Со други зборови,  колаборативното учење се однесува на методологиите и околините во кои учениците се ангажираат за заедничка задача, каде што секој поединец зависи од другите и воедно е одговорен за нив. Колаборативното учење вклучува и разговори лице во лице и компјутерски дискусии преку различни ИКТ алатки (онлајн форуми, виртуелни простории за разговор, итн.) 

Компјутерските дискусии преку различни ИКТ алатки се особено популарни во денешно време. Како што знаеме, учењето повеќе не е ограничено на училници. Виртуелниот свет во поново време им овозможува на студентите или учениците, кои не се блиску еден до друг, сепак да соработуваат со своите инструктори и врснци со цел за да научат нови вештини и да стекнат подобрено знаење. 

Денес придобивките од колаборативното учење се широко познати, но ретко се практикуваат, особено на универзитетско ниво. Panitz (1997) наброил 67 различни придобивки - академски, социјални и психолошки - што може да се очекува од користењето на групна работа. Тие вклучуваат фактори како што се градење на самодоверба, намалување на анксиозноста, поттикнување на разбирање на различноста, поттикнување на односи и поттикнување на критичкото размислување.