Localidade:   A Coruña (A Coruña)

Seccions:   
        Lobecos Stoas
        Rangers Stoas
        Pioneiros Stoas
        Rotas Stoas

- Pertencente á ADE de Santiago de Compostela- SdG- ECG-MSC.

stoas@scoutsgalicia.org

Instagram: @scoutstoas

Facebook:   

http://www.facebook.com/scout.stoas

Twitter:   http://twitter.com/scoutstoas

Youtube: @ScoutStoas

O que decidamos nós mesmos!

Si. A maior parte do equipo conta coa titulación de Monitor/a de Tempo Libre (MTL) e, ademais, dispoñemos de tres persoas coa titulación de Director/a de Tempo Libre (DTL).

Por que utilizamos xel de glicerina?

Porque o xel de glicerina que utilizamos é respectuoso co medio ambiente e axeitado para as actividades previstas.

Poderei comunicarme coa miña filla ou co meu fillo durante o campamento?

A comunicación non poderá ser directa. A excepción de emerxencias que sempre levarase a cabo a través do responsable 'enlace de familias' e as canles facilitadas.

Poden levar teléfono móbil?

Non se recomenda levar teléfono móbil ao campamento. No caso dun uso inadecuado, o equipo educativo poderá retiralo temporalmente. Se precisades contactar coa vosa filla ou co voso fillo por unha cuestión importante, poñédevos en contacto connosco e facilitaremos a comunicación.

Teño que entregar a tarxeta sanitaria?

A tarxeta sanitaria forma parte da documentación obrigatoria do campamento. É necesaria para poder actuar con rapidez e eficacia ante calquera incidencia médica.

Haberá algún vehículo dispoñible no campamento?

Si. Sempre haberá, como mínimo, un vehículo dispoñible para responder ante calquera necesidade ou emerxencia.

Que deben levar na mochila?

No tríptico hai unha lista do obrigatorio, do que consideramos imprescindible e recomendacións.

Que ocorre se unha persoa participante toma medicación?

Deberedes indicalo na ficha médica e entregar a medicación correctamente identificada, xunto coas instrucións necesarias para a súa administración. Haberá unha persoa responsable da súa xestión e supervisión. 

Hai persoal formado en primeiros auxilios?

Si. O equipo conta coa formación necesaria para actuar ante incidencias e emerxencias básicas. Ademais, contamos cun enfermeiro e cunha técnica en emerxencias sanitarias dentro do equipo.

Como se xestionan as alerxias e intolerancias alimentarias?

É imprescindible comunicar calquera alerxia ou intolerancia na documentación do campamento para que poidamos adaptar os menús e tomar as medidas necesarias.

Pódese abandonar o campamento antes de que remate?

Si, pero deberá comunicárselle previamente á organización e a recollida deberá realizala unha persoa autorizada.

Como saberei que todo vai ben durante o campamento?

Iremos compartindo información xeral, fotografías e avisos a través das canles de comunicación establecidas coas familias.