ellimóð þá sátu um kjurt

veslings Grýla og Leppalúði.

Á lífið hvorugt þeirra trúði.

 

Uns Grýla mælti mædd og rám:

– Það mætti reyna að hefja nám …

Og uppi í Hamrahlíðarskóla

háöldruð þau vermdu stóla.

 

Í Háskólann þau héldu inn

er höfðu klárað öldunginn.

Innrituð þau eru bæði

í uppeldis- og kennslufræði.
 

Þórarinn Eldjárn

Tíminn líður, trúðu mér,

taktu maður vara á þér,

heimurinn er sem hála gler, 

hugsaðu um hvað á eftir fer.

 

Það á að strýkja strákaling,

stinga honum ofan í kolabing,

loka hann úti í landsynning,

láta hann hlaupa allt um kring.

 

Það á að strýkja stelpuna,

stinga henni ofan í mykjuna,

loka hana úti og lemja hana

og láta hann bola éta hana.
 

Þjóðkvæði

Vertu hógvær og varast deilur,

en ef orðum

áttu að skipta,

skrafaðu fátt,

með skýrum rökum

yrðstu þó aldrei

við óráðvandan.