Umhverfisfræði fyrir náttúrufræðibraut - UMHV3UR05 by Guðný Rún Sigurðardóttir - KV

Nemendur á 2. og 3. ári

Kvennaskolinn — 2026-01-30 13:30:46 UTC

Nemendur sem eru að fara á 2. og 3. ár velja annaðhvort umhverfisfræði eða vistfræði. Einnig er hægt að taka báða áfangana.

Hvað lærum við í umhverfisfræði

Kvennaskolinn — 2026-01-30 13:31:02 UTC

Umhversfræði er þverfagleg grein þar sem við erum að skoða samspil umhverfis, hagkerfis og svo félagslega kerfisins.

Loftslagsbreytingar - loftslagssamningar - hvað veldur loftslagsbreytingum, hvernig er loftslagið okkar að breytast og hvað getum við gert.
Umhverfisáhrif daglegs lífs - hvernig hefur það sem við veljum að borða, kaupa, ferðast og nota áhrif á umhverfið og hvernig lítil skref sem hver og einn tekur geta skipt máli
Orka framtíðarinnar - hvernig við getum skipt yfir í endurnýtanlega orku, hætt að nota jarðefnaeldsneyti og orðið sjálfbær með alla orkuna okkar.
Mengun og lausnir við henni - hvernig mengun hefur áhrif á okkur og allt umhverfi okkar, bæði plastmengun, loftmengun og allt þar á milli.
Auðlindir jarðarinnar - hverjar eru helstu auðlindir jarðarinnar og hvers vegna skiptir máli að vernda þær og fara vel með þær.
Vistkerfi jarðarinnar - hvernig við höfum áhrif á vistkerfi jarðarinnar og hvað við getum gert til að verja jörðina okkar, dýr í útrýmingarhættu, verndun skóga og náttúru og hvers vegna það skiptir máli.
Fólk og fólksfjöldi - hvaða áhrif hefur fólksfjöldi á umhverfið, hvernig er fólksfjöldi að breytast, eru einhver mörk til fyrir það hversu margir jarðarbúar geta orðið.

Þetta hafa nemendur að segja eftir áfangann

Kvennaskolinn — 2026-01-30 13:36:50 UTC

Mér finnst ég hugsa öðruvísi um allt, tek betri ákvarðanir um það sem ég kaupi og hvað mér finnst um ýmislegt sem er að gerast á jörðinni.
Ég hef ekki verslað á Shein í 3 mánuði!!!
Núna hugsa ég miklu meira um ábyrgðina okkar og hvað við getum gert eins og til dæmis með mengun.
Í dag skil ég miklu betur hvernig allt einhvernvegin hefur áhrif á hvert annað. Eins og bara að kaupa buxur, hvernig það hefur áhrif á mengun, neyslu, fátækt og fleira..
Þessi áfangi er frábær til að kenna ungu fólki að vera meira umhverfisvænt.
Ég veit meira um umhverfisfræði og loftlagsmál. Þetta víkkaði skilning minn á hversu alvarlegt þetta er...

Áfangalýsing

Kvennaskolinn — 2026-01-30 14:07:48 UTC

Verkefnaáfangi - jákvæðar lausnir - ekki lokapróf eða stór lokaverkefni

Kvennaskolinn — 2026-01-30 14:23:04 UTC

Í áfanganum fáum við að:

vinna með raunveruleg mál eins og loftslagsbreytingar, vistkerfi og sjálfbæran lífsstíl
gera skapandi verkefni þar sem við vinnum með fjölbreytt viðfangsefni út frá ýmsum sjónarhornum
tala saman og rökræða, prófa hugmyndir skoða hvernig allt tengist í umhverfi okkar
vinna í hópum, pæla, prófa, rannsaka og finna lausnir
kanna umhverfið í kringum okkur, bæði í skólanum,úti í náttúrunni og á okkar heimilum

Umhverfisfræði fyrir framtíðarstörf

Kvennaskolinn — 2026-02-09 11:42:00 UTC

Umhverfisfræði hjálpar þér að sjá tengslin milli náttúru, samfélags og tækninnar — og það er kunnátta sem nýtist í öllum námsgreinum og öllum störfum.

Að kunna umhverfisfræði þýðir að þú:

skilur hvernig ákvarðanir hafa áhrif á náttúru og samfélag, sem er lykilhæfni í öllum atvinnugreinum
getur lesið í gögn, metið áhættu og hugsað á gagnrýnin hátt
þekkir sjálfbærar lausnir sem fyrirtæki og stofnanir þurfa að innleiða
ert betur undirbúinn fyrir störf sem tengjast nýsköpun og grænni tækni, sem er einn hraðast vaxandi atvinnugeirinn