أحب طالباتي by Huda

ihuda25 — 2017-10-07 18:44:33 UTC

أستاذتي العظيمه هُدى الزغيبي
الكلمات م توفيك حقك ولا يكفي ٢٨ حرف اتكلم عنك بحاول أعبر عن اللي في قلبي ويارب يوصلك منه ولو شي بسيط، فعلاً م ابالغ لو قلت انك احلى وأروع وأعظم أستاذه درستني من يوم عمري ٦ سنوات للحين ، والله كلمة شكراً م تكفي كيف اشكرك على لُطفك وطيبة قلبك وحلاوة حصتك وابتسامتك الجميله وكلامك الايجابي كيف أرد لك جميلك؟ انتي اكبر مثال للمعلم الحسن والانسان المتميز والخلوق ،تعلمت منك اشياء كثير كثير وببقى دايماً أذكرها ومستحيل انسى جميلك علينا ،حببتينا في الماده وسهلتي علينا كثير والله فيه ايام م كنت اداوم الا بس عشان الاحياء لانها كانت سبب سعادتي في ضغط الحصص كانت الملجئ المريح بالنسبه لي من تعب الحصص ،وهذا كله بفضلك❤️
للحين متذكره كل حصه حلوه درستينا اياها وكل معلومه قلتيها لنا ، وم انسى مره من المرات اعطيتينا ربع ساعه من حصتك عشان ناكل وقلتي " اخاف يبرد اكلكم خلاص بعطيكم ربع ياعه من وقت الحصه ، رحم الله امرئ كان رحيما " كل الرحمه والموده واللطافه كانت منك ! والله اتمنى من كل قلبي ارجع ادرس ثاني ثانوي بس عشان ادرس حصص معك اكثر لان ترم واحد مع انسانه حلوه مثلك م يكفي والله،وانا اتكلم بالنيابه عن جميع بنات الدفعه ، والله دفعة ٢١ تحبك وكلنا نحبك ، شكراً من اعماق قلبي على كل شي قدمتيه لنا بحب وإخلاص ، والله يجمعني فيك بالفردوس الاعلى يارب،أحبّك❤️❤

ihuda25 — 2017-10-07 18:47:02 UTC

أستاذة هدى الزغيبي

من أكثر المعلمات الي مستحيل أنسى وقفتك معانا

شكرًا لك مو عشانك معلمة بس لأنك أخت وأم وكل شي

من أعماق قلبي الله يوفقك بحياتك ويعيننا ويقدرنا على رد شي بسيط من الي سويتيه لنا وشكرًا للأبد 💗💗💗💗💗

أ.هدى زغيبي ☹️😭

ihuda25 — 2017-10-07 18:47:31 UTC

صدددق صدق من اقرب المعلمات لقلبي مرره مره أعزك يعني مدري شقول صراحة مافي شي اقوله يوفي بحقك ،
غيرتي فيني نظرتي للأحياء كانت سودا وصارت بيضا صافيه و من اكثر المعلمات احترام وتقدير لطالباتها بشكككل يصييح يعني تعطين من قلب بشرحك ما شاءالله فيك تواضع شي خيال احب كيف تحبين طالباتك وهذا يخليهم يموتون علييك وفيك كمية لطافه 😩 من كثر ما اعزك اذا مريتي أو شفتك من بعيد قلبي يرقص🎉😂 يختي مدري شلون في كلام عيا يطلع:( والله عيوني غورقت وأنا اكتب💘💔 الزبدده ياربي ودي اخمك افعصك <-الحمدالله الموضوع مافيه أسماء-😂 وبس والله شككككراً لك ألف ومليون وكل الارقام والله يوفقك ويسعدك ويكتب لك اللي تتمنينه دنيا واخره و يجمعني فيك بالفردوس يا رب❤️

أ.هدى الزغيبي😩💜

ihuda25 — 2017-10-07 18:47:40 UTC

من أحب وأقرب المعلمات لقلبي سأضل أذكرك بالخير دائما واذكر لطافتك ولطافة حصتك الجميله وشرحك المشوق وابتسامتك اللي تجيب العافية الله يجمعني فيك بالجنة 💘

ihuda25 — 2017-10-07 18:47:53 UTC

أ.هدى الزغيبي
ساعدتيني أغير شيء كنت من زمان أبغى أغيره بشيء منك جددددا بسيط، ما أنسى حماسي بمذاكرتي للأحياء بالاختبار النهائي مع أني أنا وهالمادة مانتفق أبدًا، لكن سبحان الله السبب كان في شرحك وطريقة توصيلك للمعلومة بشكل ممتع كل بنت أحبها بالرواد وأبغى لها الخير أتمنى أنك تدرسينها❤️

أستاذة هدى الزغيبي

ihuda25 — 2017-10-08 15:10:53 UTC

أكثر حاجه تعجبني فيك انك انسانة مخلصة بمعنى الكلمة في عملها ماشاءالله تبارك الله💘، لان جد نادر نلقى معلمات مثلك، تعلمت منك أشياء كثير وغيرتي نظرتي للمعلم وانتِ السبب الي خلاني ابي اكون معلمة او انسانه مخلصة في عملها مثلك. حصتك كانت من امتع الحصص وكنتي تدخلين المعلومه غصب فروسنا😂 لدرجة وانا اذاكر الأحياء كنت اتذكر شرحك بالتفصيل. فيه كلام كثير فقلبي بس هذا الي قدرت اطلعه وياحظ ثانوي ثانوي فيك والله💘

أستاذة هدى الزغيبي 💕💕😭

ihuda25 — 2017-10-10 20:27:31 UTC

والله العظيم وربي شاهد على ما أقول اني كتبت عن كذا استاذة بس يوم جيت اكتب عنك دمعت عيني 😭😭 علمتيني ما معنى أن تكون " معلم " علمتيني كيف اتقن العمل علمتيني كيف اكون مثل الغيمة امر على الناس وارويهم وما أأذيهم ابداااا ، والله اني جالسة اصيح وانا اكتب لك اشتقت لحصتك قد الدنيا مع اني سوم كنت بالحصة ما كنت اقدر النعمة إلي انا فيها ، علمتيني كيف أحاول أخفف من هموم الناس باختصار علمتيني كيف اكون ملاك على هيئة بشر أسأل الله كما جمعنا في الدنيا أن يجمعنا في الآخرى 😭 أذكر إنك كتبتي لي شكرا لئني تعلمت منك أن المرء لا يحمل لأخيه الا كل خير ، يمكن تكونين تعلمتي مني شي بس انا تعلمت منك أشاء لو بجلس أعدها ما راح نخلص ❤

أ.هدى الزغيبي

ihuda25 — 2017-10-29 19:59:53 UTC

طبيعي اني لسا اذكر شرحها وصوتها بأذني والمعلومات وكل شيي صدق مدري وش اقول بس اتمنى ارجع ثاني عشانها بس💙💙💙