O/a docente seguirá os perfís do alumnado para así ver a calidade das noticias que comparten, a aplicación do sentido crítico nos seus comentarios e as competencias relacionadas co ciclo que adquiriron.

Xunto co anterior o docente incluirá no Padlet unha serie de perfís que lle recomenda ao alumnado seguir, pois cónstalle que as súas publicacións poden converterse en aportacións de valor no desenvolvemento do alumnado. 

Unha vez que se sigue a eses profesionais, cada alumno debe escoller unha persoa á que propoñerlle certas cuestións relacionadas co mercado laboral. Entre as cuestións propostas, que figuran no Padlet estarán:

·         Como influíu a túa formación na túa carreira profesional?

·         Que fontes de emprego che parecen máis útiles? En concreto para o sector químico?

·         Que me recomendarías de cara ao futuro?

·         Dende a túa experiencia, que barreiras de xénero son as máis habituais?

·         O sector goza de boa saúde respecto do traballo decente?

Unha vez que o alumnado se puxo en contacto cos profesionais, debe facer unha posta en común na aula, onde tamén estarán as docentes do módulo de laboratorio, para dar a súa visión sobre as respostas proporcionadas polos distintos profesionais. 

Esta posta en común abarcará os cincuenta minutos da sesión 5.

A segunda fase da actividade consiste en que, unha vez localizados en Linkedin os puntos esenciais do mercado de traballo, o alumando fará en grupo, unha gravación na aplicación de conferencias Spatial Chat, na que afonden nas anteriores cuestións. Este Spatial Chat preparase durante 30 minutos da sesión 6, e logo procederase a gravar e trasladar as conclusión na sesión 7. Unha vez feita a gravación na aplicación, deberase subir ap Padlet da Tarefa 3 para que poidan velo o resto dos compañeiros e dar a retroalimentación oportuna. 

Para afondar nas anteriores cuestións, no marco de O Noso Caderno débese facer un esquema dos contidos esenciais da actividade, cos puntos e cuestións sinaladas no Padlet. 

Esta actividade abarcará toda a sesión 8 e con ela o alumnado será máis consciente da necesidade de rachar coas barreiras de xénero e de conseguir un traballo decente e igualitario para toda a poboación.

Para que isto non sé quede só nunha actividade lúdica, o alumnado tamén deberá visualizar unha serie de vídeos que contan a historia de diferentes mulleres na ciencia e noutras artes ou disciplinas. Estes vídeos estarán dispoñibles en O Noso Caderno e a reflexión que se extraia desta actividade debe ser trasladada alí, cumprindo coas pautas establecidas no Padlet e respondendo cuestións como:

·         Que sensación che causou participar no deseño e realización do mural?

·         Que che sorprende dos vídeos visualizados? 

·         Corresponsabilidade

·         Toma de decisións