyo po sa pagsalita ng wikang Filipino dahil mabilis po ito ngunit sobrang linaw. Nagpapaumanhin din po ako sainyo Sir sa mga pagkakataong hindi ko napakikinggan nang mabuti ang iyong mga lecture at tuwing mabababa ang mga nakukuha kong grado sa mga pagsusulit o eksam. Bagama’t nangyarari minsan ang mga nabanggit ko, gusto kong malaman niyo po na nagustuhan ko talaga ang asignaturang KomPan at marami ako natutuhan dito, at ibinigay ko rin dito ang aking buong pusong pagsisikap.

Nagpapasalamat po ako muli para sa lahat Sir, sana’y mahusay at mabait din ang lahat ng iyong mga estudyante sa hinaharap!!!! <3

-Joseph Anthony C.

christalyneodrunia — 2023-02-04 08:16:58 UTC

Magandang araw, Sir! Una sa lahat, ako ay lubos na nagpapasalamat sa mga aral na inyong tinuro sa amin at makakaasa ka po na gagamitin namin ito sa mahabang panahon. Salamat sa paglalapat ng iyong sariling kaalaman upang kami’y maturuan. Ang iyong mga turo ay aking ilalapat din sa pakikisalamuha sa mga iba’t ibang tao. Dahil sa iyong asignatura ay mas napalalim ang aking kaalaman sa kulturang Pilipino. Aking lubos na hinahangaan ang pagmamahal niyo sa pagtuturo, alam ko pong madami pa kayong estudyante na maiipluwensiyahan ng iyong kaalaman dahil sa iyong dedikasyon bilang isang modelong guro. Muli, agyaman nak, Sir! :)

-Micahella

Magandang araw/gabi ginoong Joel!!

2023-02-12 04:02:52 UTC

Maraming salamat sa lahat ng itinuro niyo saamin, lalo na sa wastong paggamit ng salita gaya ng pinto/pintuan, ng/nang, raw/daw, hagdan/hagdanan at iba pa. Lagi akong naaaliw tuwing kayo'y nagpapatawa sa amin. Kaya't ikinalulungkot naming hindi na ikaw ang aming magiging guro sa susunod na semestre. Ika'y naging mabait at nagbigay ng tuwa at ngiti sa aming mga labi. Babaunin ko lahat ng mga aral at leksiyon na iyong itinuro sa amin at magsisilbing aral ang mga ito para lalo pa naming pagbutihin ang aming pag-aaral.
Maraming salamat ng masasayang alalang kailan ma'y hindi mawawala saaming puso't isipan. Maraming salamat pa pagpapalawak ng aming kaalaman sa Kulturang Pilipino.

Ako at ang aking mga kaklase sa Grade 11-Stem Einstein ay lubos na nagpapasalamat sa inyong dedikasyon sa pagtuturo.
Nawa'y marami ka pang mapasaya at maturuang estudyante sa hinaharap. Maraming salamat sa lahat sir joel.

-Jomar Lagundi🥰