“trátase de observar os obxectos non tan só polo que son, senón tamén polo que poderían chegar a ser. Xeralmente, unha mesma cousa, pode ser considerada ou examinada dende moitos aspectos, e ás veces, os puntos de vista menos obvios son os que se revelan como máis útiles. Nunca está de máis, cando se entendeu unha cousa polo que é, profundizar para ver que outra cousa podería ser”

O presente traballo, trata de poñer ao alcance dos cativos e cativas (e dos non tan cativos e cativas) diferentes formas de mirar a natureza e a contorna que os rodea. A natureza implica vida e nós somos vida. Consideramos que non hai mellor maneira de apreciar o que nos rodea que recoñecendo principalmente o que nós, como seres con vida, seres que se moven pola contorna e seres que actúan ante ela, podemos chegar a facer. Aquí, facemos fincapé en dúas facetas e en dúas ideas que irán recreando o proxecto que propoñemos a continuación. A primeira delas é “como coidamos a vida?” e a segunda, se a primeira é o Polo Norte, será o Polo Sur, “como destruímos a vida?”. 

Así pois, a partires destas dúas premisas, agochamos un proxecto que vencella a reciclaxe co cambio climático e coa arte. Si, si. Coa arte. Máis adiante veremos como todo isto comeza a fluír por un camiño onde estes tres conceptos se ven íntimamente ligados. Un camiño onde a curiosidade, a creatividade e a acción de cativos e cativas protagonistas, leva a recoñecer a importancia de coidar a vida. Asemade, esta proposta diverxe nunha clave fundamental, o activismo. Busca así, facer partícipe á comunidade nun proxecto que precisa da man con man, da reflexión crítica e da loita continua cara un obxectivo común: frear a perda da vida.

REpensar, REcrearse e REcrear, REalizar e REalizarse, facer e REfacer, utilizar e REutilizar, son algunhas palabras das que partimos para a posta en marcha do que a continuación presentamos. REflexionar e REsilvestar, marchan a nosa andaina na busca da REciclaxe creativa co alumnado.

Aitor C.

Coñeces algunha ferramenta para poder facer un gran mural virtual? Presentámosche aquí o noso, realizado na APP Miro. A APP Miro é unha ferramenta estupenda para levar a cabo composicións en liña con diferentes persoas. Ademais, permíteche rexistrar o proceso e, por conseguinte, conservalo. 

Unha ferramenta moi axeitada para traballar nunha aula nos tempos que corren!

Esta actividade pode ser realizada organizando unha saída en gran grupo, ou pedíndolle ao alumnado que vaia enchendo a súa maleta de forma individual. 

Xa na aula, reflexionaremos sobre: que cousas marabillosas conseguimos? 

 

 

Nesta fase ensinarémoslle ao mundo todo o gran e laborioso traballo que vimos de realizar, unha maneira de aprender que tamén nos axudará a eninar!

Chegou o momento de promover todas as accións realizadas durante este proxecto!! 

Obxectivos da actividade: 

Para saber máis:

https://museomoderno.org/wp-content/uploads/2020/12/El-museo-va-a-la-escuela-museo-.pdf

Referencia da imaxe:
Alexander Gray Asociates: https://www.alexandergray.com/series-projects/luis-camnitzer7?view=slider#3

Verónica Richterová é unha artista checa que crea obras de arte partindo de botellas de plástico PET. Entre as súas obras, destacan fermosas e impresionantes lámpadas de araña, as cales son realizadas con mimo e amosan visualmente unha gran cantidade de detalles e delicadeza na súa composición. Ademais de lámpadas, tamén amosa unha clara inspiración na natureza e no que ela se desenvolve porque recrea animais, prantas, etc… Aquí vos deixamos unhas imaxes e uns enlaces de interese. Inspirádevos!

Máis información:
https://art3ducacio.wixsite.com/infantil/blank-14 
https://gestoresderesiduos.org/noticias/la-artista-veronika-richterova-crea-obras-de-arte-reutilizando-botellas-de-plastico 

Leo Sewell, é un artista estadounidense nos que os “obxectos integrados” se fan os protagonistas das súas obras. El, recrea, a partires dos obxectos que vai atopando pola rúa, que lle van regalando, ou que atopa na súa vida. Así, dalles unha segunda vida a aqueles obxectos que caeron no desuso ou dos que se di que “xa non serven para nada”. 

Así pois, a frase que mellor o define no seu traballo é “alargar o ciclo vital dos obxectos, recontextualizalos”.

Mira o seu traballo! https://www.leosewell.net 

Joan Miró foi un artista español que decidimos traer ao noso proxecto grazas a ser un dos maiores representantes do surrealismo. Foi pintor, escultor, gravador e ceramista.  Como el, nas súas obras reflexa o interese polo subconsciente, no “infantil” e na cultura, decidimos enchernos da súa filosofía de vida e traer estes aspectos de interese ó proxecto que se presenta. Ademais, é un artista que loitou por superar os límites estrictos da pintura, algo que consideramos moi destacable. Xogo e ironía son termos que flúen nas súas obras. 

Non nos podemos esquecer de mencionar tamén o seu interese polos elementos do cotiá, por elementos a través dos cales se inspirou nas súas obras. Obxectos atopados nun paseo, obxectos que tivese pola casa, etc. 

Enlaces de interese sobre Joan Miró. 

https://www.culturagenial.com/es/joan-miro-obras/ 

https://masdearte.com/joan-miro-esculturas-centro-botin/ 

Yann Arthus Bertrand é un activista medioambiental e social, divulgador científico, director de documentais e fotógrafo francés. Por que decidimos inspirarnos neste fotógrafo? Realmente cremos que as súas impresionantes fotografías son moi interesantes para que cativos e cativas pensen e se conciencien da necesidade de coidar o que nos rodea porque a través delas, a parte de amar a natureza, vemos como a pegada do cambio climático actúa sobre ela. Tamén nos inspiramos nel pola súa loita e pola súa forza para destacar aqueles aspectos que son realmente importantes na nosa vida. 

Chegados aquí, recomendámosvos ver HUMAN, unha película deste autor que versa en torno a unha pregunta; que é o que nos fai humanos?

Mira o seu traballo: http://www.yannarthusbertrand.org
http://www.yannarthusbertrand2.org/collection/earth-from-above/