"ذكرياتنا الحلوة في كورس الدراسات ❤️" by Amany Kamal

doaamohamed2020 — 2025-08-05 17:51:04 UTC

من أجمل الذكريات حقيقي اجمل كورس اخدته فى حياتى ومس امانى من اجمل الشخصيات اللى اتعلمت معاها والجروب كله متميز وحقيقي مبسوطة جداااا واتمنى اننا نلتقى فى كورسات عديدة

2025-08-05 19:21:13 UTC

من أجمل وألطف الشخصيات اللي اتعلمت منها

مكنش ليا الحظ اني احضر اون لاين واتفاعل معاكم بس ليا الشرف اني حضرت محاضراتك واستفادت منها واتمنى في يوم من الايام اني اوصل واكون مدرسة جميلة زيك واعرف اوصل المعلومة بسهولة للطلبة

شكرا لانك حببتيني في التدريس وعرفت قيمته

قلب احمر اهو عشان انتي بتحبي اللون ده❤️❤️❤️

2025-08-05 20:22:15 UTC

مس أماني إنتي بجد إنسانة حلوة جدا أسلوبك وابتسامتك ودعمك المستمر لينا أنا بجد محظوظة إنك كنتي أستاذتي وأتمنى من كل قلبي إنك تفضلي تحققي نجاح ورا نجاح لأنك تستاهلي بجد وأنا بحبك جدا جدا جدا 😘

2025-08-05 20:53:28 UTC

مس أمانى ليكى كل الفضل عليا

وتعلمت منك كتير نبرةصوتك دائما هفضل سمعاهارغم صغر سنك علمتينى حاجات كتير

شكراً ليكى وربنا يوقفلك ولاد الحلال في طريقك

اختى الغالية الجميلة فى رعاية الله

nesmasaied87 — 2025-08-05 20:56:25 UTC

ميس اماني أقول أيه ولا أيه من أول البشاشة والطلة اللى تخطف القلب وإذابتة الجليد بينا من أول سيشن وحسستينا أننا أسرة وعائلة مع بعض بجد جميلة بكل تفاصيلك بروحك بإنسانيتك برسالتك وهدفك من المهنة نفسها قبل ماتعلمينا أى حاجة فى التدريس علمتينا ازاى نبقى لطاف ووددين مع بعض وبنحب الخير لبعض وبنساعد بعض علمتينا الصبر ويضرب بيكي المثل فى قوة التحمل والله أغلب الوقت كنت بتصعبي عليا لأننا محملينك فوق طاقتك وبنبعت خاص وبنطول في السيشن وبتستحملي النت وعمايله وبتقدري إعذارنا وماتعصبتيش على حد رغم الضغط عليكى كنتي حمولة وصبورة ولطيفة لأبعد مدى ده على الجانب الشخصي ... على الجانب المهني أنا اتفجئت بوربوينت تحفة كل مرة احلى من اللى قبليها ترابط أفكار وترتيب مادة علمية واختصارها بتدينا اللي فى الصميم جايبلنا اللي ينفعنا ونشتغل بيه مش بتبخلي بأى معلومة عايزانا نبقى أحسن ناس فى المهنة ... والمفاجأة ان ديه أول مرة تدربي وفعلا مش هتتنسي زى ماقولتي بجد المحاضرات بنزلها وكنت حريصة رغم رخامة النت أن أحتفظ بيها وناوية اسمعها مرة واتنين وبراحة مع أن مابحبش أعيد اللى خدته لأن بطيئة شوية بقف عند كل كلمة بس فيديوهاتك وشرحك ومادتك وعلمك يستاهل يتسمع عشرات المرات شكرا أنك أدتينا من قلبك ومن وقتك ومن صحتك ومن ضغط أعصابك لدرجة أن خلتينى أحاول وأحاول ومايأسش رغم معوقات النت والموبايل واللاب اللي زهقتني .. كان هدفي تعرفي بس أننا مقدرين تعبك وممتنين ليه مش علشان شهادات مابقتش أهتم بشهادات الأهم اللى اتعلمته وده اللى هيفضل محفور فى ذهننا وقلوبنا ومسيرتنا ونفرحك بينا أن شاء الله وهتحسى أن كل واحد فينا كان مشروع أنتى انجزتيه وشايفه بيكبر ويتحقق قدامك كان ليا حق أدى الاهمية ليكم مش للدبلومة اللى دافعة فيها اكتر هنا فى روح وقلب خايف علينا وبيحبنا من قلبه وده أنتي ياميس أماني إنسانة رحيمة ممميزة مجتهدة صبورة طيبة محبة طموحة شغوفة باللي بتعمله .. ربنا يمتعك بالصحة وراحة البال وتحققي التوازن النفسي على كل المستويات وتحققي كل النجاحات ليكي ولأولادك يارب وفعلا اللي بتزرعيه فينا وفى طلابك تلاقيه فيهم ويلاقوا ناس شبهك أو على الأقل فى اى حتة جميلة منك شكرا شكرا شكرا الكلام مايكفيش والله حقك ♥️♥️♥️

ahmedkhlif77 — 2025-08-05 21:12:41 UTC

مس ااماني القمر = الشخصيات الطموحة والبشوشة والكريمة اهدافها محددة من حظي الحلو اني كنت معاها واتعرفت عليها اتمني انك تفضلي مميزة دايما وفي القمة

مس نوره وحشتينا جدا مش هنسي محاضرتك عن الزووم استفدت منك جدا كان نفسي تشوفي الديمو بتاعي واستفاد من خبرتك

زمايلي بحبكم كلكم في الله كنت فخورة اني معاكم استفدت من الديموهات بتاعتكم كل واحد فيكم سايب فيا اثر جميل نسمة سابت فيا اثر الطيبة لانها مش بخلت علينا باي مشاركة

مس امينة قلوب كتير ليكي سبتي فيا اثر الرقي في الكلام وفي الاسلوب وفي الهدوء

رحمة وايه عبدالغني الحماس والنشاط والضحكة الحلوة

نصرة سابت فيا اثر مافيش مستحيل

مس سماح والاء رغم العلم االلي عندهم وبردو لسه بيجتهدو في طلب العلم سابو فبا اثر الطمع في طلب العلم

منه ورنا بسمع صوتكم واشوف وجوهكم بدوب بمعني الكلمة من رقتكم وحلاوتكم

مس دعاء مرزوق ودعاء محمد تعبناكم معانا والله طول المنحة ومس وفاء الادب والالتزام واهم اثر سبتوه كلكم فيا الاصرار .....................................

2025-08-05 21:48:53 UTC

حقيقي منحة جميلة وانا استفدت منها كتير واكتر حاجة مميزة في المنحة كل المحاضرين عندهم ضمير

اما بقي التخصص احب اشكر اجمل شخصية في المنحة بجد اللي مش هنساها شخصية خبرة وعندها معلومات مختلفة وصبر ماشاء الله اماني بجد ربنا يوفقك علي اد تعبك وضميرك ❤️❤️واشكر نورا واقولها حمد الله علي سلامتك 🌹🌹وبشكر كل المدرسات اللي فعلا روحهم وخبرتهم كلها حب وما حدش بيدخل علي حد باي معلومة ❤️❤️❤️

waffamohamed6116 — 2025-08-06 14:30:00 UTC

ميس اماني الجميلة وميس نورا القمروكل الناس الجميلة في الجروب بجد انتوا من احسن الناس اللي اتعاملت معاهم ميس اماني كنتي السبب في تغير فكرتي عن مدرسين الدراسات وفعلآ كنت بحس بحب كبير بيني وبين كل الناس في الجروب دا بسبب روحك الحلوة اللي زرعت الحب بينا وطولت بالك معانا واصرارك علي توصيل المعلومة لينا انتي وكل مدربين المنحة اتعلمت منكم حاجات كتير حلوة فعلا عمري ما هنسي اد ايه المنحة غيرت تفكيري وكنت بستني معاد المحاضرة بلهفه وحريصة علي المعاد وبدءت اهتم بتطوير نفسي للاحسن إن شاء الله ربنا يسعدكم يارب نفضل دايمآ مع بعض وعلي تواصل مهما عدت السنين علينا نفيد بعض ونساعد بعض بحبكم كلكم دمتم سعداء وبخير وصحة وسعادة

2025-08-08 13:17:45 UTC

ميس اماني و ميس نورا لكم مني كل التقدير

الف الف شكر لمجهودتكم معانا

اتعلمت منكم البشاشه و الروح الجميله الكلام مش حيوافي حقكم جزاكم الله خيرا كثيراا

🥰🥰🥰🥰🥰